လါဒံၣ်စ့ဘၢၣ်(၁၉)သီ,၂၀၂၅နံၣ်
သုးခီၣ်မံးရှၢၣ်တဲ၀ဲလၢတၫ်မၤတံာ်တာ်မၤဟးဂီၤတၫ်ဃုထၢဒီးဖိသၣ်လၢသးနံၣ်တပှဲၤပာ်ဃုာ် ကမျၢၫ်(၂၀၀)ဂၤဘျဲၣ် ဖီၣ်၀ဲဒ်တၫ်ဃုထၢတၫ်ဘျၢအသိးအဂ့ၫ် ထံလီၫ်ကီၫ်ပူၤကိတိာ် ထိထိနီၣ်တဲ၀ဲလီၤ.
ဖဲလါဒံၣ်စ့ဘၢၣ်(၁၆)သီနံၤ လၢန့ၣ်ပၠံၣ်တီၣ်တၫ်မၤ၀ဲတၫ်ဃုထၢတၫ်ဘံၣ်တၫ်ဘၢလီၫ်ခၢၣ်သးကမံးတံာ်တၫ်အိၣ်ဖှိၣ်အပူၤ တဲလီၤ၀ဲဒ်န့ၣ်လီၤ.
တၫ်ဃုထၢအဂီၫ် တၫ်ဘံၣ်တၫ်ဘၢကမံးတံာ်လၢကရၢကရိဒုးအိၣ်ထီၣ်၀ဲတကပၤ တုၤအပူၤကွံာ်လါဒံၣ်စ့ဘၢၣ်(၁၅)သီ နံၤ တၫ်ဃုထၢတၫ်ဘျၢအဖီခိၣ်တၫ်ဟံးန့ၫ်ဂ့ၫ်၀ီ (၁၄၀)ခါအပူၤ ဟံးန့ၫ်၀ဲဂ့ၫ်၀ီဒီးဖီၣ်ဃာ်ကမျၢၫ်အိၣ်၀ဲ(၂၂၉)ဂၤအဂ့ၫ် ထံလီၫ်ကီၫ်ပူၤကိတိာ်တဲ၀ဲလီၤ.
တကးဘၣ် တၫ်မၤတၢထီၣ်တၢလီၤလၢကမၤဘၣ်ဒိတၫ်ဃုထၢတၫ်ဘံၣ်တၫ်ဘၢ,ပှၤလၢရၤလီၤသနူတဖၣ် ကဃုထံၣ်သ့ၣ်ညါဟံးန့ၫ်ဂ့ၫ်၀ီအဂ့ၫ်အဂီၫ်စ့ၫ်ကီး နဲၣ်လီၤဃာ်၀ဲအဂ့ၫ်တဲ၀ဲလီၤ.
ပှၤလၢသုးခီၣ်မံးရှၢၣ်ဟံးန့ၫ်ဃာ်ဂ့ၫ်၀ီတဖၣ်န့ၣ် ပိာ်ခွါ(၂၀၁)ဂၤဒီးပိာ်မုၣ်(၂၈)ဂၤဒီးဖိသၣ်လၢသးနံၣ်တပှဲၤတဖၣ်စ့ၫ်ကီး ပာ်ဃုာ်၀ဲအဂ့ၫ် တၫ်ပာ်ဖျါအဖီခိၣ်တၫ်သ့ၣ်ညါဘၣ်လီၤ.
သုးခီၣ်မံးရှၢၣ်န့ၣ် တနံၣ်အံၤဘူးကလၢၤ တဲ၀ဲလၢကဒီသဒၢန့ၫ်တၫ်လၢတၫ်ဃုထၢအဂီၫ်အဃိ ပှၤလၢမၤတံာ်တာ်တၫ်ဃု ထၢန့ၣ် အစှၤကတၢၫ်ဒုးလီၤ၀ဲဃိၣ်(၃)နံၣ်တုၤ တစိၤသးဒီးတၫ်စံၣ်ညီၣ်သံသ့၀ဲတၫ်ဘျၢတတီၤန့ၣ် ကွဲးလီၤဃာ်၀ဲ ဖဲလါ ယူၤလံ(၂၉)သီအနံၤန့ၣ်လီၤ.
တၫ်ဃုထၢတၫ်ဘျၢအဖီခိၣ် ပီညါစၫ်(၅)ဂၤလၢတၫ်ဖီၣ်ဃာ်၀ဲစ့ၫ်ကီး ဒုးလီၤ၀ဲဃိၣ်(၇)နံၣ်စုာ်စုာ်အဂ့ၫ် သုးခီၣ်မံးရှၢၣ်အမံၣ်ဒံၣ်ယၣ်လၢဘိးဘၣ်ရၤလီၤသနူတဖၣ် ပာ်ဖျါ၀ဲဖဲလါနိၣ်၀့ဘၢၣ်(၃၀)သီအနံၤန့ၣ်လီၤ.
