လၢဃိၣ်ပူၤဖဲမုၫ်ယဲၫ်နံၤ သးနံၣ်အိၣ်(၄၇)နံၣ် ရၢၡၢၣ်ခိၣ်နၫ်ၦၤပြၢပဒိၣ် (ရုရှားအတိုက်အခံခေါင်းဆောင်) လၢတၫ်သ့ၣ်နီၣ်ထီၣ်က့ၤအီၤအဖီခိၣ် ဖဲ၀့ၫ်မီၣ်စကိၣ်( မော်စကိုမြို့), (Solovetsky Stone )လၢၢၫ်ထူၣ် ဘၣ်ထွဲရၢၡၢၣ် အမဲရကၤမီၫ်သီ(ရုရှားဆိုင်ရာအမေရိကန်သံအမတ်ကြီး) ဖဲမုၫ်အိၣ်ဘှံးနံၤန့ၣ် လဲၤဟ့ၣ်၀ဲတၫ်ယူးယီၣ်န့ၣ်လီၤ. Alexey Navalny လၢလီၤပာ်ကဲ လီၤကွၫ်လိ, အတၫ်ထဲးဂံၫ်ထဲးဘါဒီး တၫ်ဖံးတၫ်မၤတဖၣ် တၫ်ပာ်လုၫ်ပာ်ၦ့ၤ ပာ်ပနီၣ်ဘၣ်၀ဲအဂ့ၫ် မီၫ်သီ(သံအမတ်ကြီး), Lynne Tracy တဲ၀ဲန့ၣ်လီၤ.
ဒ် Alexey Navalny အသိး ထံရူၫ်ကီၫ်သဲးတၫ်ဆီၣ်တံၫ်မၤနၢၤတဖၣ်အဃိ ၦၤလၢဘၣ်သံတဖၣ်ဒီး အဟံၣ်ဖိဃီဖိတဖၣ်, အၦၤမၤသကိးတၫ်ဒီး ၦၤလၢဆီၣ်ထွဲအီၤတဖၣ်အဂီၫ် လၢတၫ်ပာ်ဖျါထီၣ် တၫ်သူၣ်အုးသးအုးအပနီၣ်အဖီခိၣ် ကမျၢၫ်တဖၣ်ဟဲမၤလၤကပီၤ ဟ့ၣ်အီၤတၫ်ယူးယီၣ်ဖဲ (Solovetsky Stone)လၢၫ်ထူၣ်န့ၣ်လီၤ. လၢဆိၣ်ဘံၣ်ယဲးအစိၤ(ဆိုဗီယက်ခေတ်) ဖဲ၀့ၫ်ခိၣ်မီၣ်စကိၣ်(Wall of Grief) လၢဘၣ်တၫ်တ့ထီၣ်အီၤလၢ တၫ်သ့ၣ်နီၣ်ထီၣ်က့ၤ တၫ်ဆီၣ်တံၫ်မၤနၢၤအဂီၫ် တၫ်သူၣ်ထီၣ်အလီၫ်စ့ၫ်ကီး Alexey Navalny အတၫ်စူးကွံာ်သးအဃိ ၦၤလၢသူၣ်အုးသးအုးတဖၣ် ဟဲနုာ်သုတန့ၫ်တဂ့ၤအဂီၫ် ပၢၤကီၫ်(ရဲ)သ့ၣ်တဖၣ် ပာ်လီၤဃာ် တၫ်ဘံၣ်တၫ်ဘၢန့ၣ်လီၤ.
ရၢၡၢၣ်၀့ၫ်အါတက့ၫ်အပူၤ Alexey ဘၣ်ဆူးကွံာ်သးအဖီခိၣ် လၢတၫ်ပာ်ဖျါထီၣ်တၫ်သူၣ်အုးသးအုးတၫ်ပနီၣ်အပူၤ ၦၤလၢတီၣ်ထီၣ်(Live)လၢအကယၤဂၤ ရၢၡၢၣ်ပၢၤကီၫ်(ရုရှားရဲတပ်ဖွဲ့)တဖၣ် ဖီၣ်ကတီၤဃာ်အီၤအဂ့ၫ် ၦၤဟူးဂဲၤလၢဟီၣ်ခိၣ်ဖိခွဲးယာ်( လူ့အခွင့်အရေးသမား)တဖၣ် တဲ၀ဲလီၤ. ၦၤလၢတၫ်ဖီၣ်အီၤအကျါ ၦၤလၢအဆံဘျဲၣ် ဘၣ်တၫ်ပာ်အီၤလၢဃိၣ်(ထောင်)ပူၤ(၁၅)သီ၀ံၤ တနီၤဒု ဘၣ်ဟ့ၣ်စ့အိၣ်၀ဲအဂ့ၫ် စဲးစးဘျီၣ်ဒိၣ်ဘၣ်မူဘၣ်ဒါတဖၣ်(တရားရုံးအရာရှိ) တဲလီၤ၀ဲဖဲမုၫ်ဃုနံၤန့ၣ်လီၤ.
ရၢၡၢၣ်တၫ်ဃုထၢ(ရုရှားရွေးကောက်ပွဲ)လၢ တၫ်ကမၤအီၤအိၣ်တ့ၫ်ဒၣ်ထဲအလါဃၣ်ဃၣ်, ရၢရှၢၣ်ခိၣ်နၫ်ၦၤပြၢပဒိၣ် Alexey ဘၣ်စူးကွံာ်အသး၀ဲအံၤန့ၣ် ကီၫ်ခိၣ်ပလၣ်ဒံၣ်မံၣ်ယၣ်ပူၣ်တ့ၣ်(သမ္မတဗလာဒီမီယာပူတင်)အဂီၫ် လၢခံ(၆)နံၣ် ကကၠီၤတံၫ်ဃာ်တၫ်စိတၫ်ကမီၤအဂီၫ် ကဲထီၣ်၀ဲသ့အဂ့ၫ် လၢဟီၣ်ခိၣ်ချၢဒီတဖျၢၣ် တၫ်တယာ်၀ဲအိၣ်န့ၣ်လီၤ. မုၫ်နုာ်ထံကီၫ်ခိၣ်နၫ်လၢ အမဲရကၤကီၫ်ခိၣ် ကၠိဘဲၣ်တၣ် (အမေရိကန်သမ္မတ ဂျိုးဘိုင်ဒန်) တီခိၣ်ရိၣ်မဲတဖၣ်တခီ တဲ၀ဲလၢ အတၫ်သူၣ်ဒူသးဒူန့ၣ် ပာ်လုၫ်ပာ်ၦ့ၤဘၣ်၀ဲအဂ့ၫ်တဲဖျါထီၣ်၀ဲအိၣ်အသိး တၫ်အုၣ်ကီၤ(သက်သေအထောက်အထား)မ့ၫ်တအိၣ်ဘၣ်ဆၣ် တၫ်သံတၫ်ၦၫ်တဘျီအံၤအဖီခိၣ် ကီၫ်ခိၣ်ပူၣ်တ့ၣ်(သမ္မတပူတင်) အမူဒါအိၣ်၀ဲအဂ့ၫ် တဲဃာ်၀ဲန့ၣ်လီၤ.
ကီၫ်အဲးကလံး(ဗြိတိန်)စ့ၫ်ကီး Alexey အတၫ်သံတၫ်ၦၫ်လၢကပိာ်ထွဲထီၣ်အခံ ရၢၡၢၣ်ကကွၫ်ဆၢၣ်မဲာ်ဘၣ်၀ဲအဂ့ၫ် တဲ၀ဲလီၤ. ရၢၡၢၣ်ဃိၣ်ဘၣ်မူဘၣ်ဒါ( ရုရှားအကျဥ်းထောင်တာဝန်ရှိသူ)တဖၣ်တခီ Alexeyန့ၣ် ဖဲမုၫ်ယဲၫ်နံၤအနံၤန့ၣ် အိၣ်တဆူၣ်၀ံၤ ဖဲသါပ့ၤနီၣ်သးဒီး တၫ်ဆါဟံၣ်သိလ့ၣ် ဟဲတုၤအကတီၫ် အသးသမူဟးထီၣ်၀ဲအဂ့ၫ်တဲ၀ဲလီၤ. တၫ်ဘၣ်စူးကွံာ်သးအဂ့ၫ်ခီၣ်ထံးန့ၣ် တၫ်သမံသမိးအဖၢမုၫ်ဒံးလီၤအဂ့ၫ်တဲ၀ဲလီၤ.
ဘၣ်ထွဲ Alexey အတၫ်ဘၣ်စူးကွံာ်သးအဖီခိၣ် ဖြၣ်စ့ၣ်(ပြင်သစ်), ကၠၢမနံၣ်(ဂျာမနီ) ဒီး ကီၫ်အဲကလံး(ဗြိတိန်)ထံကီၫ်တဖၣ် လဲၤပာ်ဖျါထီၣ်အသးလၢ ရၢၡၢၣ်မီၫ်သီ၀ဲၤဒၢး(ရုရုားသံရုံး)အကပၤ၀ံၤ ကီးသတြီၤထီၣ်၀ဲဒၣ်လၢ ပူၣ်တ့ၫ်ၦၤမၤသံတၫ်န့ၣ်လီၤ.
ref:voa
photo:CNN
