လါအ့ဖြ့ၣ်(၃၀)သီ, ၂၀၂၄နံၣ်
အ့ရှၢၣ်ဟီၣ်က၀ီၤ တၫ်ကိၫ်အဃိ တၫ်ကးတံာ်ကွံာ် တၫ်သိၣ်လိကၠိတဖၣ်ဒီး တၫ်ဟ့ၣ်ပလီၫ်တဖၣ် ဘၣ်တၫ်ဘိးဘၣ်ရၤလီၤ၀ဲလီၤ. ကီၫ်ဖံလံးပံ(ဖိလစ်ပိုင်နိုင်ငံ)အပူၤစ့ၫ်ကီး ကးတံာ်ကွံာ်ဃာ် ပဒိၣ်ကၠိ(အစိုးရကျောင်း), (၂)သီ၀ံၤ ကအိၣ်၀ဲလၢဟံၣ်အဂီၫ် ထုးထီၣ်တၫ်ကလုၫ်လီၤ. မ့ၫ်လၢတၫ်ကိၫ်သဟီၣ်ဟဲဆူၣ်ထီၣ်ဒီး ဘၣ်ဒိဘၣ်ထံးတၫ်အိၣ်ဆူၣ်အိၣ်ချ့သ့အဃိ ပဒိၣ်ကၠိ ခဲလၢာ်ပာ်ဖှိၣ် (၄၇,၀၀၀)ဘျဲၣ် ကၠိတဖၣ်န့ၣ် ကသိၣ်လိ၀ဲလၢ အိၣ်လဲသနူ (အွန်လိုင်းစနစ်)အဂီၫ် ပဒိၣ်နဲၣ်လီၤဃာ်၀ဲလီၤ.
တၫ်ကိၫ်အဃိ အပူၤကွံာ်အနွံန့ၣ် ကီၫ်ဘ့ကလါဒ့းရှ်(ဘင်္ဂလားဒေ့ရှ်)လၢ ဘၣ်ကးတံာ်ကွံာ်တၫ်သိၣ်လိကၠိစ့ၫ်ကီး တၫ်ကးတံာ်ကွံာ် တၫ်သိၣ်လိကၠိအဂီၫ် ထုးထီၣ်ဘိးဘၣ်ရၤလီၤကဒီး တၫ်ကလုၫ်န့ၣ်လီၤ. လၢ၀့ၫ်ခိၣ်ဒၣ်ကၣ် (မြို့တော်ဒါကာ) ဖဲအပူၤကွံာ် နွံအပူၤ တၫ်ကိၫ်ဟဲဆူၣ်ထီၣ် တုၤလၢ(၁၀၅) ဒံၣ်ကရံၣ်ဖၣ်ရ့ၣ်ဟဲး(ဒီကရီဖာရင်ဟိုက်)ညါန့ၣ်လီၤ. တၫ်အံၤလၢအနံၣ်(၃၀)အတီၫ်ပူၤ မ့ၫ်တၫ်ကိၫ်ဆူၣ်ကတၢၫ်၀ံၤ နံၤလၢကဟဲတဖၣ်စ့ၫ်ကီး တၫ်ကိၫ်ကဆူၣ်ဒံး၀ဲအဂ့ၫ် တၫ်တယာ်ဃာ်၀ဲလီၤ. တၫ်ကိၫ်ဆူၣ်အဃိ ဖဲလါအ့ဖြ့ၣ်ပူၤ ပှၤဘၣ်သံတစှၤန့ၣ် (၇)ဂၤအဂ့ၫ် ပှၤဘၣ်မူဘၣ်ဒါတဖၣ် တဲ၀ဲလီၤ.
ကီၫ်ကၠီၣ်တဲၣ်ပူၤစ့ၫ်ကီး တနံၣ်အံၤအပူၤ တၫ်ကိၫ်သဟီၣ်တဖၣ်အဃိ ပှၤဘၣ်သံတစှၤန့ၣ် (၃၀)ဂၤဆူအဖီခိၣ်အသိး ကလံၤစိးကီၫ်ရ့ၣ်(မြောက်ပိုင်းခရိုင်)တဖၣ်အပူၤ ကွၫ်ဆၢၣ်မဲာ်ဘၣ် တၫ်ကိၫ်ဆူၣ်ထီၣ်အဂ့ၫ် မူခိၣ်ကလံၤသီၣ်ဂီၤ၀ဲၤကျိၤ(မိုးလေဝသဌာန) ထုးထီၣ်ဘိးဘၣ်ရၤလီၤဃာ်၀ဲလီၤ.
ref:voa
