လါဒံၣ်စ့ဘၢၣ် ၁၇သီ, ၂၀၂၅နံၣ်
တရူးအပတီၢ်ထီစဲအ့ၣ်ပီညါ ဒြိကလုၥ်သီ CH-7အံၤ အဆိကတၢၢ်တဘျီ တၢ်မၤကွၢ်၀ဲအပူၤ လဲၤအသးဘၣ်ဂ့ၢ်ဘၣ်၀ီဒီး ယူၢ်ထီၣ်၀ဲဂ့ၤဂ့ၤဘၣ်ဘၣ်န့ၣ်လီၤ.
China Academy of Aerospace Aerodynamics ၂၀၁၈နံၣ်, ၁၂၀ီတ၀ီ တရူးကလံၤကျိၤစဲအ့ၣ်ပီညါ တၢ်ပၥ်ဖျါအမူးအပူၤ တၢ်ဒုးသ့ၣ်ညါ CH-7အံၤန့ၣ် အဆိကတၢၢ်တဘျီ တၢ်မၤကွၢ်အီၤဖဲ ထံကီၢ်မုၢ်နုၥ်ကလံၤစိးဟီၣ်က၀ီၤပူၤဒီး ယူၢ်ထီၣ်၀ဲန့ၣ်လီၤ.
CH-7အံၤ ယူၢ်ထီၣ်န့ၢ်၀ဲလၢ ဟီၣ်ခိၣ်မဲၥ်ဖံးခိၣ်အဖီခိၣ် ထီထီဒီးချ့ချ့အသိး ဒုးယၤရဲၣ်ကျဲၤတၢ်ဆၢကတီၢ်ယံၤယံၤထီထီစ့ၢ်ကီး ဟံးစုနဲၣ်ကျဲၤ၀ဲန့ၢ်အဂ့ၢ် စံး၀ဲန့ၣ်လီၤ. ၀ံၤအလီၢ်ခံ ပၣ်ဃုၥ်၀ဲစ့ၢ်ကီး ဟးဆှဲးတရံးသ့ ရ့ၣ်ဒၣ်ဒီး ပ့ၣ်ဆှါတၢ်ခူသူၣ်(stealth)စဲအ့ၣ်ပီညါအဂ့ၢ် စံး၀ဲန့ၣ်လီၤ.
တရူးမံၣ်ဒံၣ်ယၣ်အတၢ်ပၥ်ဖျါအဖီခိၣ် ရ့ၣ်ဒၣ်အါတက့ၢ်န့ၣ် မၤကွၢ်၀ဲ CH-7တန့ၢ်ဘၣ်အဂ့ၢ် တၢ်သ့ၣ်ညါဘၣ်န့ၣ်လီၤ. CH-7အဆိကတၢၢ်တဘျီ တၢ်မၤကွၢ်ယူၢ်ထီၣ်၀ဲအပူၤ ဒြိကဘီယူၤအံၤ ယူၢ်ထီၣ်န့ၢ်၀ဲလၢ အထီ ၁၆မံၣ်ထၢၣ်၀ံၤ ယူၢ်ထီၣ်န့ၢ်၀ဲယံၤတုၤလၢ ၁၆နၣ်ရံၣ်တၢ်ဆၢကတီၢ်ပူၤအဂ့ၢ် တၢ်သ့ၣ်ညါဘၣ်န့ၣ်လီၤ.
ဒြိအံၤ ပၣ်ဃုၥ်၀ဲစ့ၢ်ကီး ဃုန့ၢ်တၢ်ခးပနီၣ်, အလွဲၢ်စူးကါ ပ့ၢ်ဆှါခဲမရၣ်တဖၣ်ပၣ်ဃုၥ် ချူးစိၤသုးဂ့ၢ်၀ီဒီး တၢ်ထီထီၣ်ဃၥ်၀ဲ ပ့ၢ်ဆှၢတၢ်ပီးတၢ်လီတဖၣ်န့ၣ်လီၤ.
CH-7အံၤ စးထီၣ်လၢတၢ်ဒုးသ့ၣ်ညါအီၤအဆၢကတီၢ်လံၤလံၤ တၢ်မၤဂ့ၤထီၣ်၀ဲ ပတီၢ်ထီစဲအ့ၣ်ပီညါတဖၣ်ဒီး ကတီၢ်ခဲအံၤန့ၣ် တုၤဃီၤ၀ဲဒၣ်လၢ ယူၢ်ထီၣ်၀ဲန့ၢ်အပတီၢ်လံန့ၣ်လီၤ.
အဆိကတၢၢ်တဘျီ ယူၢ်ထီၣ်၀ဲန့ၣ် ဒိးန့ၢ်၀ဲ တၢ်သူၣ်မံသးမံတၢ်အိၣ်သး၀ံၤအလီၢ်ခံ ခါလၢကဟဲတၢ်မၤကွၢ်အဆၢကတီၢ် တၢ်ကမၤကွၢ်၀ဲ ဒြိအံၤပတီၢ်ထီ အကံၢ်အစီတဖၣ်အဂီၢ် အိၣ်ဒီးတပတီၢ်ဘၣ်တပတီၢ်လၢ ကမၤကွၢ်၀ဲန့ၣ်လီၤ.
China Academy of Aerospace Aerodynamicsလၢ အိၣ်သူၣ်လီၤအသးလၢ ဘ့ၣ်ကၠ့အံၤ ဒုးအိၣ်ထီၣ်၀ဲ အဆိကတၢၢ်တဘျီ CHဒြိတဖၣ်ဖဲ ၁၉၉၉နံၣ်၀ံၤအလီၢ်ခံ ထုးထီၣ်ဆါလီၤ၀ဲ သုးဂ့ၢ်၀ီဒြိအကလုၥ်ကလုၥ်န့ၣ်လီၤ.
CH-7အံၤတခီ တၢ်ထၢနုၥ်ဃၥ်၀ဲစ့ၢ်ကီး ၅ဘျီတဘျီ ပတီၢ်ထီကဘီယူၤဒုးသုး စဲအ့ၣ်ပီညါတဖၣ်၀ံၤ ဟဲကဲထီၣ်၀ဲ တရူးအလီၢ်ခံကတၢၢ် စဲအ့ၣ်ပီညါဒီး ဒြိတဖၣ်အဂ့ၢ် တၢ်သ့ၣ်ညါဘၣ်န့ၣ်လီၤ.
