လါစဲးပထ့ဘၢၣ်(၄)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
အံၣ်စရ့အသုးန့ၣ် ကဒိးန့ၫ်တၫ်မၤနၢၤအဂီၫ် အိၣ်ကတီၤသးထီဘိဒီးမ့ၫ်တတုၤလၢတၫ်မၤနၢၤဖီတၢၣ်တစု တပတုာ်တၫ်ဒုးဘၣ်အဂ့ၫ် ဖဲလါစဲးပထ့ဘၢၣ်(၂)သီအနံၤန့ၣ် အံၣ်စရ့သုးအသုးရိၣ်မဲခိၣ်ကျၢၫ် အဲၣ်ယၣ်စမံယါ(Eyal Zamir) တဲလီၤ ၀ဲဖဲသုးကလၢၤတခါအပူၤန့ၣ်လီၤ.
“အိၣ်ကတီၤဃာ်သးလၢတၫ်ဒုးကကဲထီၣ်ကလီၤဒီးတဖၣ်အဂီၫ်န့ၣ်လီၤ.ကမၤဆူၣ်ထီၣ်စ့ၫ်ကီးဒုးယၤတၫ်ရဲၣ်တၫ်ကျဲၤလီၤ.တၫ်အဃိ အံၣ်စရ့သုးန့ၣ်ကိးဃီၤသုလီၤ.ပစးထီၣ်မၤဟီၣ်ခိၣ်လိၤဒုးယၤဂ့ၫ်၀ီ လၢကၣ်စၣ်ကါမၠီၣ်အပူၤလံဒီးတၫ် ကမၣ်တအိၣ်နီတမံၤဘၣ်အဂ့ၫ်”Zamirတဲ၀ဲလီၤ.
အံၣ်စရ့သုးကွဲၤလ့လိၤန့ၣ် ပတြီာ်သုးဖိ အဂၤ ၄၀,၀၀၀န့ၣ် ဖဲလါစဲးပထ့ဘၢၣ်(၂)သီအနံၤန့ၣ် နုာ်လီၤလၢမူဒါပူၤလံအဂ့ၫ် ထုးထီၣ်ဘိးဘၣ်ရၤလီၤ၀ဲလီၤ.
ပတြီာ်သုးဖိအဂၤလၢအကလးတဖၣ် ကထီၣ်ဒုးန့ၫ်၀့ၫ်ကၣ်စၣ်အဂီၫ် အံၣ်စရ့အတၫ်ထီၣ်ဒုးဃီၤအသီတခါအဂီၫ် ဖဲလါ စဲးပထ့ဘၢၣ်(၂)သီအနံၤန့ၣ် တၫ်ကနုာ်လီၤဆူမူဒါအဂီၫ် ဆှၢဃာ်တၫ်ကစီၣ်န့ၣ်လီၤ.
ပှၤလၢဘၣ်တၫ်က့ၤဖီၣ်အီၤလၢကၣ်စၣ်အိၣ်တ့ၫ် ၄၈ဂၤအကျါ အိၣ်မူဒံး(၂၀)ဂၤအဂ့ၫ် အံၣ်စရ့ပှၤဘၣ်မူဘၣ်ဒါတဖၣ် တယာ်ဃာ်၀ဲလီၤ.အံၣ်စရ့န့ၣ် လၢကတီၫ်အံၤ ပၢဆှၢဃာ်၀ဲကၣ်စၣ်ကါမၠီၣ် ၇၅မျးကယၤန့ၣ်လီၤ.
တၫ်ကဒုးန့ၫ်ပၢ ၀့ၫ်ကၣ်စၣ်တၫ်ရဲၣ်တၫ်ကျဲၤန့ၣ် လၢခိၣ်နၫ်ဒိၣ်ထီပတီၫ် တၫ်ဟ့ၣ်ပလီၫ်အိၣ်၀ဲဘၣ်ဆၣ် ကိတိာ်ခိၣ်ကျၢၫ် Benjamin Natanyahuဒုအဲၣ်ဒိးမၤဆူၣ်ထီၣ်၀ဲလီၤ.
တၫ်ကဒုးန့ၫ်ပၢဆှၢ Gaza Cityအဂီၫ် လၢကၣ်စၣ်ကါမၠီၣ်အပူၤ ယံာ်(၂)နံၣ်ဃၣ်ဃၣ် သုးတၫ်ဟူးတၫ်ဂဲၤန့ၣ် တၫ်ကမၤဆူၣ်ထီၣ်အဂီၫ် Natanyahuတီခိၣ်ရိၣ်မဲအံၣ်စရ့တၫ်ဘံၣ်တၫ်ဘၢကိတိာ်ကရၢ ဖဲအပူၤကွံာ်လါန့ၣ် ပာ်ဂၢၫ်ပာ်ကျၢၤ ၀ဲလီၤ.
