လါအီးကထိဘၢၣ်(၈)သီ,၂၀၂၄နံၣ်
ကဒုးဆၢက့ၤ အံၣ်ရၣ်ဟဲဒုးတၢ်လၢ မျိၥ်သူၣ်ယူၢ်အဂီၢ် အိၣ်ကတီၤဆိပၥ်သးလံအဂ့ၢ် အံၣ်စရ့တၢ်ဒီသဒၢကိတိၥ် ယီးကဲၣ်လး(ယော့ဗ်ဂယ်လန့်) ထုးထီၣ်တဲဖျါထီၣ်၀ဲန့ၣ်လီၤ.
တၢ်ဒုးတဖၣ်ဆူၣ်ထီၣ်လၢ အံၣ်ရၣ်ဆီၣ်ထွဲမၤစၢၤ ဟ့းစဘိၣ်လၣ်ကရၢလၢ အိၣ်သူၣ်လီၤအသးဖဲ လဲးဘနိၣ်ဒီး အံၣ်စရ့ၣ်အဘၢၣ်စၢၤအဆၢကတီၢ် အံၣ်စရ့တၢ်ဒီသဒၢကိတိၥ် တဲဖျါထီၣ်၀ဲ ဒ်အံၤန့ၣ်လီၤ.
အံၣ်ရၣ်တခီ တဲ၀ဲလၢ တၢ်လဲၤဒုးအံၣ်စရ့လၢ မျိၥ်သၣ်ယူၢ်တဖၣ်န့ၣ် မ့ၢ်တၢ်ဒုးဆၢက့ၤ ဟ့းစဘိၣ်လၣ်အခိၣ် ဟဲးဆၣ်နၣ်စရဲၣ်လၣ် ဘၣ်တၢ်ကူၣ်သံအီၤအဖီခိၣ်အဂီၢ်န့ၣ်လီၤ. ဟဲးဆၣ်နၣ်စရဲၣ်လၣ်အံၤ ဖဲလါစဲးပထ့ဘၢၣ်လါလၢၥ်န့ၣ် အံၣ်စရ့လဲၤဒုးအီၤလၢ ကလံၤကျါအဃိ ဘၣ်သံ၀ဲန့ၣ်လီၤ.
အံၣ်စရ့တၢ်ဒီသဒၢကိတိၥ် လဲၤ၀ဲဆူ ကလံၤသုးလၢ အံၣ်ရၣ်ဒုးအီၤတၢ်လီၢ်၀ံၤ အံၣ်စရ့ကဘီယူၤ တဟးဂီၤကွံၥ် နီတခိၣ်ဘၣ်အဂ့ၢ် စံး၀ဲန့ၣ်လီၤ. ပှၤလၢအဲၣ်ဒိဂုၢ်ကျဲးစၢး ဒုးအံၣ်စရ့တဖၣ်အံၤ ကြၢးကွၢ် ကၣ်စၣ်ဒီးလဲးဘနိၣ်တၢ်အိၣ်သးတဖၣ်အဂ့ၢ် တဲဟ့ၣ်ပလီၢ်၀ဲန့ၣ်လီၤ.
မ့မ့ၢ်လၢ အံၣ်ရၣ်ထံဂုၤကီၢ်ဂၤကိတိၥ်တခီတဲဆၢက့ၤ၀ဲလၢ တၢ်ကဒုးဆၢက့ၤ ဘၣ်ထွဲအံၣ်စရ့အတၢ်ဟဲဒုးတဘျီဘျီလၢ်လၢ်အဂ့ၢ်န့ၣ်လီၤ. လါအီးကထိဘၢၣ်(၇)သီအနံၤန့ၣ် တၢ်ကကးတံၥ်ဃၣ် ကီၢ်ပူၤကလံၤကျိၤတနီၤလၢ (၉)နၣ်ရံၣ်အတီၢ်ပူၤအဂ့ၢ် ကလံၤကျိၤပှၤဘၣ်မူဘၣ်ဒါတဖၣ် ထုးထီၣ်ပၥ်ဖျါဃၣ်၀ဲန့ၣ်လီၤ.
Ref:NHK
Photo:Reuters
