လါစဲးပထ့ဘၢၣ်(၂၄)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
KNUကညီဒီကလုာ်စၢဖှိၣ် တၫ်ပၢဟီၣ်က၀ီၤ သုးက့နီၫ်ဂံၫ်(၃),ချၢၣ်လွံၫ်ထူၣ်ကီၫ်ရ့ၣ်အပူၤ တၫ်မၤတၫ်ဃုထၢကန့ၫ်အဂီၫ် သုးခီၣ်မံးရှၢၣ် ဆှၢအါထီၣ်တၫ်ဘံၣ်တၫ်ဘၢဂံၫ်ဘါအဂ့ၫ် တၫ်သ့ၣ်ညါဘၣ်လၢKNLAဂ့ၫ်ခီၣ်ထံးတၫ်ကစီၣ်အိၣ်န့ၣ်လီၤ.
ဖဲလါစဲးပထ့ဘၢၣ်(၂၁)သီအနံၤန့ၣ် သုးခီၣ်မံးရှၢၣ်သုးဖိဂံၫ်ဘါ(၁၅၀)ဂၤ ဆှၢဃာ်၀ဲလၢ ၀့ၫ်ဖၠူအဖီခိၣ်,၃၀၆သုးရ့ၣ်လီၫ် လံၤအိၣ်တကးဘၣ် လၢ၀့ၫ်ဖၠူကလံၤထံးအဟးထီၣ် ၃၀၆ သုးကလၢၤအသီအပူၤစ့ၫ်ကီး ဆှၢဃာ်၀ဲ ပၠံၣ်သူးစံး(၁၅၀) ဂၤအဂ့ၫ် ဂ့ၫ်ခီၣ်ထံးတၫ်ကစီၣ်၀ဲန့ၣ်တဲ၀ဲလီၤ.
“သုးခီၣ်မံးရှၢၣ်တကပၤ အတၫ်စိတၫ်ကမီၤကအိၣ်ဂၢၫ်ဆိးကျၢၤအဂီၫ်ဒီးပၣ်တံၣ်တဖၣ်ပာ်ဃုာ် သုးခိၣ်နၫ်တဖၣ်ဒီး အ ဟံၣ်ဖိဃီဖိကအိၣ်မုာ်အိၣ်ခုၣ်အဂီၫ်ဒီးတၫ်စိကမီၤကအိၣ်အဂီၫ် လါဒံၣ်စ့ါဘၢၣ်(၂၈)သီနံၤမၤတၫ်ဃုထၢကန့ၫ်အဂီၫ် တၫ် ဘံၣ်တၫ်ဘၢအဂီၫ် ဆှၢဃာ်အသုးဖိဒီးပၠံၣ်သူးစံးတဖၣ်အဂ့ၫ် ”တဲ၀ဲလီၤ.
သုးဒီးပၠံၣ်သူးစံးဂံၫ်ဘါလၢတၫ်ဆှဃာ်တဖၣ် မ့ၫ်ဒ်သိး ပၢဆှၢ၀ဲ ၀့ၫ်ဖၠူဒီးလၢၫ်ဒိၣ်အဘၢၣ်စၢၤကျဲမုၫ်ဖးဒိၣ်ကန့ၫ်အဂီၫ်န့ၣ်လီၤ.
ဖဲလါစဲးပထ့ဘၢၣ်(၁၆)သီအနံၤစ့ၫ်ကီး လၢၫ်ဒိၣ်ကီၫ်ဆၣ်,သုးခီၣ်မံးရှၢၣ်အသုးဖိတဖၣ် ဟဲထီၣ်သုးကျိၤဖဲလပးဒီးမၠဲးယဲ ဒ်သိးကဟံးန့ၫ် ကျဲတၫ်ဘံၣ်တၫ်ဘၢအဂီၫ်အဂ့ၫ် ဂ့ၫ်ခီၣ်ထံးတၫ်ကစီၣ်တဲ၀ဲလီၤ.
Ref: SP
