လါယနူၤအါရံၤ(၂၀)သီ,၂၀၂၅နံၣ်
၂၀၂၅နံၣ်,လါယနူၤအါရံၤ(၁၈)သီနံၤ လၢမၠီးအူကီၫ်ဆၣ်,ယါခၠီအကပိာ်ကပၤ တၫ်လီၫ်လၢတၫ်ပာ်ဃာ် သုးဖိလၢဘၣ်တၫ်ဖီၣ်န့ၫ်အဟံၣ်ဖိဃီဖိတဖၣ်အိၣ်အလီၫ် ဖဲဟါ(၄း၄၅)နၣ်ရံၣ် (၁)ဘျီ,(၄း၄၆)နၣ်ရံၣ် (၁)ဘျီဒီး (၄း၄၇) နၣ်ရံၣ်(၁)ဘျီ ခဲလၢာ်(၃)ဘျီ ဟဲတ့ၫ်လီၤမ့ၣ်ပိၫ်လၢကဘီယူၤအဃိ ဖိသၣ်ဒီးပိာ်မုၣ်ခဲလၢာ်ဘၣ်သံ(၂၈)ဂၤ၀ံၤ ဘၣ်ဒိဘၣ်ထံး(၂၅)ဂၤအဂ့ၫ် ရၢၫ်ခၢၣ်သုးမုၫ်ဒိၣ်(AA)ထုးထီၣ်ဘိးဘၣ်ရၤလီၤ၀ဲလီၤ.
ပှၤဘၣ်ဒိဘၣ်ထံးအကျါတနီၤန့ၣ် ဘၣ်ဒိကူစါယါဘျါသးလၢဂ့ၫ်ဂီၫ်အူအပူၤ၀ံၤ လၢအကျါ ပှၤဘၣ်ဒိဘၣ်ထံး တနီၤန့ၣ် အိၣ်ထီၣ်လၢပှၤသံစရီပူၤသ့အဂ့ၫ် တဲ၀ဲလီၤ.
ပှၤလၢဘၣ်တၫ်ဟဲတ့ၫ်လီၤသံအီၤလၢမ့ၣ်ပိၫ်တဖၣ်န့ၣ် မ့ၫ်သုးဟံၣ်ဖိဃီဖိလၢ ဘၣ်တၫ်ဖီၣ်န့ၫ်အီၤ ဖဲရၢၫ်ခၢၣ်ဟီၣ်က၀ီၤတၫ်ဒုးတဖၣ်အပူၤ၀ံၤ လၢတယံာ်လၢၤဘၣ်န့ၣ် ရၢၫ်ခၢၣ်သုးမုၫ်ဒိၣ်ရဲၣ်ကျဲၤ၀ဲလၢ ကပျၫ်ကွံာ်၀ဲ၀ံၤ ဒီးမ့ၫ်ဒၣ်တၫ်ဖီၣ်ပာ်ဃာ်အီၤ ဖဲတၫ်လီၫ်အံၤတစိၤတလီၫ်အဂ့ၫ်န့ၣ်လီၤ.
လၢထံကီၫ်ဒီတဘ့ၣ်အပူၤ သုးကီၣ်ကးလၢတမၤနၢၤတၫ်ဒုးလၢၤအံၤ ပညိၣ်ခးလီၤ၀ဲ ကၠိ,တၫ်ဆါဟံၣ်,ကျး, တၫ်ဘူၣ်တၫ်ဘါတၫ်သူၣ်ထီၣ်,ကျဲတိၤတဖၣ်,ပှၤလီၫ်အိၣ်ကမှံတၫ်လီၫ်တဖၣ်ဒီးတၫ်လီၫ်လၢပှၤအိၣ်အါအလီၫ်တဖၣ်၀ံၤ မၤကမၣ်သုးကွီၫ်မ့ၣ်တၫ်မၤကမၣ်ကိးမုၫ်နံၤဒဲးလီၤ.
လၢ၂၀၂၅နံၣ်,အဆိကတၢၫ်လါအပူၤ သုးကီၣ်ကးအတၫ်ဒုးခးလီၤကမျၢၫ်ဒ်သိးအံၤတလီၫ်လီၫ်အဃိ ကလံၤ ကျါတၫ်လီၤဘၣ်ယိၣ်တဖၣ် တၫ်ကပလီၫ်သးဒိၣ်န့ၫ်ဒံးအပူၤကွံာ်အဂီၫ်ဒီးတၫ်သူအ့ထၢၣ်နဲး ဒီးလီတဲစိတဖၣ် စ့ၫ်ကီး ကပလီၫ်သူၣ်ပလီၫ်သးအဂီၫ် ရၢၫ်ခၢၫ်သုးမုၫ်ဒိၣ်(AA) တဲဆီၣ်တခူထီၣ်၀ဲလီၤ.
