လါမ့ၤ(၂၂)သီ, ၂၀၂၄နံၣ်
KNU-သုးက့နီၫ်ဂံၫ်(၁), ကီၫ်ရ့ၣ်ဒူသထူၣ်, ၀့ဒယဲၣ်သ၀ီ(ဝင်းဒယိုင်ကျေးရွာ)အကပၤ ဖဲနီဖးဒိၣ်(နောဖာဒို့), ဖဲလါမ့ၤ (၁၈)သီနံၤ ပ့နဲတီသုးကီၣ်ကးသုးကလၢၤ (ပိန္နဲတောစစ်ကောင်စီစခန်း) သုးဖိတဖၣ် ခးလီၤနါစိၤကျိဖးဒိၣ်အဃိ နီဖးဒိၣ်သ၀ီဖိ ဒီပုၫ်၀ဲၫ်(၂)ဂၤ ဘၣ်ဒိဘၣ်ထံးနးနးကျံးကျံးအဂ့ၫ် လီၫ်က၀ီၤဖိတဖၣ်တဲ၀ဲလီၤ.
“ပှၤဒီပုၫ်၀ဲၫ်ခံဂၤ ဘၣ်လၢကျိဖးဒိၣ်လီၤ. အနီန့ၣ် ဘၣ်ဒိလၢအဟၢဖၢ၀ံၤ ဒိးန့ၫ်ဘၣ်တၫ်ပူၤလီၫ် နးနးကျံးကျံးလီၤ. အဒ့မုၣ်တခီ အစုတဲာ်ကွံာ်တခီလီၤ. ဖဲကျိဖးဒိၣ်အချံလီၤတဲာ်အကတီၫ် အနီန့ၣ်အိၣ်လၢဟံၣ်ပူၤဒီး အဒ့မုၣ်တခီ အိၣ်လၢတၫ်ချၢအဂ့ၫ်” လီၫ်က၀ီၤကမျၢၫ်တဂၤတဲ၀ဲလီၤ. အဟံၣ်ဘၣ်ဟးဂီၤကွံာ်တကးဘၣ် ဟံၣ်တၫ်ပီးတၫ်လီတဖၣ်စ့ၫ်ကီး ဘၣ်ဟးဂီၤ၀ဲလီၤ.
တကးဘၣ် ပ့နဲတီ သုးကီၣ်ကးသုးကလၢၤ ခးလီၤကျိဖးဒိၣ်အဃိ လီၤတဲာ်၀ဲဒၣ်ဖဲ မၠီၣ်သ၀ီပူၤဒီး ဟံၣ်ဟးဂီၤ၀ဲတဖျၢၣ်န့ၣ်လီၤ. ကီၫ်ရ့ၣ်ဒူသထူၣ်, တတါအူ, ၀့ဒယဲၣ်သ၀ီ(ဝင်းဒယိုင်ကျေးရွာ) တကပၤ ကျိဖးဒိၣ်အချံ လီၤတဲာ်(၁၄)ဖျၢၣ်အဂ့ၫ် လီၫ်က၀ီၤဖိတဖၣ် တဲ၀ဲလီၤ.
DKBAလၢ ဘိၣ်ပံးတီခိၣ်ရိၣ်မဲ၀ဲတဖၣ် နၫ်ဟူတၫ်ကစီၣ်လၢ KNLA/ PDF တၫ်ပၢၫ်ဆၢသုးပာ်ဖှိၣ်တဖၣ် ဟဲအဃိ ခးလီၤစ့ၫ်ကီးကျိဖးဒိၣ်(၄)ဖျၢၣ်အဂ့ၫ် လီၫ်က၀ီၤဖိတဖၣ်တဲ၀ဲလီၤ.
ref:salweenpress
