လါယူၤလံ(၂၉)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ပကိကီၫ်ခီ,၀့ၫ်ဆီထံးအပူၤ ထံကျိထံဒိၣ်ထီၣ်အဃိ ပှၤနီၫ်ဂံၫ် ၂၀,၀၀၀ဘျဲၣ် ဘၣ်သုးလီၫ်သုးကျဲ၀ံၤ အိၣ်ဆိးအီၣ်အီအဂီၫ် တၫ်ဂ့ၫ်ကီအိၣ်ထီၣ်အဂ့ၫ် တၫ်သ့ၣ်ညါဘၣ်လၢပှၤလီၫ်က၀ီၤဖိတဖၣ်အအိၣ်န့ၣ်လီၤ.
လါယူၤလံ(၂၇)သီအနံၤ ဟါခီအကတီၫ် ဆီထံးထံကျိထံဒိၣ်ထီၣ်ဒီးအိၣ်လၢ ၀့ၫ်ထံတၫ်ပာ်ပနီၣ်အလီၫ် ၇၀၀ စ့ၣ်တံၣ်မံ ထၢၣ်အဖီခိၣ် ၈၃၀ စ့ၣ်တံၣ်မံထၢၣ်အဃိ ၀့ၫ်ပူၤအ၀ီၤဒ့(၈)ခါဒီးအကပိာ်ကပၤသ၀ီအဖျၢၣ် (၂၀)ဃၣ်ဃၣ်ထံလုၫ်ဘၢ ကွံာ်၀ဲန့ၣ်လီၤ.
ပှၤမၤစၢၤတၫ်ဖိတဂၤတဲ၀ဲလၢ”တၫ်အိၣ်သးနးထီၣ်၀ဲလီၤ.စးထီၣ်ဖဲယးသံးမံပ၀ဲးတုၤမိးအူကၠီးတဲၣ် တၫ်လဲၤ၀ဲတန့ၫ် လၢၢၤဘၣ်.လီၤဘျၢခဲလၢာ်လီၤ.ပှၤသုးအသးလၢာ်လံ.လဲၤသုးအသးဆူသီခါဖၠၣ်လၢာ်လံ.တၫ်မၤပူၤဖျဲးသုးကလၢၤတဖၣ်တခီ တထံၣ်ဘၣ်.သုးလီၫ်သုးကျဲလၢအကစၫ်ဒၣ်၀ဲလီၤ.ပှၤမၤစၢၤတၫ်လၢထံတၫ်လီၤဘၣ်ယိၣ်ကရၢတဖၣ်တခီ ဒ်မၤ၀ဲ န့ၫ်အသိး မၤ၀ဲတၫ်မၤပူၤဖျဲးထီၣ်တၫ်မၤတဖၣ်အဂ့ၫ်”တဲ၀ဲလီၤ.
လ့အ့ၣ်စူး,မၠ့ စူး,အီၣ်ကၠံယွၣ်,ယွၣ်သံး,၀ါတံ,သၣ်ကယး,ဘၣ်မွ့ပ့ၣ်သ၀ီတဖၣ်အပူၤ ထံဒိၣ်အၢအၢသီသီအဃိ ပှၤလီၫ် က၀ီၤဖိ(၁)ဂၤဘၣ်သံ၀ဲန့ၣ်လီၤ.
ဒ်န့ၣ်အသိး ဆီထံးထံကျိထံဒိၣ်ထီၣ်ဒီး ၀့ၫ်ဆီထံး,က၀ီၤဒ့တဖၣ်လၢအမ့ၫ် ညီၣ်၀ဲ,တယိးတါ,ဖွဲကိ,ပပဲတါ, မကၠံတါ, စံတီ,ပၠ့မးပ့ၣ်အဆၢလာ်ပာ်ဃုာ် က၀ီၤဒ့(၈)ခါ ထံနုာ်လီၤ၀ဲအဂ့ၫ် တဲ၀ဲလီၤ.
လၢချၢၣ်လွံၫ်ထူၣ်,၀့ၫ်မးဒီးဒီးအကပိာ်ကပၤသ၀ီတဖၣ်အပူၤစ့ၫ်ကီး စးထီၣ်လၢ လါယူၤလံ(၂၀)သီအနံၤ ပရဲလိာ်ထံကျိ ထံဒိၣ်ထီၣ်အကတီၫ် ဖဲလါယူၤလံ (၂၈)သီအနံၤန့ၣ် ဂီၤန့ၣ် အိၣ်လၢ ၀့ၫ်မးဒီးထံတၫ်ဘၣ်ယိၣ်တၫ်ပာ်ပနီၣ်အလီၫ် ၁,၀၇၀ စ့ၣ်တံၣ်မံထၢၣ် အဖီခိၣ် ၁,၂၂၇ စ့ၣ်တံၣ်မံထၢၣ်လံန့ၣ်လီၤ.
၀့ၫ်မးဒီးအဖီခိၣ် က၀ီၤဒ့(၁၀)ဒ့ဒီးဖးယါစူး,အ့ကးပလ့း,ညီၣ်ပ့ၣ်ပီး,အ့ခၠီၣ်,ဖိကိ,စၣ်ပၠး,သီၣ်ကၠံ,ယ့ၣ်ပီၣ်သီၣ်ပာ်ဃုာ် သ၀ီအဖျၢၣ်(၁၀)ဘျဲၣ် ထံလုၫ်ဘၢကွံာ်၀ံၤ ပှၤနီၫ်ဂံၫ် တစှၤန့ၫ် ၅,၀၀၀ဂၤ ကွၫ်ဆၢၣ်မဲာ်ဘၣ်ထံဒိၣ်အဂ့ၫ် တၫ်သ့ၣ်ညါဘၣ်လၢ လီၫ်က၀ီၤဖိတဖၣ်အိၣ်န့ၣ်လီၤ.
Ref: DVB
