လါစဲးပထ့ဘၢၣ်(၂၄)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
Border News Agencyအပှၤဟံးတၫ်ကစီၣ် ပိာ်မုၣ် မမူးဒြၣ်န့ၣ် ဖဲလါစဲးပထ့ဘၢၣ်(၂၀)သီအနံၤ,ကီၫ်ပယီၤနီၫ်ထိၣ် ဂီၤ (၁၁)နၣ်ရံၣ်ဘျဲၣ်ဃၣ်ဃၣ်န့ၣ် ULA/AAဟဲဖှီၣ်အီၤဖဲ၀့ၫ်မီတီ,အိၣ်ဟံၣ်အဂ့ၫ် ဖဲလါစဲးပထ့ဘၢၣ်(၂၂)သီအနံၤန့ၣ် Border News Agencyထုးထီၣ်ဘိးဘၣ်ရၤလီၤဃာ်၀ဲလီၤ.
ဘၣ်ထွဲဒီးမမူးဒြၣ် တၫ်နၫ်ပၢၫ်ကမၣ်မ့ၫ်အိၣ်န့ၣ် ပှၤလၢဘၣ်ထွဲတဖၣ်တကပၤ ကွၫ်ဘၣ်တၫ်လၢခါဆူညါအဂီၫ်ဒီး လၢတၫ် ပာ်သူၣ်ပာ်သးဂ့ၤအပူၤ ကနၫ်ပၢၫ်စၢၤဘၣ်၀ဲအဂီၫ် မုၫ်လၫ်၀ဲအဂ့ၫ် ပာ်ဖျါ၀ဲလီၤ.
ဟံၣ်ဖိဃီဖိအတၫ်ဘၣ်ယိၣ်ဘၣ်ဘှီတဖၣ်အဖီခိၣ် ပှၤတ၀ၢတၫ်ဒိသူၣ်ဒိသးမ့ၫ်ဂ့ၤ,ထံဂုၤကီၫ်ဂၤတၫ်ဘျၢမ့ၫ်ဂ့ၤ ကပာ်သူၣ် ပာ်သးဘၣ်ဒီး ကဟဲက့ၤဆှၢကဒါဘၣ်က့ၤအဂီၫ် Border News Agencyအဲၣ်ဒံၣ်ထၢၣ်ကရၢ ဃ့သကွံးကညး၀ဲလီၤ.
ဘၣ်ထွဲဒီးတၫ်ဂ့ၫ်အံၤ ULA/AAတထုးထီၣ်ပာ်ဖျါ၀ဲနီတမံၤဒံးဘၣ်.
ထံဂုၤကီၫ်ဂၤတၫ်ဒီသဒၢန့ၫ် ပှၤဟံးန့ၫ်တၫ်ကစီၣ်ဖိကမံးတံာ် CPJ တခီAAအတၫ်က့ၤဖီၣ် မမူးဒြၣ်အဖီခိၣ် ကဘၣ်ပျၫ်ကွံာ် တဘျီဃီအဂီၫ် တဲလီၤ၀ဲဖဲမဟါနံၤန့ၣ်လီၤ.
ဒ်န့ၣ်အသိး ကီၫ်ပယီၤတၫ်ကစီၣ်သရၣ်ကရၢသဘျ့ IMJA စ့ၫ်ကီး တၫ်ကပျၢ်ကွံာ် မမူးဒြၣ်အဂီၫ် ဃ့ထီၣ်ဃာ်၀ဲလီၤ.
