ၦၤကီၫ်ပယီၤဖိလၢ ဒိးကဲထီၣ်သးဒ် ခဲနဒၣ်ထံဖိကီၫ်ဖိ(ကနေဒါနိုင်ငံသား မြန်မာ)တဖၣ် တၫ်လဲၤဆူ ကီၫ်ပယီၤ အဆၢကတီၫ် သုးကီၣ်ကး တၫ်မၢကဲသုးမ့ၫ်အိၣ်ထီၣ် တၫ်ကဒီသဒၢန့ၫ် တၫ်အုၣ်ခီၣ် တအိၣ်ဘၣ်အဂ့ၫ် ကီၫ်ပယီၤဘၣ်ထွဲခဲနဒၣ်မီၫ်သီ၀ဲၤဒၢး(မြန်မာနိုင်ငံဆိုင်ရာ ကနေဒါသံရုံး)ဟ့ၣ်ပလီၫ်၀ဲန့ၣ်လီၤ.
ခဲနဒၣ်လံာ်ခီကီၫ်(ကနေဒါနိုင်ငံကူးလက်မှတ်)မ့ၫ်အိၣ်ဘၣ်ဆၣ် ကီၫ်ပယီၤတခီ တတူၫ်လိာ်၀ဲထံကီၫ်(၂)ဘ့ၣ် ထံဖိကီၫ်ဖိအသနူလၢ အဖိးသဲစးအသိး တကးဘၣ် တၫ်ကပာ်ပနီၣ်အီၤလၢ ကီၫ်ပယီၤထံဖိကီၫ်ဖိအသိး၀ံၤ တၫ်ကမၢကဲသုးသ့အဂ့ၫ် စံး၀ဲန့ၣ်လီၤ.
တၫ်မၢကဲသုးအဆၢကတီၫ် ခဲနဒၣ်မီၫ်သီ(ကနေဒါကောင်စစ်ဝန်)အတၫ်နုာ်လီၤမၤစၢၤအဖီခိၣ် သုးကီၣ်ကးတပၤ ဂ့ၫ်လိာ်၀ဲသ့အဂ့ၫ်စ့ၫ်ကီး ခဲနဒၣ်၀ဲၤဒၢး(ကနေဒါသံရုံး) ထုးထီၣ်ပာ်ဖျါဟ့ၣ်ပလီၫ်ဃာ်၀ဲဖဲ လါဖံၤဘြူၤအါရံၤ(၁၉)သီအနံၤန့ၣ်လီၤ.
သုးကီၣ်ကးတခီ ပိာ်ခွါလၢသးနံၣ်အိၣ်(၁၈)နံၣ်ဆူ (၃၅)နံၣ်တဖၣ် ဒီးပိာ်မုၣ်လၢသးနံၣ်အိၣ်(၁၈)နံၣ် ဆူ(၂၇)နံၣ်အဘၢၣ်စၢၤတဖၣ် တၫ်ကဘၣ်ကဲသုးအဂ့ၫ် ဖဲလါဖ့ၤဘြူၤအါရံၤ(၁၀)သီအနံၤန့ၣ် ထုးထီၣ်ပာ်ဖျါဃာ်၀ဲန့ၣ်လီၤ. လၢတၫ်န့ၣ်အဃိ တၫ်ဘျၢအံၤအဖီခိၣ် တၫ်ကဒီသဒၢန့ၫ်အဂီၫ် တၫ်အုၣ်ခီၣ်တအိၣ်၀ဲဘၣ်အဂ့ၫ် ခဲနဒၣ်၀ဲၤဒၢး(ကနေဒါသံရုံး)ဟ့ၣ်ပလီၫ်ဃာ်၀ဲန့ၣ်လီၤ.
တကးဘၣ် သုးကီၣ်ကးၦၤတဲတၫ်ပၢ သုးခိၣ်ကျၢၫ်ဂီၫ်ဂ့ၫ် စီၣ်မ့ထိ (ဗိုလ်ချူပ်ဇော်မင်းထွန်း) အတၫ်တဲအဖီခိၣ် ကီၫ်ပယီၤပူၤသးနံၣ်အဖီခိၣ် တၫ်ကဘၣ်ကဲသုး ကပာ်ဃုာ်၀ဲ ၦၤ(၁၃)ကကွဲၫ်ဘျဲၣ်အဂ့ၫ် တဲလီၤ၀ဲန့ၣ်လီၤ.
တၫ်ကဘၣ်ကဲသုးတၫ်ဘျၢအဖီခိၣ် ပိာ်မုၣ်တဖၣ်ပာ်ဃုာ်ဘၣ်ဆၣ် မ့မ့ၫ်ကတီၫ်ခဲအံၤတခီ တၫ်ကကိး၀ဲပိာ်မုၣ်တဖၣ်အဂီၫ် တၫ်ရဲၣ်တၫ်ကျဲၤတအိၣ်ဒံးဘၣ်အဂ့ၫ် သုးခိၣ်ကျၢၫ်ဂီၫ်ဂ့ၫ် စီၣ်မ့ထိ တဲလီၤဃာ်၀ဲဖဲ လါဖ့ၤဘြူၤအါရံၤ (၂၀)သီအနံၤန့ၣ်လီၤ.
ref:rfa
