လၢတၫ်ကဟးဆှး တၫ်ဘၣ်ကဲသုးတၫ်ဘျၢအဂီၫ် ပိာ်မုၣ်တဖၣ်ပာ်ဃုာ် ၦၤကီၫ်ပယီၤဖိ သးစၫ်တဖၣ် ဟဲဃ့ၫ်ထီၣ်ခီဂာ်၀ဲ ကၠီၣ်တဲၣ်ကီၫ်ဆၢ-ကီၫ်စဲၣ်လၢအမ့ၫ် တးခ်(Tak)န့ၣ်လီၤ. (Tak), မဲဆီးကီၫ်ရ့ၣ် Ratchamanu Taskforce အသုးဖိတဖၣ် ထံၣ်န့ၫ်၀ဲ ပိာ်ခွါ(၁၃)ဂၤဒီး ပိာ်မုၣ်(၁၄)ဂၤ, ခဲလၢာ်(၂၇)ဂၤ ဖဲဖိးဖရးကီၫ်ရ့ၣ် (Phop Phra)ထံကျိဖိတဘိအကပၤ၀ံၤ ဘၣ်တၫ်ဖှီၣ်ကတီၤဃာ်အီၤန့ၣ်လီၤ.
ကီၫ်ပယီၤသးစၫ်တဖၣ် ခီဖျိလၢ ၦၤဆှၢထီၣ်ဆှၢလီၤၦၤကညီလၢတဖိးသဲစးတဖၣ် အတၫ်မၤစၢၤအဖီခိၣ် အ၀ဲသ့ၣ်အိၣ်ဟဲဖဲ ၀့ၫ်ရၤမတံ(မြ၀တီမြို့)တကပၤဒီး နုာ်လီၤ၀ဲဆူ ကီၫ်ကၠီၣ်တဲၣ်ပူၤန့ၣ်လီၤ. ဖဲအပူၤကွံာ်စှၤသီနံၤအပူၤ လၢတးခ်(Tak), ဖိးဖရးကီၫ်ရ့ၣ်(Phop Phra) ၦၫ်ပူၤ, ပိာ်ခွါ(၁၁)ဂၤ ဒီးပိာ်မုၣ်(၁၆)ဂၤ ခဲလၢာ် ကီၫ်ပယီၤသးစၫ်(၂၇)ဂၤ ဘၣ်တၫ်ဖီၣ်ကတီၤဃာ်အီၤစ့ၫ်ကီးန့ၣ်လီၤ.
ကီၫ်ပယီၤသးစၫ်တဖၣ် ဟဲဃ့ၫ်ထီၣ်ဆူကီၫ်ကၠီၣ်တဲၣ် ဒ်သိးအံၤန့ၣ် သးနံၣ်(၁၈)နံၣ်တုၤ (၃၅)နံၣ်အတီၫ်ပူၤ ပိာ်ခွါတဖၣ်ဒီး သးနံၣ်(၁၈)နံၣ်တုၤ (၂၇)နံၣ်အတီၫ်ပူၤ ပိာ်မုၣ်တဖၣ် ခီဖျိလၢ တၫ်ဘၣ်ကဲသုး အစှၤကတၢၫ် ယံာ်(၂)နံၣ်, သုးကီၣ်ကး အတၫ်ဘၣ်ကဲသုးတၫ်ဘျၢအဃိန့ၣ်လီၤ. တၫ်မ့ၫ်ဂ့ၫ်လိာ်န့ၣ် တၫ်ကဘၣ်လီၤဃိၣ် တုၤလၢ(၅)နံၣ်ညါန့ၣ်လီၤ. ကီၫ်ပယီၤသုးပဒိၣ်န့ၣ် စးထီၣ်ဖဲလါအ့ဖြ့ၣ်အပူၤ လၢကိးလါဒဲးန့ၣ် ကစးထီၣ်ဃုထၢ၀ဲ ပိာ်ခွါ (၅,၀၀၀)ဂၤ လၢကဘၣ်ကဲသုးအဂီၫ်အဂ့ၫ် ဘိးဘၣ်ပာ်ဖျါ၀ဲလီၤ. လၢတနံၣ်အံၤအပူၤ ပညိၣ်လီၤဃာ်၀ဲ ပိာ်ခွါ (၅၀,၀၀၀)ဂၤ လၢကဘၣ်ကဲသုးန့ၣ်လီၤ. ၦၤကီၫ်ပယီၤဖိတဂၤတခီ, တၫ်ဘၣ်ကဲသုးတၫ်ဘျၢလၢ တဖိးသဲစး၀ဲအံၤ ထီဒါ၀ဲအဂ့ၫ်ဒီး ဘၣ်ယိၣ်၀ဲဒၣ်လၢကၠီၣ်တဲၣ်ပဒိၣ်တဖၣ် ကက့ၤဆှၢကဒါက့ၤ သးစၫ်တဖၣ်အံၤအဂ့ၫ် တဲ၀ဲလီၤ.
တၫ်ဂီၤ-သုးကီၣ်ကးပာ်လီၤ ကမျၢၫ်တၫ်ကဘၣ်ကဲသုးတၫ်ဘျၢ၀ံၤအလီၫ်ခံ ကီၫ်ပယီၤပှၤသးစၫ်တဖၣ် တၫ်ဖီၣ်န့ၫ်အီၤဖဲ ကၠီၣ်တဲၣ်-ပယီၤကီၫ်ဆၢ
