လါဒံၣ်စ့ဘၢၣ်(၂)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ထံဒိၣ်ဒီးဟီၣ်ခိၣ်လာ်တဖၣ်အဃိ တၫ်သံတၫ်ပှၫ်ဒီးပှၤလီၤမၫ်နီၫ်ဂံၫ်အိၣ်ထီၣ်၀ဲ ၅၀၀ဂၤဘျဲၣ်၀ံၤအလီၫ်ခံ ကီၫ်သ့ၣ်ရံးလ့ၣ် ကၣ်အပူၤ တၫ်ဘၣ်ထုးထီၣ်ဘိးဘၣ်ရၤလီၤ၀ဲ မူခိၣ်ကလံၤသီၣ်ဂီၤတၫ်လီၤဘၣ်ယိၣ် ဂ့ၫ်ဂီၫ်အူတၫ်အိၣ်သးန့ၣ်လီၤ.
အ့ရှၢၣ်ကလံၤထံးတကပၤ ကီးထံကီၫ်ဆံးဖိအံၤ မူခိၣ်စူၤဖးဒိၣ်အဃိ ကွၫ်ဆၢၣ်မဲာ်ဘၣ် ထံဒိၣ်ထီၣ်ဒီးဟီၣ်ခိၣ်လာ်တဖၣ် န့ၣ်လီၤ.တၫ်အံၤလၢနံၣ်တဖၣ်အပူၤ ကီၫ်သ့ၣ်ရံးလ့ၣ်ကၣ်ကွၫ်ဆၢၣ်မဲာ်ဘၣ် န့ဆၢၣ်တၫ်မၤဘၣ်ဒိလၢအအၢကတၢၫ်န့ၣ် လီၤ.
တုၤလါနိၣ်၀့ဘၢၣ်(၃၀)သီ,ဟါခီ တၫ်အိၣ်သးအဖီခိၣ် လၢထံကီၫ်ဒီတဘ့ၣ်အပူၤ ထံဒိၣ်ဒီးဟီၣ်ခိၣ်လာ်အပူၤ ပှၤဘၣ်သံ ၃၃၀ဂၤဘျဲၣ်ဒီးပှၤလီၤမၫ် ၂၀၀ဂၤဘျဲၣ်န့ၣ်လီၤ.အိၣ်ဟးဂီၤ ၂၀၀၀၀ဃၣ်ဃၣ်ဒီးပှၤ(၁)ကလီၫ်ဂၤဘျဲၣ် ဘၣ်သုးလီၫ်သုး ကျဲန့ၣ်လီၤ.
ဆဲၣ်ကလီကလံၤမုၫ် ဒံး၀ါ လၢနုာ်လီၤခီဂာ်၀ဲ ကီၫ်သ့ၣ်ရံးလ့ၣ်ကၣ်ပီၣ်လဲၣ်ပူၤဒီးနုာ်လီၤအူတၫ်လၢကီၫ်အ့ၣ်ဒံယါတကပၤ အသဟီၣ်အဃိ မူခိၣ်ကလံၤသီၣ်ဂီၤတၫ်အိၣ်သးဘၣ်အၢထီၣ်နးထီၣ်၀ဲန့ၣ်လီၤ.
ဖဲနိၣ်၀့ဘၢၣ်(၃၀)သီနံၤထုးထီၣ်ဘိးဘၣ်ရၤလီၤ ဂ့ၫ်ဂီၫ်အူတၫ်အိၣ်သးအကတီၫ် ကီၫ်ခိၣ် အနူၣ်ယၣ် ကၣ်မၣ်ယၣ် ဒံးဆၣ် နၣ်ယၣ်ကံၣ်တခီ သ့ၣ်ရံးလ့ၣ်ကၣ်တၫ်စံၣ်စိၤအပူၤ ကွၫ်ဆၢၣ်မဲာ်ဘၣ်ဒီး န့ဆၢၣ်တၫ်လီၤဘၣ်ယိၣ်တၫ်တၤတၫ် လၢအအၢ ကတၢၫ်တခါအဂ့ၫ် တဲလီၤ၀ဲန့ၣ်လီၤ.
ထံကီၫ်အထံကျိမိၫ်ပှၫ်တဘိလၢအမ့ၫ် ကံၣ်လၣ်နံၣ်အပူၤ ထံထီၣ်တပယူာ်ဃီအဃိ တၫ်ဘၣ်မၤသဒီး၀ဲဂ့ၫ်ဂီၫ်အူတၫ်သုး လီၫ်သုးကျဲတဖၣ်န့ၣ်လီၤ.လၢကီၫ်သ့ၣ်ရံးလ့ၣ်ကၣ်တၫ်ခၢၣ်သးတကပၤ ဟံၣ်(၁၅)ဖျၢၣ် လၢသတူၫ်သကလာ်အပူၤ ဟီၣ်ခိၣ်လာ်ဒီးဟံၣ်လီၤဘျၢကွံာ်၀ဲလၢကပံာ်ကျါလီၤ.တၫ်ကဲထီၣ်သးအံၤအပူၤ ပှၤဘၣ်သံကွံာ်၀ဲခဲလၢာ်န့ၣ်လီၤ.
သ့ၣ်ရံးလ့ၣ်ကၣ်ပဒိၣ်န့ၣ် ဒ်သိးကမၤစၢၤ၀ဲ ပှၤကွၫ်ဆၢၣ်မဲာ်ဘၣ်ထံဒိၣ်တဖၣ်အဂီၫ် ဃ့ဃာ်၀ဲထံဂုၤကီၫ်ဂၤ တၫ်မၤစၢၤ တဖၣ်န့ၣ်လီၤ.
ကီၫ်သ့ၣ်ရံးလ့ၣ်ကၣ်န့ၣ် ကိးမုၫ်နံၣ်ဒဲး ကွၫ်ဆၢၣ်မဲာ်ဘၣ်ထံဒိၣ်တဖၣ်ဘၣ်ဆၣ် တၫ်တဘျီအံၤဒု မ့ၫ်တၫ်ကွၫ်ဆၢၣ်မဲာ်ဘၣ် လၢလီၤလီၤဆီဆီဒီးအၢသီ၀ဲဒိၣ်မးအဂ့ၫ် တဲ၀ဲလီၤ.
ကီၫ်သ့ၣ်ရံးလ့ၣ်ကၣ်အပူၤ ကွၫ်ဆၢၣ်မဲာ်ဘၣ်အအၢကတၢၫ်ထံဒိၣ်န့ၣ် မ့ၫ်၀ဲဖဲ၂၀၀၃နံၣ်,လါယူၤအပူၤဒီးပှၤဘၣ်သံတ့ၫ်၀ဲ ၂၅၄ဂၤန့ၣ်လီၤ.
မုၫ်ထီၣ်ကလံထံးအ့ရှၢၣ်အပူၤစ့ၫ်ကီး အ့ၣ်ဒိၣ်နံရှါ,မလ့ရှါဒီးကီၫ်ကၠီၣ်တဲၣ်တဖၣ်အပူၤ ထံဒိၣ်အဃိ လၢစှၤသီအတီၫ်ပူၤ ပှၤဘၣ်သံ ၃၀၀ဂၤဘျဲၣ်ဒံးန့ၣ်လီၤ.
