လါမ့ၤ(၂၁)သီ, ၂၀၂၄နံၣ်
အံၣ်ရၣ်ကီၫ်ခိၣ် ရဲၣ်စံၣ်(ရိုင်စီ)ဒီး ထံဂုၤကီၫ်ဂၤကိတိာ်တဖၣ် ကဘီယူၤလီၤတဲာ် သံ၀ဲအဂ့ၫ် အံၣ်ရၣ်ပဒိၣ် ဘၣ်မူဘၣ်ဒါတဂၤ တဲပာ်ဂၢၫ်ပာ်ကျၢၤ၀ဲန့ၣ်လီၤ.
Helicopter ကဘီယူၤလၢ အံၣ်ရၣ်ကီၫ်ခိၣ် ဟဲဒိးပိာ်ဃုာ်အံၤ ဖဲလါမ့ၤ(၁၉)သီနံၤ ခီဖျိလၢမူခိၣ်ကလံၤသီၣ်ဂီၤ တဘၣ်လိာ် ဖိးဒ့ဒီး တၫ်ကသွံလီၤအကတီၫ် လီၤတဲာ်ဟးဂီၤ၀ဲဒၣ် ဖဲကီၫ်အံၣ်ရၣ်ကလံၤစိးတကပၤန့ၣ်လီၤ.
Helicopter ကဘီယူၤလၢ လီၤတဲာ်မ့ၣ်အူအီၣ်ကွံာ်အဃိ ပှၤလၢဟဲဒိးပိာ် ကဘီယူၤ အခံခဲလၢာ် ဘၣ်သံ၀ဲန့ၣ်လီၤ. ပှၤလၢလဲၤဃုတၫ်တဖၣ် လဲၤဃု၀ဲဒီတနၤကျၢၤ၀ံၤအလီၫ်ခံ ထံၣ်၀ဲကဘီယူၤလီၤတဲာ်ဟးဂီၤဖဲ မုၫ်ထီၣ်အစၣ်ဘဲၣ်ကၠၣ် (အရှေ့အဇာဘိုင်ဂျန်)န့ၣ်လီၤ. အလီၫ်ခံအံၣ်ရၣ်ကီၫ်ခိၣ်ပာ်ဃုာ် ပှၤလၢဟဲဒိးပိာ်ကဘီယူၤအခံခဲလၢာ် ကဘီယူၤလီၤတဲာ်ဒီး မ့ၣ်အူအီၣ်သံကွံာ်အီၤအဂ့ၫ် အံၣ်ရၣ်ပဒိၣ်ဘၣ်မူဘၣ်ဒါတဂၤတဲ၀ဲလီၤ.
ref:daweiwatch
