လါအီကူၥ်(၁၄)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်က၀ီၤ, သုးက့(၆)ဟီၣ်က၀ီၤအပူၤ ခီဖျိသုးခီမံးရှၢၣ်အသုး ဟဲတ့ၢ်လီၤမ့ၣ်ပိၢ်လၢကလံၤကျါဒီး တၢ်ဒုးတဖၣ်အဃိ ကညီပှၤလီၤအိၣ်ကမှံဖိ(၃၈၇)ဂၤ က့ၤဆူအအိၣ်ဆိးလီၢ်ကျဲတသ့ဒံးဘၣ်ဒီး ဘၣ်အိၣ်ကဒု၀ဲဒၣ်ဖဲ ကၠီၣ်တဲၣ်, တးကီၢ်ရ့ၣ်, တစိၢ်တလီၢ်ပှၤလီၤအိၣ်ကမှံအလီၢ်တဖၣ်န့ၣ်လီၤ.
ကၠီၣ်တဲၣ်သုးမုၢ်ဒိၣ်တီခိရိၣ်မဲ ကၠီၣ်တဲၣ်ပဒိၣ်၀ဲၤကျိၤ၀ဲၤဒ့လၢဘၣ်ထွဲတဖၣ်ဒီး ဆူၣ်ချ့၀ဲၤကျိၤတဖၣ် ဟ့ၣ်မၤစၢၤ၀ဲ ကညီပှၤလီၤအိၣ်ကမှံဖိတဖၣ်လၢ တၢ်လိၣ်တဖၣ်ဒ်အမ့ၢ် ကသံၣ်ကသီ, တၢ်အီၣ်တၢ်အီဒီးထံကဆှီတဖၣ်န့ၣ်လီၤ.
ကတီၢ်ခဲအံၤန့ၣ် တၢ်ဒုးဆူၣ်လၢ တၢ်ထီၣ်ဒုး၀ီၢ်လ့ၤသုးကလၢၤတၢ်ဒုးဒီး ခီဖျိသုးကီၣ်ကးအသုး ဟဲတ့ၢ်လီၤမ့ၣ်ပိၢ်တဖၣ်ဆူ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA), သုးက့(၇)သုး၀ဲၤလီၢ်ခိၣ်သ့ၣ်အဃိ လီၢ်က၀ီၤဖိတဖၣ် ဘၣ်လဲၤဃ့ၢ်အိၣ်ကဒုဆူ ကၠီၣ်တဲၣ်တပၤန့ၣ်လီၤ.
Ref: DVB
