လါနိၣ်၀့ဘၢၣ် ၃သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
တၢ်ဃုထၢလၢသုးကီၣ်မံးရှၢၣ်အသုးကရဲၣ်ကျဲၤမၤ၀ဲအံၤအဖီခိၣ် အမဲရကၤပဒိၣ် ကထီဒါ၀ဲအဖိးသဲစးအဂီၢ် ကဆီၣ်တခုထီၣ်၀ဲဒီး တၢ်သုတတူၢ်လိၥ်သုးကီၣ်မံးရှၢၣ်တၢ်ဃုထၢအယီၤအဘျၣ်အဂီၢ် ကဘိးဘၣ်ရၤလီၤ၀ဲအဖိးသဲစးအဂီၢ် ပှၤဟူးဂဲၤကီၢ်ပယီၤဂ့ၢ်၀ီတဖၣ် ကပၥ်ဖျါထီၣ်တၢ်ပၥ်သး ကဆီၣ်တခုထီၣ်၀ဲန့ၣ်လီၤ.
လီၢ်က၀ီၤနီၣ်ထိၣ် လါနိၣ်၀့ဘၢၣ် ၂၂သီအနံၤန့ၣ် အမဲရကၤကီၢ်စၢဖှိၣ်, ၀့ၢ်ခိၣ်၀ၣ်ရှ့ၣ်တၣ်ဒံၣ်စံၣ်, ကီၢ်ခိၣ်ဟံၣ်၀ါအမဲၥ်ညါဒီး တရူးမီၢ်သီ၀ဲၤဒၢးတဖၣ်အမဲၥ်ညါ ပှၤကီၢ်ပယီၤဖိလၢ လဲၤတုၤအိၣ်ဖဲကီၢ်စဲၣ်အဘ့ၣ် ၅၀ပူၤတဖၣ် ကပၥ်ဖှိၣ်ပၥ်ဖျါထီၣ်တၢ်ပၥ်သးအဂ့ၢ် တၢ်သ့ၣ်ညါဘၣ်န့ၣ်လီၤ.
တၢ်ပၥ်ဖျါထီၣ်တၢ်ပၥ်သးမူးတၢ်ရဲၣ်တၢ်ကျဲၤအံၤ ကကဲထီၣ်လိၣ်ထီၣ်အဂီၢ် လီၢ်က၀ီၤနီၣ်ထိၣ် လါနိၣ်၀့ဘၢၣ် ၁သီအနံၤန့ၣ် ပှၤဟူးဂဲၤကီၢ်ပယီၤဂ့ၢ်၀ီဖိတဖၣ်လၢ လဲၤတုၤအိၣ်ဖဲ ကီၢ်စဲၣ် ၅၀ဘ့ၣ်ပူၤတဖၣ် ကိး၀ဲတၢ်အိၣ်ဖှိၣ်ထံၣ်လိၥ်တဲသကိးတၢ်၀ံၤ တၢ်ပၥ်ဖျါထီၣ်တၢ်ပၥ်သးအဂီၢ် တဲသကိး၀ဲဘၣ်ဃး တၢ်လိၣ်သ့ၣ်တဖၣ်န့ၣ်လီၤ.
ကိၣ်ယ့ၣ်အ့လၢအသူၣ်ဆူၣ်သးဂဲၤလၢကီၢ်ပယီၤဂ့ၢ်၀ီတဂၤစံး၀ဲလၢ “ သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ သုးကရူၢ်အံၤန့ၣ် အ၀ဲသ့ၣ်တအိၣ်ဒီးတၢ်ခွဲးတၢ်ယၤလၢ ကမၤ၀ဲတၢ်ဃုထၢအယီၤအဘျၣ်အံၤန့ၣ် အိၣ်ကတီၤအသးလံ, တၢ်တတူၢ်လိၥ်၀ဲ တၢ်ဃုထၢအယီၤအဘျၣ်အံၤဘၣ်အဂ့ၢ် ကီၢ်ခိၣ်ထရၢးကတဲလီၤ၀ဲအဂီၢ် တၢ်ကဃ့ထီၣ်၀ဲလီၤ. သုးခိၣ်နၢ်တဖၣ်ဒီးပှၤလၢအမၤသကိးတၢ်တဖၣ်ခဲလၢၥ်လၢ အမၤကမၣ် ကလုၥ်စၢၤသွဲၣ်အဖီခိၣ် တၢ်မၤကမၣ်ကွီၢ်မ့ၣ်တဖၣ်, သုးကွီၢ်မ့ၣ်အကလုၥ်ကလုၥ်လၢ မၤကမၣ်၀ဲကိးမုၢ်နံၤတဖၣ် တၢ်ကဟံးန့ၢ်ဂ့ၢ်၀ီအဂီၢ် ကဃ့ထီၣ်၀ဲ” အဂ့ၢ် စံး၀ဲန့ၣ်လီၤ.
လါအီးကထိဘၢၣ် ၂၆သီအနံၤတုၤ ၂၈သီအနံၤ, ၄၇၀ီတ၀ီအၣ်စံၣ်ယၣ်ပတီၢ်ထီတၢ်အိၣ်ဖှိၣ်လၢ တၢ်ရဲၣ်ကျဲၤမၤ၀ဲဖဲ ကီၢ်မလ့ရှါ, ကွၣ်လၣ်လၣ်ပူၣ်အံၤအပူၤ အမဲရကၤကီၢ်ခိၣ် ဒီၣ်နၢၤထရၢး ဟဲထီၣ်၀ဲဘၣ်ဆၣ် ဘၣ်ထွဲဒီးကီၢ်ပယီၤဂ့ၢ်၀ီအဖီခိၣ် တၢၣ်ပီၣ်တဲသကိး၀ဲတအိၣ်နီတမံၤဘၣ်န့ၣ်လီၤ.
အၣ်စံၣ်ယၣ်ကရၢဒီတဖုတခီ ဘၣ်ထွဲဒီးသုးကီၣ်မံးရှၢၣ်တၢ်ဃုထၢအဂီၢ် တပျဲလီၤ၀ဲ တၢ်ကအိၣ်ခိးကွၢ်ကရၢတဖၣ်ဘၣ် ဘၣ်ဆၣ်မ့မ့ၢ်လၢထံကီၢ်တဘ့ၣ်စုၥ်စုၥ်တခီကပျဲလီၤ၀ဲအိၣ်တအိၣ်ဘိးဘၣ်ရၤလီၤဃၥ်၀ဲလီၤတံၢ်လီၤဆဲးတအိၣ်ဘၣ်အဂ့ၢ် ဒီကလုၥ်ဃူဖိးပဒိၣ် (NUG) ထံဂုၤကီၢ်ဂၤကိတိၥ်၀ဲၤကျိၤ, ၀ဲၤကျိၤခိၣ်ခံ အူမိစီၣ်အူ စံး၀ဲန့ၣ်လီၤ.
NUG စိၥ်ဃၥ်၀ဲ တၢ်တမၤပျီၢ်မၤဂီၢ်ကျဲသနူ၀ံၤ ထံဂုၤကီၢ်ဂၤ သုတတူၢ်လိၥ် သုးကီၣ်မံးရှၢၣ်တၢ်ဃုထၢအဂီၢ် ကဂုၥ်ကျဲးစၢး၀ဲအဂ့ၢ် စံး၀ဲန့ၣ်လီၤ.
“အဆိကတၢၢ်ဒု လ့ၤတက့ၤတၢ်သုတဟ့ၣ်တၢ်ဖးအဂီၢ် ကဘၣ်မၤ၀ဲလီၤ. ဖဲန့ၣ်တဆီ လ့ၤတက့ၤတၢ်ဟ့ၣ်တၢ်ဖးတန့ၢ်တသ့ဘၣ် တၢ်အိၣ်သးမ့ၢ်အိၣ်ထီၣ်အဂ့ၢ် အ၀ဲသ့ၣ်မ့ၢ်မၤ၀ဲတၢ်သူစုဆူခီၣ်တကးန့ၣ် ကဘၣ်မၤ၀ဲဒ်လဲၣ်အဂ့ၢ် ကဘၣ်ဆိကမိၣ်၀ဲ”န့ၣ်လီၤ.
လါနိၣ်၀့ဘၢၣ် ၂၂သီအနံၤန့ၣ် တမ့ၢ်ထဲဟံၣ်၀ါမဲၥ်ညါဘၣ်ဒီး တရူးမီၢ်သီအမဲၥ်ညါ တၢ်မ့ၢ်ပၥ်ဖျါထီၣ်တၢ်ပၥ်သးတခီ ဟီၣ်ခိၣ်ဒီဖျၢၣ်အမဲၥ်သၣ်အဖီခိၣ် တရူးပဒိၣ် နုၥ်လီၤဂိၢ်စုဂိၢ်ခီၣ်ဖျိဖျိဖျါဖျါလၢ ကီၢ်ပယီၤဂ့ၢ်၀ီအပူၤ ကဖျါထီၣ်အဂီၢ် ပှၤဟူးဂဲၤကီၢ်ပယီၤဂ့ၢ်၀ီတဖၣ် ပညိၣ်ဃၥ်၀ဲလီၤ.
ဒီးကထၢၣ်ထိ၀့ၣ်လၢ အိၣ်ဖဲ ဖံၣ်လၣ်ဒဲဖံယါ၀့ၢ်တခီ” တၢ်ဃုထၢအယီၤအဘျၣ်န့ၣ် မတၤတဂၤမး တတူၢ်လိၥ်၀ဲဘၣ်, တမ့ၢ်လၢကလဲၤသးဘၣ်ဂ့ၤဘၣ်၀ီဘၣ်. တရူးခီၣ်မၠူၣ်နံးပဒိၣ်စ့ၢ်ကီး တၢ်သုတမၤစၢၤ တၢ်ဃုထၢအဂီၢ် ကထီဒါ၀ဲ, ကပၥ်ဖျါထီၣ်တၢ်ပၥ်သး, အ၀ဲသ့ၣ်မ့ၢ်တပတုၥ်ဘၣ်န့ၣ် အ၀ဲသ့ၣ်ကတူၢ်ဘၣ်၀ဲ ကီၢ်ပယီၤထံဖိကီၢ်ဖိကမျၢၢ်တဖၣ် အတၢ်သူၣ်ဟ့သးဟ့လၢ နံၣ်ယံၤလါထၢအဂ့ၢ် တၢ်ဟ့ၣ်ပလီၢ်အဂ့ၢ်” စံး၀ဲန့ၣ်လီၤ.
တၢ်ထီဒါ သုးကီၣ်မံးရှၢၣ်တၢ်ဃုထၢအယီၤအဘျၣ်လၢ ဟီၣ်ခိၣ်ဒီဖျၢၣ်တၢ်ဟူးတၢ်ဂဲၤတဖၣ်အံၤ ပှၤကီၢ်ပယီၤဖိလၢအိၣ်ဖဲ ကီၢ်အမဲရကၤ, ခန့ဒၣ်, အီစတြ့လါ, ယူရပၤထံကီၢ်တဖၣ်ဒီး အ့ရှၢဟီၣ်က၀ီၤထံကီၢ်ပူၤတဖၣ် ရဲၣ်ကျဲၤမၤ၀ဲ၀ံၤ အိၣ်ဒီးတၢ်ကရ့လိၥ် ထံကီၢ်တဘ့ၣ်စုၥ်စုၥ် အဘျီၣ်ဒိၣ်ခၢၣ်စးတဖၣ်ဒီး ပဒိၣ်တဖုစုၥ်စုၥ်လၢ တၢ်ထီဒါ တၢ်ဃုထၢအယီၤအဘျၣ်အံၤအဂီၢ်န့ၣ်လီၤ.
