လါနိၣ်၀့ဘၢၣ်(၁၇)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
MNDAA သုးလၢဆီလီၤအသဖဲ၀့ၫ်လါရှိအကပၤတဖၣ် ကသုးကွံာ်သးအဂီၫ် သုးခီၣ်မံးရှၢၣ်ဟ့ၣ်တၫ်ဆီၣ်သနံးအဃိ ခံကပၤတၫ်ဖ့ၣ်ဆၢဆူၣ်ထီၣ်အကတီၫ် ၁၀၂၇ဒုးယၤရဲၣ်ကျဲၤအပူၤ သုးခီၣ်မံးရှၢၣ်သုးဖိလၢဘၣ်တၫ်ဖီၣ်ဃာ်အကျါ ၂၀၀ဘျဲၣ်န့ၣ် MNDAAဟ့ၣ်လီၤက့ၤဆူသုးခီၣ်မံးရှၢၣ်အအိၣ်န့ၣ်လီၤ.
ဖဲလါနိၣ်၀့ဘၢၣ်(၁၅)သီနံၤ,ဂီၤအကတီၫ်န့ၣ် MNDAAခိၣ်နၫ်တနီၤတီခိၣ်ရိၣ်မဲ၀ဲဒီးပျၫ်ကွံာ်၀ဲအဂ့ၫ် ၀့ၫ်လါရှိဂ့ၫ်ခီၣ်ထံးတၫ်ကစီၣ်ပာ်ဖျါ၀ဲလီၤ.
“မီၫ်သီမီၫ်လါအဖီခိၣ် ပျၫ်ကွံာ်၀ဲလီၤ.တဘၣ်ဟဲတလၢဘီၣ်တီးတဂ့ၤန့ၣ် ဟ့ၣ်ပလီၫ်ဃာ်၀ဲလီၤ.မၢကိးကးသုးဂုၤက့ၤအခံ ဒ်သိးအံၤန့ၣ် တၫ်အိၣ်သးဖ့ၣ်ဆၢဒိၣ်ထီၣ်၀ဲလီၤကိကးတကပၤဒု တမ့ၫ်ကတူၫ်လိာ်၀ဲနီတစဲးဘၣ်”အဂ့ၫ် ဂ့ၫ်ခီၣ်ထံးတၫ် ကစီၣ်၀ဲန့ၣ်တဲ၀ဲလီၤ..
၀့ၫ်လါရှိ-မါတလ့ ကီၫ်စၢဖှိၣ်ကျဲမုၫ်အဖီခိၣ် တချူးတုၤသံၣ်ဘီ နီၣ်မိၣ်ဒီးတးယါ,လၢ၀့ၫ်မဲယဲၣ်ကျဲတကပၤ နးပီၣ်-ဟိၣ်ယးသ၀ီတဖၣ်အပူၤ MNDAAသုးလၢအိၣ်ဆီလီၤဃာ်အသးတဖၣ် သုးခီၣ်မံးရှၢၣ်မၢသုးကွံာ်အသးအဃိ ခံကပၤတၫ်ဖ့ၣ်ဆၢဆူၣ်ထီၣ်၀ဲလီၤ.
ဖဲလါနိၣ်၀့ဘၢၣ်(၁၁)သီနံၤ လၢ၀့ၫ်လါရှိ,ဆ့ၣ်နကီၣ်ဟိၣ်ထဲ တၫ်တၢၫ်ပီၣ်တဲသကိးအပူၤ သုးခီၣ်မံးရှၢၣ်အနီၫ်ဂံၫ်(၅) ဒုး ယၤဂ့ၫ်၀ီလီၤဆီ သုးခိၣ်ကျၢၫ်စိကိၣ်ကိၣ်အူန့ၣ် ဃ့ထီၣ်၀ဲMNDAAခၢၣ်စးတဖၣ်၀ံၤ တဒိးန့ၫ်တၫ်အၢၣ်လီၤဘၣ်အဃိ တၫ်တၢၣ်ပီၣ်တဲသကိးဟးဂီၤ၀ဲလီၤ.အလီၫ်ခံ MNDAAမၤပှဲၤဃာ်ဂံၫ်ဘါအသိး ကီၫ်စၢဖှိၣ်ကျဲမုၫ်အဖီခိၣ် သံၣ်ဘီတိၤ စ့ၫ်ကီး သုးခီၣ်မံးရှၢၣ်ဒီး MNDAAခံကပၤလၢာ် ကးတံာ်ဃာ်၀ဲလီၤ.
သုးခီၣ်မံးရှၢၣ်န့ၣ် ကၠီးမဲဒီးသံၣ်ပီ၀့ၫ်လၢ တအါဒီကလုာ်တၫ်ထူၣ်ဖျဲးသုးမုၫ်ဒိၣ်(TNLA)ထီၣ်ဒုးမၤန့ၣ်၀ဲအံၤ အပူၤကွံာ်လါ အီးကထိဘၢၣ်အပူၤ က့ၤဒုးန့ၫ်က့ၤ၀ဲ၀ံၤအလီၫ်ခံ မါတလ့-မူၣ်ဆဲၣ် ကီၫ်စၢဖှိၣ်ကျဲမုၫ်,လါရှိးဒီးသံၣ်ပီကျဲကပိာ်ကပၤ MNDAAသုးကလၢၤတဖၣ် ကဂုၤက့ၤအခံအဂီၫ် ဟ့ၣ်တၫ်ဆီၣ်သနံးန့ၣ်လီၤ.
MNDAAန့ၣ် ၂၀၂၃နံၣ်,လါအီးကထိဘၢၣ်(၂၇)သီအနံၤန့ၣ် ဃုာ်ဒီးအသိၣ်မှံၤ AAဒီးTNLAတဖၣ် လၢယိၤဒိၣ်ကီၫ်စဲၣ် ကလံၤစိးတကပၤ စးထီၣ်၁၀၂၇ဒုးယၤရဲၣ်ကျဲၤ၀ံၤ ထီၣ်ဒုးမၤန့ၫ်၀ဲ လါရှိ,လီးကဲၣ်,ခၠ့ၣ်ရွှ့ၣ်ဟီၣ်,မိကိ,ဖီဆဲၣ်, ကိကၠါ, ပၣ်လိၣ်,ကိလိၣ်,သ့ၣ်နံၣ်ၫတၣ်မိညဲဒီး၀့ၫ်ပၣ်ဆဲတဖၣ်န့ၣ်လီၤ.
၀့ၫ်လၢဒုးန့ၫ်၀ဲတဖၣ်အပူၤ ဖဲမၤ၀ဲပၢပြးတၫ်ဖံးတၫ်မၤအကတီၫ် တရူးပဒိၣ်အတၫ်ဟ့ၣ်တၫ်ဆီၣ်သနံးအဃိ ပတုာ်ဃာ် တၫ်ခးဒီးသုးခီၣ်မံးရှၢၣ်အသိး ၀့ၫ်လါရှိစ့ၫ်ကီး ဖဲ၂၀၂၅နံၣ်,လါအ့ဖြ့ၣ်အပူၤ ဟ့ၣ်က့ၤ၀ဲဆူ သုးခီၣ်မံးရှၢၣ်အအိၣ်န့ၣ်လီၤ .တၫ်ကဟ့ၣ်က့ၤ ၀့ၫ်သ့ၣ်နံၣ်အဂီၫ် သုးခီၣ်မံးရှၢၣ်ဟ့ၣ်တၫ်ဆီၣ်သနံးအဂ့ၫ် တၫ်ကစီၣ်ဟးထီၣ်၀ဲယံာ်လံဘၣ်ဆၣ် လၢ ဟီၣ်ခိၣ်လိၤတခီ MNDAAန့ၣ် မၤဆူၣ်ထီၣ်ပၢပြးတၫ်ဖံးတၫ်မၤတဖၣ်လီၤ.
လၢကတီၫ်အံၤ မၤတၫ်ပတုာ်တၫ်ခးတၫ်အၢၣ်လီၤဒီးသုးခီၣ်မံးရှၢၣ်န့ၣ် မ့ၫ်ဒၣ်မ့ၫ်ဒၣ် တၫ်အစၢဆံးဆံးဖိတခါလီၤဒီး တၫ်မုာ်တၫ်ခုၣ်နီၫ်နီၫ်ကဒိးန့ၫ်ဘၣ်အဂီၫ် ဘၣ်အိၣ်ဒီးတၫ်ပလီၫ်ထီဘိဒီးဘၣ်နၫ်ပၢၫ်၀ဲကျိၤကျဲတဖၣ်န့ၣ်အဂ့ၫ် ဖဲလါအီး ကထိဘၢၣ်(၂၅)သီအနံၤန့ၣ် MNDAAထုးထီၣ်ဘိးဘၣ်ပာ်ဖျါတ့ၫ်ဃာ်၀ဲလီၤ.
