လါမးရှး(၁၄)သီ, ၂၀၂၄နံၣ်
ဖဲလါမးရှး(၁၃)သီအနံၤ ပှၤကီၫ်ပယီၤဖိ(၂၂)ဂၤ လၢဟဲနုာ်လီၤဆူကၠီၣ်တဲၣ်ပူၤလၢတဖိးသဲစးတဖၣ် ဘၣ်တၫ်ဖှီၣ်န့ၫ်အီၤလၢ ကၠီၣ်တဲၣ်သုးဒီးပၢၤကီၫ်တဖၣ်အဂ့ၫ် RFA တၫ်ကစီၣ်သန့ပာ်ဖျါ၀ဲလီၤ.
လၢကၣ်ခၠးနးပူၣ်ရံၣ်ကီၫ်စဲၣ်(ကန်ချနပူရီပြည်နယ်), သီၣ်ဖၣ်ဖၣ်ကီၫ်ရ့ၣ်(သောင်ဖာဖန်ခရိုင်), သခၣ်နၣ်၀့ၫ်(သခါနမ်မြို့)ကပၤ ပှၫ်ပူၤ ဖဲလါမးရှး(၁၃)သီအနံၤ ဂီၤ(၈)နၣ်ရံၣ်ဃၣ်ဃၣ်အကတီၫ် ပိာ်ခွါ(၁၇)ဂၤ, ပိာ်မုၣ်(၅)ဂၤ ဘၣ်တၫ်ဖီၣ်န့ၫ်၀ဲအဂ့ၫ် ပာ်ဖျါ၀ဲလီၤ.
ပှၤလၢဘၣ်တၫ်ဖီၣ်န့ၫ်အီၤတဖၣ် ဖဲကၠီၣ်တဲၣ်ဘၣ်မူဘၣ်ဒါတဖၣ် သမံသမိးအီၤအကတီၫ် တၫ်တထံၣ်န့ၫ်လၢအိၣ်ဒီးလံာ်တၫ်အုၣ်ကီၤနီတမံၤဘၣ်အဂ့ၫ် ကၠီၣ်တဲၣ်ဘၣ်မူဘၣ်ဒါ တဲ၀ဲလီၤ.
တဲ၀ဲလၢကဒိးန့ၫ်ဘၣ်တၫ်မၤလၢကၠီၣ်တဲၣ်အဂ့ၫ်ဒီး နီၫ်တဂၤန့ၣ် ဘၣ်ဟ့ၣ်၀ဲတၫ်လၢာ်ဘူၣ်လၢာ်စ့ၤ စ့ယိၤ(၁၃,၀၀၀)တုၤဆူ (၁၅,၀၀၀)ဘး၀ံၤ ဖဲအိၣ်ခိးပှၤလၢကလဲၤဆှၢအီၤဆူတၫ်မၤလီၫ်အကတီၫ် ဘၣ်တၫ်ဖီၣ်န့ၫ်အ၀ဲသ့ၣ်အဂ့ၫ် ပာ်ဖျါ၀ဲလီၤ.
ပှၤလၢဘၣ်တၫ်ဖီၣ်န့ၫ်တဖၣ် လၢတၫ်ဘျၢအဖီခိၣ် တၫ်ကဟံးန့ၫ်ဂ့ၫ်၀ီအဂီၫ် ဘၣ်တၫ်ဆှၢအီၤဆူ သီၣ်ဖၣ်ဖၣ်ပၢၤကီၫ်၀ဲၤဒၢး(သောင်ဖာဖန်ရဲစခန်း)အဂ့ၫ် ပာ်ဖျါ၀ဲလီၤ.
ကီၫ်ပယီၤပူၤ သုးကီၣ်ကးဘိးဘၣ်ရၤလီၤလၢ ကသူ၀ဲကမျၢၫ်တၫ်ဘၣ်ကဲသုးတၫ်ဘျၢ၀ံၤအလီၫ်ခံ သးစၫ်လၢဟးထီၣ်ဆူထံဂုၤကီၫ်ဂၤတဖၣ် လၢကျဲအကလုာ်ကလုာ်အကျါ ဟဲနုာ်လီၤဆူကီၫ်ကၠီၣ်တဲၣ် လၢတဖိးသဲစးအပူၤအဃိ ဘၣ်တၫ်ဖီၣ်န့ၫ်အီၤ အိၣ်လံလၢအကယၤတဖၣ်လံအဂ့ၫ် ကီၫ်ကၠီၣ်တဲၣ်ပူၤ ပှၤလၢမၤစၢၤ ပှၤမၤတၫ်ဖိဂ့ၫ်၀ီတဖၣ်တဲ၀ဲန့ၣ်လီၤ.
ref:rfa
