ကမျၢၫ်တၫ်ဘၣ်ကဲသုးတၫ်ဘျၢအဖီခိၣ် ဘၣ်ထွဲကီၫ်ပယီၤ ဘီမုၫ်စၢဖှိၣ်ကရၢ ခိၣ်နၫ်လီၫ်လံၤ ပဲာ်အၢပဲာ်သီ

သုးကီၣ်ကး မၢန့ၫ်ဆူၣ် တၫ်ဘၣ်ကဲသုးအံၤ မ့ၫ်တၫ်မၤလီၤမၫ်ကွံာ် ခါဆူမဲာ်ညါထံကီၫ်အတၫ်မုၫ်လၫ်တဖၣ်လီၤန့ၣ် ဘၣ်ထွဲကီၫ်ပယီၤ ဘီမုၫ်စၢဖှိၣ်ကရၢ ခိၣ်နၫ်လီၫ်လံၤတဖၣ် ပဲာ်အၢပဲာ်သီ၀ဲအဂ့ၫ် VOA တၫ်ကစီၣ်သန့ ပာ်ဖျါ၀ဲလီၤ.

ၦၤဒိၣ်တုာ်ခိၣ်ၦဲၤတဖၣ် ဘၣ်ကဲသုးတၫ်ဘျၢ ကသူ၀ဲအဂ့ၫ် လၢတလါအံၤအသီ(၁၀)အနံၤ သုးကီၣ်ကး ဘိးဘၣ်ရၤလီၤ၀ဲ၀ံၤ လၢလါအ့ဖြ့ၣ်အပူၤန့ၣ် ကစးထီၣ်ကိး၀ဲၦၤနီၫ်ဂံၫ်(၅၀၀၀)ဂၤအဂ့ၫ် ဘိးဘၣ်ရၤလီၤ၀ဲအ၀ံၤအလီၫ်ခံ ကီၫ်ပူၤကီၫ်ချၢ တၫ်ပဲာ်အၢပဲာ်သီတဖၣ်အိၣ်ထီၣ်၀ဲလီၤ.

ဘၣ်ထွဲကီၫ်ပယီၤ ဘီမုၫ်စၢဖှိၣ်ကရၢ တၫ်ဃုသ့ၣ်ညါ ထံဂုၤကီၫ်ဂၤ တၫ်ဂ့ၫ်တၫ်ကျိၤ ကရၢသဘျ့မံးရၢၣ်(FFM), (မြန်မာနိုင်ငံဆိုင်ရာ ကုလသမဂ္ဂ လွတ်လပ်သော နိုင်ငံတကာ အချက်အလက်ရှာဖွေရေးမစ်ရှင်) ၦၤပၢၤလီၫ်ဆ့ၣ်နီၤလီၫ်လံၤဒီး မ့ၫ်စ့ၫ်ကီး ၦၤဒုးအိၣ်ထီၣ်( SAC-M)ခိၣ်နၫ်လၢအမ့ၫ် မံးစထၢၣ် (Marzuki Darusman) စ့ၫ်ကီး တၫ်မၢန့ၫ်ဆူၣ်တၫ်ကဲသုး တၫ်ရဲၣ်တၫ်ကျဲၤအဃိ ဘၣ်ဒိကီၫ်ပယီၤအခါဆူမဲာ်ညါ သ့၀ဲအဂ့ၫ် တဲဟ့ၣ်ပလီၫ်၀ဲန့ၣ်လီၤ.

သုးကီၣ်ကးန့ၣ် မုၫ်လၫ်၀ဲလၢ ထံကီၫ်ကဂုၤထီၣ်ပသီထီၣ်အဂီၫ်ဒီး တၫ်အိၣ်ဂၢၫ်ဆိးကျၢၤအဂီၫ်၀ံၤ ကသူ၀ဲကမျၢၫ်တၫ်ဘၣ်ကဲသုးအဂ့ၫ် တဲ၀ဲဘၣ်ဆၣ် ဟံးန့ၫ်ထံကီၫ်တၫ်စိတၫ်ကမီၤ၀ံၤအလီၫ်ခံ လၢစုက၀ဲၤတၫ်သဘံၣ်သဘုၣ်အပူၤ ဘၣ်ဒိဆါ၀ဲဖးဒိၣ်န့ၣ်လီၤ. ( SAC-M) ကရၢဖိအဂၤတဂၤလၢအမ့ၫ် Chris Sidoti စ့ၫ်ကီးတဲ၀ဲလၢ သုးကီၣ်ကးအံၤ လၢတၫ်ဒုးအပူၤ ဖဲဘၣ်ကွၫ်ဆၢၣ်မဲာ်ဒီး တၫ်လီၤဆံးလီၤစှၤအကတီၫ် ဟးမၤနါစိၤတၫ်လီၤအဂ့ၫ် ပဲာ်အၢပဲာ်သီ၀ဲန့ၣ်လီၤ.

ref:voa