ရခၢၣ်ကီၫ်စဲၣ်ဟီၣ်က၀ီၤအပူၤ တၫ်ဒုးလၢကဲထီၣ်တဖၣ် လၢကတီၫ်အံၤ ဆူၣ်ထီၣ်၀ဲလီၤ. ရခၢၣ်သုးမုၫ်ဒိၣ် အတၫ်ထီၣ်သုးတဖၣ်အပူၤ သုးကီၣ်ကးတကပၤ လၢခိ, ကလံၤ, ထံသုးတဖၣ် ပာ်ဖှိၣ်တြီဆၢ၀ဲဘၣ်ဆၣ် သုးကီၣ်ကး အတၫ်အိၣ်ခိးလီၤတြီဆၢခဲလၢာ် ဘၣ်တၫ်ဒုးဖျိးကွံာ်၀ံၤ မ့ပၠါ(မင်းပြား), ကၠီးတီၣ်(ကျောက်တော်), မၠီးအူ၀့ၫ်(မြောက်ဦးမြို့)အပူၤ သုးကီၣ်ကး အသုးတြိၤ၀ဲၤလီၫ်ခိၣ်သ့ၣ်(တပ်မဌာနချုပ်), ဒုးယၤ၀ဲၤလီၫ်ခိၣ်သ့ၣ်(စကခဌာနချုပ်), သုးရ့ၣ်၀ဲၤလီၫ်ခိၣ်သ့ၣ်(တပ်ရင်းဌာနချုပ်), ပၢၤကီၫ်သုးရ့ၣ်သုးကလၢၤတဖၣ်(ရဲတပ်ရင်းစခန်းများ), ပၢၤကီၫ်သုးကလၢၤ(ရဲစခန်း) တအိၣ်တ့ၫ်နီတဖျၢၣ် ထီၣ်ဒုးမၤန့ၫ်ဃာ်၀ဲ ခဲလၢာ်လံန့ၣ်လီၤ. သုးကီၣ်ကးတကပၤ အသုးကလၢၤတဖၣ် ဘၣ်လီၤကွံာ်၀ံၤအလီၫ်ခံ အတၫ်ဂုၫ်ကျဲးစၢးလၢ ကထီၣ်ဒုးမၤန့ၫ်ကဒါက့ၤ၀ဲဘၣ်ဆၣ် မၤ၀ဲတန့ၫ်လၢၤဘၣ်.
ရခၢၣ်သုးမုၫ်ဒိၣ်မၤဟးဂီၤ သုးကီၣ်ကးအသုးကဘီ(၂)ခိၣ်ဒီးစဲး(ဇက်)ကဘီ(၁)ခိၣ်ထံကျါတၫ်ဒုးတၫ်ကစီၣ်တၫ်ပာ်ဖျါ
