ကီၫ်ပယီၤပူၤ တၫ်သဘံၣ်သဘုၣ်တဖၣ်အဃိ ၦၤဘၣ်ကီဘၣ်ခဲလၢဟဲဃ့ၫ်ထီၣ်တဖၣ် ဂ့ၫ်ဂီၫ်အူ ဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤ(လူသားချင်းစာနာမှု အကူအညီ) တၫ်ဟ့ၣ်အီၤကန့ၫ်အဂီၫ်ဒီး ကီၫ်ပယီၤကက့ၤဃီၤဆူ ဒံၣ်မိၣ်ကရ့ၣ်စံၣ်( ဒီမိုကရေစီ)အကျဲအဂီၫ် တၫ်ဂ့ၫ်တဖၣ်န့ၣ် ကၠီၣ်တဲၣ်ထံဂုၤကီၫ်ဂၤကိတိာ်(နိုင်ငံခြားရေးဝန်ကြီး) လၢမ့ၫ်စ့ၫ်ကီးကိတိာ်ခိၣ်ကျၢၫ်ခံ လၢအမ့ၫ် (Parnpree Bahiddha-Nukara) လၢဟဲတုၤဖဲ၀့ၫ်ခိၣ်၀ၣ်ၡ့ၣ်ထၢၣ်( ဝါရှင်တန်မြို့) ဒီး အမဲရကၤထံဂုၤကီၫ်ဂၤကိတိာ်(နိုင်ငံခြားရေးဝန်ကြီး) Antony Blinkenတဖၣ် တၢၣ်ပီၣ်တဲသကိး၀ဲလီၤ.
ဟီၣ်က၀ီၤပူၤဒီး ဟီၣ်ခိၣ်ဂ့ၫ်၀ီ(ကမ္ဘာ့အရေး) တၫ်ဂ့ၫ်တဖၣ်တကးဘၣ် ကီၫ်ပယီၤထံကီၫ်တၫ်အိၣ်သးလၢ ဟဲအၢထီၣ် တၫ်ကဘှါဆှဲအီၤအဂီၫ် ဘၣ်ထွဲကၠီၣ်တဲၣ်(ထိုင်း)ဒီး အၣ်စံၣ်ယၣ်ထံကီၫ်( အာဆီယံနိုင်ငံ)တဖၣ် အတၫ်ဂုၫ်ကျဲးစၢးအဂ့ၫ် တၫ်ထံၣ်လိာ်တၢၣ်ပီၣ်တဲသကိးအီၤလၢ အမဲရကၤထံဂုၤကီၫ်ဂၤ၀ဲၤကျိၤ(နိုင်ငံခြားရေးဝန်ကြီးဌာန)ပူၤအဂ့ၫ်န့ၣ် အမဲရကၤထံဂုၤကီၫ်ဂၤ၀ဲၤကျိၤ ၦၤတဲတၫ်ပၢ ဘိးဘၣ်ပာ်ဖျါ၀ဲလီၤ.
ကီၫ်ပယီၤဂ့ၫ်၀ီ တၫ်ကရၢကရိလၢဘၣ်ထွဲခဲလၢာ်ပာ်ဃုာ် တၫ်ထံၣ်လိာ်တၢၣ်ပီၣ်တဲသကိး ကအိၣ်ထီၣ်အဂီၫ်, ၦၤလၢဘၣ်တၫ်ဖီၣ်ဃာ်အီၤလၢတဖိးသဲစးတဖၣ် ကပူၤဖျဲးထီၣ်ဘၣ်အဂီၫ်, တၫ်မၤအၢမၤသီတဖၣ်ကကတၢၫ်ကွံာ်အဂီၫ် တၫ်ဂ့ၫ်တဖၣ်စ့ၫ်ကီး လၢတၫ်တၢၣ်ပီၣ်တဲသကိးအပူၤ ပာ်ဃုာ်၀ဲအဂ့ၫ် တၫ်ဘိးဘၣ်ပာ်ဖျါအပူၤ ပာ်ဖျါ၀ဲလီၤ. ကီၫ်ကၠီၣ်တဲၣ်ထံဂုၤကီၫ်ဂၤကိတိာ်(နိုင်ငံခြားရေးဝန်ကြီး) Parnpree Bahiddha-Nukara န့ၣ် လၢတချူးဟဲဆူ အမဲရကၤကီၫ်စၢဖှိၣ်ဒံးဘၣ်အကတီၫ် အပူၤကွံာ်နွံတဖၣ်အပူၤန့ၣ် ဟဲဆူကၠီၣ်တဲၣ်ကီၫ်ဆၢ(ထိုင်းနယ်စပ်) ၀့ၫ်မဲဆီး၀ံၤ ဟဲသမံသမိး၀ဲ ဘၣ်ထွဲတၫ်ကဟ့ၣ် ၦၤကီၫ်ပယီၤဘၣ်ကီဘၣ်ခဲဖိတဖၣ် ဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤ(လူသားချင်းစာနာမှု အကူအညီ)တဖၣ်အဂီၫ်ဒံးန့ၣ်လီၤ. ၦၤကီၫ်ပယီၤဘၣ်ကီဘၣ်ခဲဖိတဖၣ်အဂီၫ် တၫ်ဟ့ၣ် ဟီၣ်ခိၣ်ဖိတၫ်ဒိသူၣ်ဒိသးတၫ်မၤစၢၤ တၫ်ဖံးတၫ်မၤတဖၣ် လၢတလါအံၤအပူၤ ထံကီၫ်ခံဘ့ၣ် ကစးထီၣ်ပာ်ဖှိၣ်မၤ၀ဲအဂ့ၫ်စ့ၫ်ကီး တဲဃာ်၀ဲန့ၣ်လီၤ.
ref:voa
