လါမးရှး (၄)သီ, ၂၀၂၄နံၣ်
အပူၤကွံာ် လါဖ့ၤဘြူၤအါရံၤ(၁)သီအနံၤ တုၤ(၂၉)သီအနံၤ ကညီဒီကလုာ်တၫ်ထူၣ်ဖျဲးသုးမုၫ်ဒိၣ် – KNLA သုးက့ နီၫ်ဂံၫ်(၅)ဒီး ပယီၤသုးကီၣ်ကး အဘၢၣ်စၢၤ တၫ်ဒုးကဲထီၣ်တ့ၫ်သးအိၣ်၀ဲ (၈၆)ဘျီအဂ့ၫ် ခ့ၣ်အဲၣ်ယူၣ်-မုၫ်တြီၫ်ပာ်ဖျါ၀ဲန့ၣ်လီၤ.
ခံကပၤလၢာ် တၫ်ဒုးကဲထီၣ်အါဘျီအဖီခိၣ် ပယီၤသုးကီၣ်ကး ဘၣ်ဒိ၀ဲ(၄၅)ဂၤဒီး သံ၀ဲ(၂၅)ဂၤလီၤ. သုးကီၣ်ကး သံအကျါ ပာ်ဃုာ်ဒီး သုးခိၣ်ဖိတဂၤအဂ့ၫ် ပာ်ဖျါ၀ဲလီၤ.
ဖဲလါဖ့ၤဘြူၤအါရံၤ(၁)သီနံၤတုၤ(၂၉)သီအနံၤ မ့ၫ်လၢကညီဒီကလုာ်တၫ်ထူၣ်ဖျဲးသုးမုၫ်ဒိၣ် – KNLA သုးက့နီၫ်ဂံၫ်(၅)ဒီး သုးပာ်ဖှိၣ်တဖၣ် အတၫ်က၀ီၤခးဒီး ဒီၣ်တဲာ်ကွံာ် ပယီၤသုးအတၫ်လဲၤတၫ်က့ၤကျဲ, အတၫ်အီၣ်တၫ်အီအကျဲ, ဒၢၣ်အီထံအကျဲတဖၣ်လၢ တၫ်ဆၢကတီၫ်ယံာ်ပူၤအဃိ သုးကီၣ်ကးတဖၣ် တူၫ်၀ဲတကဲလၢၤဘၣ်ဒီး ဘၣ်ပာ်တ့ၫ်ကွံာ်ကဒီး အသုးကလၢၤ(၃)ဖျၢၣ်န့ၣ်လီၤ.
ခံကပၤလၢာ် တၫ်ဒုးကဲထီၣ်ဒ်သိးအံၤအဃိ ပယီၤသုးကီၣ်ကး ခးနါစံၣ်နါစိၤ ကျိဖးဒိၣ်လၢကမျၢၫ်ဒူသ၀ီဒီး တၫ်ဖံးအီၣ်မၤအီၣ်အလီၫ်အကျဲ အိၣ်၀ဲ(၉)ဖျၢၣ်န့ၣ်လီၤ. ခံကပၤတၫ်ဘၣ်သဂၢၫ်ခးလိာ်သးအပူၤ ကမျၢၫ်လၢတၫ်ကမၣ်တအိၣ် ဘၣ်သံ၀ဲ(၂)ဂၤအဂ့ၫ် ပာ်ဖျါ၀ဲန့ၣ်လီၤ.
photo:wildbird
