လါအီကၢး(၉)သီ,၂၀၂၄နံၣ်
တၫ်ဒုးကဲထီၣ်တအိၣ်ဘၣ်အမဲာ်ညါ ၀့ၫ်,သ၀ီ,ကျး,တၫ်သိၣ်လိကၠိတဖၣ် သုးကီၣ်ကးအတၫ်ဟဲတ့ၫ်လီၤမ့ၣ်ပိၫ် လၢကလံၤကျါတဖၣ် တၫ်ကပာ်ဖှိၣ်တြီဆၢသကိးအဂီၫ် ကလံၤစိးသိၣ်မှံၤ(၃)ဖုဃ့ထီၣ်၀ဲတရူးဒီးထံဂုၤကီၫ်ဂၤလီၤ.
သုးကီၫ်ကးဒီး ကလံၤစိးသိၣ်မှံၤ(၃)ဖု တၫ်ဒုးဆူၣ်ထီၣ်၀ံၤ လၢတၫ်ခးလိာ်သးကဒဲကဒဲ တၫ်ဒုးအပူၤ ဘၣ်ဃၣ်ကွံာ်သး ဒီးတမၤနၢၤတၫ်လၢၤဘၣ်အဃိ ဟီၣ်က၀ီၤလၢတမ့ၫ်တၫ်ဒုးအလီၫ် ၀့ၫ်,ကမျၢၫ်အိၣ်သ၀ီတဖၣ်အပူၤ တ့ၫ်လီၤမ့ၣ်ပိၫ်လၢ ကဘီယူၤန့ၣ် မ့ၫ်တၫ်မၤကမၣ်သုးကွီၫ်မ့ၣ်တၫ်မၤကမၣ်အဃိ ဂ့ၫ်လိာ်ထီဒါ၀ဲအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါ၀ဲ လီၤ.
တကးဘၣ် တၫ်ဒုးကဲထီၣ်တအိၣ်လၢၤတၫ်လီၫ် ကလံၤစိးသိၣ်မှံၤ(၃)ဖု တၫ်ပၢဟီၣ်က၀ီၤ လီးကဲၣ်(လောက်ကိုင်), သ့ၣ်နံၣ်(သိန္နီ),ကိးခဲၣ်(ကွတ်ခိုင်),နးဆၣ်(နမ့်ဆန်)ဒီးမၠီးအူ(မြောက်ဦး) ကီၫ်ဆၣ်တဖၣ်အပူၤ ကျးလၢလီၫ်က၀ီၤကမျၢၫ် လဲၤထီၣ်က့ၤလီၤ,တၫ်သိၣ်လိကၠိ,တၫ်ဆါဟံၣ်,တၫ်ဟ့ၣ်ကသံၣ်ဒၢး,တၫ်ဘူၣ်တၫ်ဘါတၫ်သူၣ်ထီၣ်လီၫ်တဖၣ်,တိၤတဖၣ်,၀့ၫ်,သ၀ီတဖၣ် ခီဖျိလၢကဘီယူၤဒုးသုးတဖၣ် ဟဲတ့ၫ်လီၤမ့ၣ်ပိၫ်အကလုာ်ကလုာ်ဒီးပညိၣ်ခးလီၤ ထံဖိကီၫ်ဖိကမျၢၫ် တဖၣ်အဃိ ဟံၣ်ဃီတၫ်သူၣ်ထီၣ်ဘၣ်ဟးဂီၤ,ကမျၢၫ်ဘၣ်သံဒီဒူၣ်ဒီထၢ ကဲထီၣ်၀ဲတလီၫ်လီၫ်န့ၣ်လီၤ.
၁၀၂၇ ဒုးယၤတၫ်ရဲၣ်တၫ်ကျဲၤအဃိ ဟီၣ်က၀ီၤလၢသုးကီၣ်ကးတအိၣ်လၢၤဘၣ်တဖၣ်အပူၤ တၫ်ဟဲခးလီၤကလုာ်ဒူၣ်ဖိ တဖၣ် လၢကလံၤကျါသုတအိၣ်တဂ့ၤအဂီၫ် ဒ်ကလံၤစိးသိၣ်မှံၤ(၃)ဖု တၫ်ဟံးစုနဲၣ်ကျဲအသိး တၫ်ကအိၣ်ဆိးလဲၤက့ၤ ဘၣ်အဂီၫ်ဒီးပာ်ဖှိၣ်မၤသကိးဘၣ်တၫ်အဂီၫ် ဃ့သကွံးကညးဃာ်၀ဲအဂ့ၫ် တၫ်ဘိးဘၣ်ရၤလီၤပူၤ ပာ်ဖျါ၀ဲလီၤ.
