ဆ့းဖၠူၣ်ကီၫ်ဆၣ်ပူၤ သုးကီၣ်ကးဒုးလၢကလံၤကျါအဃိ ကမျၢၫ်ဘၣ်သံ(၇)ဂၤ

လါအီကူာ်(၂၀),၂၀၂၅နံၣ်, အၣ်ထူခ့ၣ်တၢ်ကစီၣ်

မကွ့ကီၫ်ခီ,ဆ့းဖၠူၣ်ကီၫ်ဆၣ်ပူၤ သုးကီၣ်ကးဒုးလၢကလံၤကျါအဃိ ကမျၢၫ်ဘၣ်သံ(၇)ဂၤအဂ့ၫ် ပှၤလီၫ်က၀ီၤဖိတဖၣ်တဲ ၀ဲလီၤ.

ဖဲမဟါနံၤ,လါအီကူာ်(၁၉)သီအနံၤ,ဂီၤအကတီၫ် ဟဲတ့ၫ်လီၤမ့ၣ်ပိၫ်လၢ Y12 ဖဲရှးလးသ၀ီဒီးကၠိဒီသ၀ီအဂ့ၫ် တဲ၀ဲလီၤ.

ဘၣ်တၫ်တ့ၫ်လီၤ၀ဲလၢမ့ၣ်ပိၫ်အဃိ ရှးလးသ၀ီ ကမျၢၫ်(၄)ဂၤဘၣ်သံဒီးကၠိတီသ၀ီ ကမျၢၫ်(၃)ဂၤဘၣ်သံတကးဘၣ် ပှၤဘၣ်ဒိ(၃)ဂၤအကျါ(၁)ဂၤစ့ၫ်ကီး သးသမူတၫ်လီၤဘၣ်ယိၣ်အိၣ်အဂ့ၫ် တၫ်သ့ၣ်ညါဘၣ်လီၤ.

“တ့ၫ်လီၤ၀ဲတီတီသ၀ီပူၤလီၤ.ကတီၫ်အံၤဒုဘၣ်သံ(၇)ဂၤအဂ့ၫ် ဆ့းဖၠူၣ်၀့ၫ်ဖိဂ့ၫ်ခီၣ်ထံးတၫ်ကစီၣ်တဲ၀ဲလီၤ.

လၢစှၤသီအတီၫ်ပူၤစ့ၫ်ကီး ပီးကီၫ်ဆၣ်လၢဘျးစဲလိာ်သးဒီးဆ့းဖၠူၣ်ကီၫ်ဆၣ်အံၤစ့ၫ်ကီး သုးကီၣ်ကးဒုးတ့ၫ်လီၤမ့ၣ် ပိၫ်လၢကလံၤကျါအဃိ ကမျၢၫ်လၢဘၣ်ဒိဘၣ်ထံးအိၣ်၀ဲန့ၣ်လီၤ.

“လီၤရၢၫ်လီၤစၢၤဒိၣ်မးလီၤ.ဘၣ်တမံၤဂ့ၤဂ့ၤန့ၣ် ဒ်သိးဒီးကမၤ၀ဲန့ၣ်ကမၤ၀ဲလီၤအဂ့ၫ်”၀့ၫ်မကွ့ပှၤမၤစၢၤပှၤလီၫ်အိၣ် ကမှံဂ့ၫ်၀ီတဂၤတဲ၀ဲလီၤ.

ဆ့းဖၠူၣ်ကီၫ်ဆၣ်ပူၤ သုးကီၣ်ကးအတၫ်ဒီသဒၢပီးလီ၀ဲၤဒၢး ကပစ (၂၀),(၂၁),ဒီးနီၫ်ဂံၫ်(၉)ကလံၤကျါတၫ်ဒီသဒၢဒုးယၤ ၀ဲၤလီၫ်ခိၣ်သ့ၣ်(လစခ)တဖၣ်အိၣ်၀ဲလီၤ.

နီၫ်ဂံၫ်(၂၁)တၫ်ဒီသဒၢပီလီစဲဖီကဟၣ်(ပကစ-၂၁)န့ၣ် ထုးထီၣ်န့ၫ်၀ဲ ကလံၤသုးသူမ့ၣ်ပိၫ်တဖၣ်ဒီးနီၫ်ဂံၫ်(၂၂) တၫ်ဒီသဒၢပီး လီစဲးဖီကဟၣ်(ကပစ-၂၂)အပူၤတခီ ထုးထီၣ်၀ဲတၫ်စုက၀ဲၤတဖၣ်န့ၣ်လီၤ.

သုးကီၣ်ကးန့ၣ် ဖဲလါအီကူာ်(၁၇)သီအနံၤစ့ၫ်ကီး ကရ့ၣ်နံၣ်ကီၫ်စဲၣ်,မီခံဟီၣ်က၀ီၤ,လိၣ်ခါလိၣ်သ၀ီ ကမျၢၫ်တၫ်ဆါဟံၣ် ဒီး(၁၆)ကိက၀ီၤဒ့တဖၣ် ဒုးတ့ၫ်လီၤမ့ၣ်ပိၫ်လၢကလံၤကျါအဃိ လီၫ်က၀ီၤကမျၢၫ်ဘၣ်သံ(၃၂)ဂၤဒီးဘၣ်ဒိဘၣ်ထံးဃာ် (၅)ဂၤန့ၣ်လီၤ.

ဒ်န့ၣ်အသိး ဖဲလါအီကူာ်(၁၄)သီ,မုၫ်နၤအကတီၫ် လၢမါတလ့ကီၫ်ခီ,၀့ၫ်မိကိးမုၫ်ထီၣ် လ့ယီၣ်ခၠဲၣ်သီခါဖၠၣ်န့ၣ် ဟဲဒုးတ့ၫ် လီၤ၀ဲဒီး ပီၣ် ၅၀၀မ့ၣ်ပိၫ်အဃိ ပိာ်မုၣ်(၁၆)ဂၤပာ်ဃုာ် ပှၤဘၣ်သံ(၂၁)ဂၤဒီးဘၣ်ဒိ(၇)ဂၤန့ၣ်လီၤ.

Ref: PS