ခ့ၣ်အဲၣ်ယူၣ်-သထူၣ်ကီၫ်ဆၣ်အပူၤ သုးကီၣ်ကးအသုးကျိၤလၢဟဲထီၣ်တဖၣ် သူကမျၢၫ်တဖၣ်ဒ် ၦၤကညီတၫ်ဒီသဒၢ(လူသားဒိုင်း)အသိး

ဖဲလါဖ့ၤဘြူၤအါရံၤ (၁၁)သီအနံၤ သုးကီၣ်ကးအသုးကျိၤ လၢအိၣ်ဟဲထီၣ်ဖဲ ခ့ၣ်အဲၣ်ယူၣ်-သထူၣ်ကီၫ်ဆၣ် တၫ်ပၢဟီၣ်က၀ီၤအပူၤတဖၣ် လၢအမ့ၫ် သုးကီၣ်ကးအသုး စကခ(၈) အစုတီၤဖီလာ် (ခမရ-၄၀၉)သုးရ့ၣ်, အသုးဖိတဖၣ် ဖဲမုၫ်နံၤအ၀ဲန့ၣ် မုၫ်ထူၣ်(၁၂)နၣ်ရံၣ်န့ၣ် စးထီၣ်ဟးထီၣ်လၢ ၀ံၣ်ယီၣ်သုးကလၢၤ(ဝီယော်စခန်း)ဒီး ဖဲနုာ်လီၤလၢ ထိဘိၣ်ကၠံသ၀ီ(ထုံးဘိုကြီးကျေးရွာ)ပူၤအကတီၫ် ဖီၣ်၀ဲလီၫ်က၀ီၤကမျၢၫ်(၃)ဂၤဒီး သူ၀ဲဒ်ၦၤကညီတၫ်ဒီသဒၢ(လူသားဒိုင်း)အသိးအဂ့ၫ် ခ့ၣ်အဲၣ်ယူၣ်ပာ်ဖျါ၀ဲန့ၣ်လီၤ.