လါအီကးထိဘၢၣ်(၁၆)သီ,၂၀၂၄နံၣ်
အ့ရှၢၣ်-ပစံးဖးဟီၣ်က၀ီၤအဂီၫ် ဒ်ဟီၣ်ခိၣ်ဖိတၫ်မၤစၢၤအသိး ကဟ့ၣ်ဆီၣ်ထွဲမၤစၢၤ၀ဲ ယူရိး(၂၁.၅)ကကွဲၫ်အဂ့ၫ် ဖဲလါအီးကထိဘၢၣ်(၁၅)သီအနံၤန့ၣ် ယူၤရပၤစၢဖှိၣ်ကရၢ ထုးထီၣ်ဘိးဘၣ်ရၤလီၤ၀ဲလီၤ.
ကျိၣ်စ့တၫ်ဆီၣ်ထွဲမၤစၢၤအံၤ ကကဲထီၣ်တၫ်မၤစၢၤလၢ ကီၫ်ပယီၤ,ဘ့ကလါဒ့းရှ်,အ့ၣ်ဒိၣ်နံရှါဒီးမလ့ရှါထံကီၫ်တဖၣ် ဟီၣ်ခိၣ်ဖိတၫ်မၤစၢၤအဂီၫ်န့ၣ်လီၤ.
မ့ၫ်ပာ်ဃုာ်ဒီး ကမၤစၢၤ၀ဲအခဲအံၤန့ၣ် ၂၀၂၄နံၣ်အပူၤ အ့ရှၢၣ်-ပစံးဖ့းဟီၣ်က၀ီၤအဂီၫ် ယူၤရပၤစၢဖှိၣ်ကရၢ မၤစၢၤဆီၣ် ထွဲ ဟီၣ်ခိၣ်ဖိတၫ်မၤစၢၤ ခဲလၢာ်အိၣ်၀ဲ ယူရိး(၉၅)ကကွဲၫ်ဃၣ်ဃၣ်လံအဂ့ၫ် ပာ်ဖျါ၀ဲလီၤ.
တကးဘၣ် အ့ရှၢၣ်-ပစံးဖ့းဟီၣ်က၀ီၤအပူၤ ပှၤလၢတူၫ်ဘၣ်ယၣ်ကံၣ်ကလံၤမုၫ်တဖၣ်အဂီၫ် ဂ့ၫ်ခီၣ်ထံးတၫ်လိၣ်ဘၣ် တဖၣ်စ့ၫ်ကီး တၫ်ရဲၣ်ကျဲၤလၢ တၫ်ကဆှၢလီၤန့ၫ်ဒီး လၢစှၤသီအတီၫ်ပူၤ ကတုၤဆူကီၫ်လၣ်အိၣ်န့ၣ်လီၤ.
အပူၤကွံာ် လါစဲးပထ့ဘၢၣ်(၁၉)သီနံၤ ကီၫ်ပယီၤပူၤ ယၣ်ကံၣ်ကလံၤမုၫ်အဃိ ပှၤတူၫ်ဘၣ်ထံလုၫ်ဘၢတၫ်အဂီၫ် ကဟ့ၣ်မၤစၢၤဆီၣ်ထွဲ၀ဲ ဟီၣ်ခိၣ်ဖိတၫ်မၤစၢၤ ယူရိးစ့(၁.၂)ကကွဲၫ်အဂ့ၫ် ယူၤရပၤစၢဖှိၣ်ကရၢ ဘိးဘၣ်ရၤလီၤ၀ဲလီၤ.
Ref: RFA
