လါဖ့ၤဘြူၤအါရံၤ ၂၉သီႇ ၂၀၂၄နံၣ်
လၢအ့ရှၢၣ်မုၫ်ထီၣ်ကလံၤထံး(အရှေ့တောင်အာရှ)ဟီၣ်က၀ီၤအပူၤ သုးဂ့ၫ်၀ီတၫ်ဂဲၤလိ(စစ်ရေးလေ့ကျင့်မှု)လၢအဒိၣ်ကတၢၫ်ဒီး အယံာ်ကတၢၫ်, ကၠီၣ်တဲၣ်(ထိုင်း)ဒီး အမဲရကၤ(အမေရိကန်)အ ဂုၫ်သီထူသုးတၫ်ဂဲၤလိ(ရွှေမြွေဟောက် စစ်ရေးလေ့ကျင့်မှု)လၢ ၂၀၂၄နံၣ်အံၤ လၢတလါအံၤ(၂၆)သီအနံၤတုၤ လါမးၡး(၈)အနံၤ တၫ်ကမၤ၀ဲအဂ့ၫ် ကၠီၣ်တဲၣ်တၫ်ဒီသဒၢကိတိာ်၀ဲၤကျိၤ(ထိုင်းနိုင်ငံကာကွယ်ရေးဝန်ကြီးဌာန) ၦၤတဲတၫ်ပၢ (Jirayu Houngsub )တဲ၀ဲအဂ့ၫ် VOA တၫ်ကစီၣ်သန့ ပာ်ဖျါ၀ဲလီၤ.
သုးဂ့ၫ်၀ီတၫ်ဂဲၤလိ လၢတၫ်ကမၤ၀ဲယံာ်(၁၂)သီအံၤ လၢထံကီၫ်အဘ့ၣ်(၃၀) ဘၣ်ထွဲသုးဂ့ၫ်၀ီတကပၤ ခိၣ်နၫ်ဒိၣ်ထီ(၁၀,၀၀၀)ဂၤ ဃၣ်ဃၣ် ကပာ်ဃုာ်၀ဲအိၣ်ဘၣ်ဆၣ် ကီၫ်ပယီၤသုးတခီ တဘၣ်တၫ်ကွဲမုာ်အီၤဘၣ်. စးထီၣ်လၢ ၂၀၁၃နံၣ်လံၤလံၤ ကီၫ်ပယီၤသုးန့ၣ် ပာ်ဃုာ်ဒ်ၦၤဟဲဃုသ့ၣ်ညါတၫ်အသိးလီၤ. ဘၣ်ဆၣ် ဖဲ၂၀၂၁နံၣ် သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ၀ံၤအလီၫ်ခံ ကီၫ်ပယီၤသုး တၫ်တဟ့ၣ်အခွဲးလၢကနုာ်လီၤပာ်ဃုာ်လၢၤဘၣ်.
လၢတနံၣ်အံၤ ဂုၫ်သီထူသုးဂ့ၫ်၀ီတၫ်ဂဲၤလိ(ရွှေမြွေဟောက် စစ်ရေးလေ့ကျင့်မှု)လၢ အမဲရကၤ သုးဂံၫ်ဘါပာ်ဃုာ်အါအါဂီၫ်ဂီၫ်အံၤ တရူး(တရုတ်)ဒီး အ့ဒံယါ(အိန္ဒိယ)သုးတဖၣ်စ့ၫ်ကီး ကပာ်ဃုာ်၀ဲအသိး လၢတၫ်ဟ့ၣ်ဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤအဂီၫ်( လူသားချင်းစာနာမှု အကူအညီပေးရေး) ကပာ်ဖှိၣ်ဂဲၤလိသကိး၀ဲလီၤ. သိၣ်မှံၤ(မဟာမိတ်)တဖၣ်အဘၢၣ်စၢၤ သုးဂ့ၫ်၀ီတၫ်ရ့လိာ်ဘၣ်ထွဲ(စစ်ရေးဆက်ဆံမှု)ကဂ့ၤထီၣ်ဒီး ကလဲၤထီၣ်လဲၤထီဒိၣ်ထီၣ်အဂီၫ်, လၢဂ့ၫ်ဂီၫ်အူတၫ်အိၣ်သးအကလုာ်ကလုာ်အပူၤ ကအိၣ်ဃူဃူဖိးဖိးဒီး ကယဲၫ်မ့ၫ်တၫ်ဖံးတၫ်မၤခဲလၢာ်အပူၤ ကမၤသဃဲၤသကိးတၫ်လၢ အကံၫ်အစီအဂံၫ်ကဆူၣ်ထီၣ်အဂီၫ်ဒီး ဒ်ထံကီၫ်ခဲလၢာ်ဘၣ်ထွဲ သုးဂ့ၫ်၀ီတၫ်မၤညီနုၫ်အသိး ကဂဲၤလိ၀ဲတုၤလီၤတီၤလီၤအဂီၫ် ပညိၣ်ဃာ်၀ဲ၀ံၤ မ့ၫ်သုးဂ့ၫ်၀ီတၫ်ဂဲၤလိတခါလၢမၤ၀ဲန့ၣ်လီၤ.
လၢသုးဂ့ၫ်၀ီတၫ်ဂဲၤလိတဘျီအံၤအပူၤ စ့ၣ်ကဖူၣ်(စင်ကာပူ), အ့ၣ်ဒိၣ်နံၡါ(အင်ဒိုနီးရှား), ယပၣ်(ဂျပန်), ကလံၤထံးခိၣ်ရံယါ(တောင်ကိုရီးယား)ဒီး မလ့ၡါထံကီၫ်(မလေးရှားနိုင်ငံ)တဖၣ် အသုးကပာ်ဃုာ် (၄)ကထိဘျဲၣ်န့ၣ်လီၤ.
တနံၣ်အံၤ သုးဂ့ၫ်၀ီတၫ်ဂဲၤလိ လၢဘၣ်တၫ်မၤအီၤအံၤ မ့ၫ်(၄၃)၀ီတ၀ီ၀ံၤ မ့ၫ်စ့ၫ်ကီး ကၠီၣ်တဲၣ်ဒီး အမဲရကၤ ထံကီၫ်ခံဘ့ၣ် အတၫ်ရ့လိာ်ဘၣ်ထွဲၦဲၤထီၣ် အနံၣ်(၁၉၀)နံၣ်န့ၣ်လီၤ.
photo:kyodonews
