လါဖ့ၤဘြူၤအါရံၤ(၁၀)သီအနံၤ, ဟါ(၁)နၣ်ရံၣ်(၄၀)မံးနံးအဆၢကတီၫ် သုးကီၣ်ကးအကဘီယူၤ ဟဲခးလီၤတၫ်လၢကလံၤကျါဖဲ ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ, ဒူသထူၣ်ကီၫ်ရ့ၣ်, ဘံလ့ကီၫ်ဆၣ်, ၀့တၣ်ပၣ်(ဝင်းတာပန်)သ၀ီပူၤအဃိ ကမျၢၫ်အိၣ်ဟံၣ်(၉)ဖျၢၣ် ဟးဂီၤကွံာ်၀ဲအဂ့ၫ် ခ့ၣ်အဲၣ်ယူၣ်ပာ်ဖျါဃာ်၀ဲန့ၣ်လီၤ.
၀့တၣ်ပၣ်သ၀ီပူၤ ဟံၣ်လၢဟးဂီၤကွံာ်တဖၣ်မ့ၫ်၀ဲ စီၤမီၣ်ထူ(စောမော်ထူး), နီၣ်မူး(နော်မု), ယါဒါ(ယားဒါး), စီၤဖါနီးက့(စောဖားနော့ကေး), စီၤဘူးဒိး(စောဘူ့ဒို့), စီၤမီၣ်ငါ(စောမောင်ငှား), တံဖီမၠဲၣ်(တီးဖောမြိုင်), ဖီ၀ါ၀ါ(ဖောဝါးဝါး) ဒီး စီၤဆးမူ(စောဆမူး)တဖၣ်န့ၣ်လီၤ.
သုးဟံးန့ၫ်ဆူၣ် ထံကီၫ်တၫ်စိတၫ်ကမီၤသုးကီၣ်ကး အဟဲခးလီၤတၫ်လၢကလံၤကျါဖဲ ၀့တၣ်ပၣ်သ၀ီပူၤအံၤ မ့ၫ်(၅)ဘျီတဘျီဒီး လၢသုးကီၣ်ကးဟဲခးလီၤတၫ်လၢကလံၤကျါအဃိ လီၫ်က၀ီၤကမျၢၫ်တဖၣ် ဘၣ်အိၣ်၀ဲဒၣ် လၢတၫ်ဘၣ်ယိၣ်ဘၣ်ဘှီ တၫ်ပျံၤတၫ်ဖုးအပူၤလီၤအဂ့ၫ် ခ့ၣ်အဲၣ်ယူၣ်-ဘံလ့ကီၫ်ဆၣ် တၫ်ကစီၣ်မူဒါခိၣ် တဲ၀ဲန့ၣ်လီၤ.
photo:KNU
