လါဒံၣ်စ့ဘၢၣ်(၁၆)သီ,၂၀၂၅နံၣ်
ကၠီၣ်တဲၣ်-ခၣ်ဘီဒံယါကီၫ်ဆၢဒီတကျိၤ တၫ်ဒုးကဲထီၣ်ကဒါက့ၤဒီးဖဲလါဒံၣ်စ့ဘၢၣ်(၁၃)သီနံၤ,ဟါ(၉)နၣ်ရံၣ်ဃၣ်ဃၣ်န့ၣ် ကီၫ်ရ့ၣ်တရး သုး၀ဲၤလီၫ်ခိၣ်သ့ၣ် တၫ်ဒုးခး၀ဲလၢ M79တဖၣ်၀ံၤအလီၫ်ခံ ကီၫ်ရ့ၣ်၀ဲန့ၣ်အပူၤ ကီၫ်ဆၣ်(၅)ခါ တၫ်ဘိးဘၣ် ရၤလီၤ၀ဲသုးတၫ်ပၢတၫ်ပြးအဂ့ၫ် ကၠီၣ်တဲၣ်တၫ်ကစီၣ်တဖၣ်အပူၤ ပာ်ဖျါ၀ဲလီၤ.
ကၠီၣ်တဲၣ်ပဒိၣ်န့ၣ် ခၠါသဘူၣ်ရံၤဒီးတရးကီၫ်ဆၢပၢၤကီၫ်ကရၢ(CBPP)တဖၣ် ကီၫ်ရ့ၣ်တရးအပူၤ ကၠိၣ်ယဲၣ်,ဘိၣ်ရဲၣ်,လၣ် ငိး,ခီၣ်ဆၣ်မ့ဒီးကီၫ်ဆၣ်မိၣ်ထရးတဖၣ် ဂ့ၫ်ဂီၫ်အူတၫ်အိၣ်သး(မုၫ်နၤတဘၣ်ဟးထီၣ်) တၫ်ဘိးဘၣ်ရၤလီၤဃာ်၀ဲဒီးထံဖိ ကီၫ်ဖိကမျၢၫ်တဖၣ် ဟါ(၇)နၣ်ရံၣ် တုၤ ဂီၤ(၅)နၣ်ရံၣ် သုတဟးထီၣ်လၢဟံၣ်ချၢတဂ့ၤအဂီၫ်ဒီးဂ့ၫ်ဂီၫ်အူတၫ်ဂ့ၫ်အရ့မ့ၫ် ဒိၣ်န့ၣ် ကဟံးန့ၫ်ဘၣ်တၫ်ပျဲလၢသုး,ပၢၤကီၫ်ဘၣ်မူဘၣ်ဒါတဖၣ်,ဒူသ၀ီခိၣ်နၫ်တဖၣ် မ့တမ့ၫ် ဟီၣ်က၀ီၤပၢပြးဘၣ်မူဘၣ် ဒါတဖၣ်အိၣ်အဂီၫ် ဘိးဘၣ်ရၤလီၤဃာ်၀ဲလီၤ.
တၫ်လီၫ်လၢတၫ်ဘိးဘၣ်ရၤလီၤသုးတၫ်ပၢတၫ်ပြးအလီၫ်တဖၣ် တၫ်ဘျၢအဖီခိၣ် သဲစးတၫ်ဖံးတၫ်မၤတဖၣ် တၫ်ရဲၣ်ကျဲၤ မၤ၀ဲတကးဘၣ် တၫ်ပၢဆှၢဟီၣ်က၀ီၤတဖၣ်,တၫ်ပၢဆှၢပှၤနီၫ်တဂၤဒီးတၫ်တမံၤမံၤလၢ ကမၤဘၣ်ဒိထံကီၫ်တၫ်ဘံၣ်တၫ် ဘၢမ့ၫ်အိၣ်ထီၣ်န့ၣ် တၣ်ကဃုထံၣ်သ့ၣ်ညါတဖၣ်စ့ၫ်ကီးပာ်ဃုာ်၀ဲအဂ့ၫ်,တၫ်မ့ၫ်တဘိးဘၣ်ရၤလီၤကဒီးတၫ်နီတမံၤဒံး ဘၣ်န့ၣ် သုးတၫ်ပၢတၫ်ပြးအံၤအိၣ်ဒံး၀ဲအဂ့ၫ် တဲဃာ်၀ဲန့ၣ်လီၤ.
