လါမ့ၤ(၃)သီ, ၂၀၂၄နံၣ်
ထံကီၫ်ခံဘ့ၣ် ကလံၤသုး(လေတပ်)အဘၢၣ်စၢၤ တၫ်ပာ်ဖှိၣ်မၤသကိးတၫ်ဒီး တၫ်ရ့လိာ်မုာ်လိာ်တဖၣ် ကမၤဆူၣ်ထီၣ်၀ဲ တၫ်ဂ့ၫ်တၫ်ကျိၤတဖၣ် ကတၢၣ်ပီၣ်တဲသကိး၀ဲအဂီၫ် သုးကီၣ်ကးကလံၤသုးခိၣ်ကျၢၫ်(စစ်ကောင်စီလေတပ်ဦးစီးချုပ်), သုးခိၣ်ကျၢၫ်ဒိၣ်စိ ထိအီၣ် (ထွန်းအောင်) တီခိၣ်ရိၣ်မဲခၢၣ်စးတဖၣ် လဲၤတုၤဆူကီၫ်ကၠီၣ်တဲၣ်အဂ့ၫ် သုးကီၣ်ကး ထုးထီၣ်ဘိးဘၣ်ရၤလီၤတၫ်ကစီၣ်န့ၣ်လီၤ.
ကၠီၣ်တဲၣ်စီၤပၤကလံၤသုးခိၣ်ကျၢၫ်(ထိုင်းဘုရင့်လေတပ်ဦးစီးချုပ်) Punpakdee Pattanakulအတၫ်ကွဲမုာ်အဃိ ဖဲလါ အ့ဖြ့ၣ်(၃၀)သီနံၤ ဟါခီအကတီၫ်န့ၣ် အ၀ဲသ့ၣ်ခၢၣ်စးတဖၣ် လဲၤတုၤဆူ ကၠီၣ်တဲၣ် အဂ့ၫ်ပာ်ဖျါ၀ဲလီၤ. အပူၤကွံာ် လါအ့ ဖြ့ၣ်အပူၤ ကၠီၣ်တဲၣ်-ပယီၤကီၫ်ဆၢ ၀့ၫ်ရၤမတံ တၫ်ဒုးတဖၣ်အပူၤ သုးကီၣ်ကးတကပၤ သူ၀ဲကလံၤကျါဒိၣ်ဒိၣ်မုာ်မုာ်အဃိ ကၠီၣ်တဲၣ် တကပၤ တၫ်သုတနုာ်လီၤတလၢ အတၫ်ပၢဟီၣ်က၀ီၤအဂီၫ် ဟ့ၣ်ပလီၫ် ခိးကွၫ်၀ဲန့ၣ်လီၤ.
ရၤမတံ တၫ်ဒုးအပူၤ သုးကီၣ်ကး ကဘီယူၤဒုးသုးတဖၣ် ကဟဲနုာ်လီၤဆူ ကီၫ်ကၠီၣ်တဲၣ်ပူၤန့ၣ် တူၫ်လိာ်၀ဲတသ့ဘၣ်အဂ့ၫ်ဒီး မ့ၫ်ဟဲနုာ်လီၤဘၣ်ဖုးန့ၣ် တၫ်ကခီၣ်ဆၢက့ၤတဘျီဃီအဂီၫ် ကၠီၣ်တဲၣ်ကိတိာ်ခိၣ်ကျၢၫ်(ထိုင်းဝန်ကြီးချုပ်)အနီၫ်ကစၫ်ဒၣ်၀ဲ ဟ့ၣ်လီၤဃာ် သုးခိၣ်နၫ်ဘၣ်မူဘၣ်ဒါ(စစ်တပ်အကြီးအကဲ)တဖၣ် တၫ်ကလုၫ်န့ၣ်လီၤ. တၫ်ဒုးကဲထီၣ်အကတီၫ် ကၠီၣ်တဲၣ် ကီၫ်ဆၢတကပၤ ပာ်လီၤဃာ် သုးတၫ်ဘံၣ်တၫ်ဘၢ(စစ်တပ်လုံခြုံရေး)အါအါဂီၫ်ဂီၫ် တကးဘၣ် F-16 ကဘီယူၤဒုးသုးတဖၣ်စ့ၫ်ကီး ယူၤလၢမူကပိာ် လၢတၫ်ဘံၣ်တၫ်ဘၢအဂီၫ်လီၤ.
လၢကတီၫ်အံၤ ၀့ၫ်ရၤမတံပူၤ ကညီဒီကလုာ်တၫ်ထူၣ်ဖျဲးသုးမုၫ်ဒိၣ်-KNLAဒီး သုးပာ်ဖှိၣ်တဖၣ် ဂုၤက့ၤအခံဒီး ဖဲတၫ်ဒုးပတုာ်အကတီၫ် သုးကီၣ်ကးကလံၤသုးခိၣ်ကျၢၫ်(စစ်ကောင်စီလေတပ်ဦးစီးချုပ်)န့ၣ် ကၠီၣ်တဲၣ်ကလံၤသုးခိၣ်ကျၢၫ်(ထိုင်းဘုရင့်လေတပ်ဦးစီးချုပ်)ကွဲမုာ်အီၤဒ်သိးအံၤန့ၣ်လီၤ.
အပူၤကွံာ် ၂၀၂၂နံၣ် လါယူၤအပူၤ, သုးကီၣ်ကး အ အူကရံးထၣ်သုးကလၢၤ(ဥကရစ်ထခြေကုပ်စခန်း) KNLAဒီး သုးပာ်ဖှိၣ် တဖၣ်ထီၣ်ဒုးအကတီၫ် တၫ်ဒုးဆၢက့ၤအပူၤ သုးကီၣ်ကး ကဘီယူၤဒုးသုး(စစ်ကောင်စီတိုက်လေယာဉ်) တခိၣ် လဲၤတလၢကွံာ်ကၠီၣ်တဲၣ်တၫ်ပၢဟီၣ်က၀ီၤ (၄)ကံၣ်လိၣ်မံထၢၣ်ဃၣ်ဃၣ် ကဲထီၣ်တ့ၫ်၀ဲလီၤ. ဘၣ်ထွဲဒီး သုးကီၣ် ကးကဘီယူၤဒုးသုး နုာ်လီၤတလၢကၠီၣ်တဲၣ်တၫ်ပၢတၫ်ဂ့ၫ်န့ၣ် ကၠီၣ်တဲတကပၤ တဲထီဒါ၀ဲ၀ံၤ သုးကီၣ်ကးတကပၤစ့ၫ်ကီး ဃ့၀ံသးစူၤ၀ဲအဂ့ၫ် ကၠီၣ်တဲၣ်တၫ်ကစီၣ်သန့တဖၣ် ကွဲးဖျါဃာ်၀ဲလီၤ.
ref:theirrawaddy
