လါဖ့ၤဘြူၤအါရံၤ(၁၁)သီ,၂၀၂၅နံၣ်
အမဲရကၤတၫ်ဆီၣ်ထွဲမၤစၢၤထံဂုၤကီၫ်ဂၤကရၢ(USAID)န့ၣ် တဘၣ်လိာ်ဖိးမံဒီးအမဲရကၤတၫ်တိာ်ကူၣ်ကျဲၤ တၫ်ဘၣ်ဘျူးဘၣ်အမဲာ်ညါ သူလၢာ်ဂီၤတၫ်တလီၫ်လီၫ်အဂ့ၫ် ဟံၣ်၀ါဒီကလုာ်တၫ်ဘံၣ်တၫ်ဘၢပှၤဟ့ၣ်ကူၣ်တၫ် Michael Waltzတဲလီၤ၀ဲ ဖဲလါဖ့ၤဘြူၤအါရံၤ(၉)သီနံၤ၀ံၤ ကီၫ်ခိၣ်ထရၢးတခီ တၫ်ပတုာ်ကွံာ် USAIDန့ၣ် ဒီသဒၢန့ၫ်၀ဲလီၤ.
ဒ်ထီဒါတရူးအသိး အမဲရကၤတၫ်တိာ်ကူၣ်ကျဲၤတၫ်ဘၣ်ဘျူးဒီး အမဲရကၤထံဂုၤကီၫ်ဂၤတၫ်ဂုၤထီၣ်ပသီ ထီၣ်ကရၢ(USAID)တၫ်ရဲၣ်တၫ်ကျဲၤတဖၣ်န့ၣ် တဖိးမံလိာ်အသးဘၣ်အဂ့ၫ် မံးစထၢၣ် Waltzန့ၣ် တဲဘၣ်၀ဲဒၣ် NBCကွဲၤဟူဖျါ Meet The Pressတၫ်ရဲၣ်တၫ်ကျဲၤန့ၣ်လီၤ.
“ပှၤလၢလိၣ်ဘၣ်တၫ်တဖၣ်အဂီၫ် အနီၫ်ကီၫ်တၫ်လၢလဲၤတုၤန့ၣ်အိၣ်ဒၣ်ထဲ စှၤနီၫ်ဂံၫ်န့ၣ်လီၤ. ကၣ်ထရဲးဖးဒိၣ် ,ကၣ်ထရဲးအဒ့ဒီးလီၫ်က၀ီၤကၣ်ထရဲးတဖၣ်အဘၢၣ်စၢၤ တသူကျိာ်စ့ ဘၣ်လိာ်ဖိးမံတုၤလီၤတီၤလီၤ ဘၣ်အဂ့ၫ် “မံးစထၢၣ် Waltzတဲ၀ဲလီၤ.
USAIDပှၤမၤတၫ်ဖိလၢအကထိတဖၣ် ပဒိၣ်န့ၣ်ဒ်တၫ်ဟ့ၣ်ခွဲးအသိး ပာ်ပနီၣ်၀ဲန့ၣ် ၀ၣ်ရှ့ၣ်ထၢၣ် ဖဲၣ်ဒရၢၣ်သဲစး၀ဲၤဒၢး စံၣ်ညီကွီၫ်တခီ ဖဲလါဖ့ၤဘြူၤအါရံၤ(၇)သီအနံၤန့ၣ် ပတုာ်ကွံာ်၀ဲတစိၤတလီၫ်အသိး ဘျီၣ်ဒိၣ်လာ် ဒံၣ်မိၣ်ကရဲးခၢၣ်စးတနီၤစ့ၫ်ကီး ပဲာ်ထံနီၤဖး၀ဲလီၤ.
တုၤလါစဲးပထ့ဘၢၣ် တၫ်ကဟံးန့ၫ်ဘၣ်လါလဲ၀ံၤအိၣ်ဘှံးအဂီၫ် ပဒိၣ်အတၫ်ကွဲမုာ်န့ၣ် ပှၤမၤတၫ်ဖိ ၆၅,၀၀၀ဂၤ တူၫ်လိာ်ဃာ်၀ဲအဂ့ၫ် ဟံၣ်၀ါတဲ၀ဲလီၤ.
Ref: VOA
