ဘၣ်ထွဲကီၫ်ပယီၤ ကၠီၣ်တဲၣ်မီၫ်သီ၀ဲၤဒၢး(ထိုင်းသံရုံး) ၦၤပတံထီၣ် ဘံၣ်စၣ်(ဗီဇာ) အနီၫ်ဂံၫ်နီၫ်ဒွးအါထီၣ်၀ဲအဃိ တသီန့ၣ် ၦၤလၢပတံထီၣ်တၫ် တၫ်ကတူၫ်လိာ်အီၤထဲဒၣ်အဂၤ(၄၀၀)ယၤဂၤ တၫ်သိၣ်တၫ်သီတၫ်ဘျၢ အသီတခါ ဖဲလါဖ့ၤဘြူၤအါရံၣ်(၁၄)သီအနံၤန့ၣ် ဘိးဘၣ်ပာ်ဖျါ၀ဲလီၤ.
ကၠီၣ်တဲၣ်မီၫ်သီ၀ဲၤဒၢးတကပၤ တသီအတီၫ်ပူၤ ကတူၫ်လိာ်၀ဲ ၦၤပတံထီၣ် ဘံၣ်စၣ်(ဗီဇာ) ထဲအဂၤ(၄၀၀)ဂၤလီၤ၀ံၤ တၫ်ကမၤ၀ဲလၢတၫ်ဆီရဲၣ်လီၤသးသနူ(တန်းစီစနစ်)ဒီး နီၫ်ဂံၫ်ပနီၣ်(ဘိုကင်နံပါတ်)တဖၣ် လၢတချူးတၫ်အိးထီၣ်၀ဲၤဒၢး(ရုံး)ဒံးဘၣ် တၫ်ကဘၣ်တီၣ်ထီၣ် ချူးဆၢချူးကတီၫ်, ၦၤဘၣ်မူဘၣ်ဒါတဖၣ် ကသမံသမိး လံာ်ခီကီၫ်(ပတ်စပို့စ်) လီၤတံၫ်လီၤဆဲး၀ံၤ မ့မ့ၫ်လံန့ၣ်ဒီး နီၫ်ကစၫ်ကဘၣ်ဟံးန့ၣ် နီၫ်ဂံၫ်ပနီၣ်(ဘိုကင်)၀ံၤ ကဘၣ်ဆဲးလီၤစုမုၫ်ကျၢၫ်အဂ့ၫ် တဲ၀ဲန့ၣ်လီၤ.
ဘံၣ်စၣ်လံာ်ပတံထီၣ်(ဗီဇာလျှောက်လွှာ)န့ၣ် ဖဲ၀ဲၤဒၢးအိးထီၣ်အကတီၫ် ဂီၤ(၉)နၣ်ရံၣ်န့ၣ် တၫ်ကစးထီၣ်တူၫ်လိာ်၀ဲ၀ံၤ တချူးတၫ်တီၣ်ထီၣ်လံာ်ပတံထီၣ်(လျှောက်လွှာ)ဒံးဘၣ်န့ၣ် ၦၤလၢကတီၣ်ထီၣ်လံာ်ပတံထီၣ်ဒီး ၦၤလၢဟ့ၣ်ဃာ်နီၫ်ဂံၫ်ပနီၣ်စရီ(ဘိုကင်စာရင်း)တဖၣ် အ၀ဲသ့ၣ်အလံာ်ခီကီၫ်(ပတ်စပို့စ်) ဘၣ်လိာ်ဖိးဒ့လိာ်အသးအိၣ်တအိၣ် တၫ်သမံသမိးမ့ၫ်၀ံၤမးဒီး တၫ်ကတူၫ်လိာ်၀ဲ ဘံၣ်စၣ်လံာ်ပတံထီၣ်အဂ့ၫ်တဲ၀ဲန့ၣ်လီၤ.
နီၫ်ဂံၫ်ပနီၣ်(တိုကင်နံပါတ်)တခါန့ၣ် မ့ၫ်ဒၣ်ထဲနီၫ်တဂၤအဂီၫ်၀ံၤ တၫ်မၤကဘျံးကဘျၣ် နီၫ်ဂံၫ်ပနီၫ်(တိုကင်နံပါတ်) မ့တမ့ၫ် တၫ်မၤအယီၤအဘျၣ်(အတု)တဖၣ် တၫ်မ့ၫ်ထံၣ်န့ၣ် တၫ်ကကးတံာ်ကွံာ် ဘံၣ်စၣ်လံာ်ပတံထီၣ်(ဗီဇာလျှောက်လွှာ)၀ံၤ တၫ်ကဖၢနုာ်အီၤလၢ ၦၤမံၤဟးဂီၤစရီ(အမည်ပျက်စာရင်း)ပူၤအဂ့ၫ် တဲ၀ဲန့ၣ်လီၤ.
လၢတၫ်ပတံထီၣ်ဘံၣ်စၣ်အလီၫ်(ဗီဇာကောင်တာ) လံာ်ပတံထီၣ်တၫ်တီၣ်ထီၣ်အီၤမ့ၫ်၀ံၤ နီၫ်ဂံၫ်ပနီၫ်စရီ(ဘိုကင်စာရင်း) တၫ်ကဘၣ်က့ၤဟ့ၣ်အီၤဆူ ၦၤဘၣ်မူဘၣ်ဒါတဖၣ်အိၣ်၀ံၤ တၫ်ဂ့ၫ်တၫ်ကျိၤလၢတၫ်လိာ်ဘၣ်တဖၣ် မ့ၫ်တလၢၦဲၤဘၣ်န့ၣ် တမ့ၫ်ကတူၫ်လိာ်၀ဲဘၣ်အဂ့ၫ် တဲဃာ်၀ဲန့ၣ်လီၤ.
ref:FFM
