လါစဲးပထ့ဘၢၣ်(၃၀)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်ဘံၣ်ယဲးနၣ်အပူၤ တဲၣ်ဖိကလံၤမုၫ် ဘူၣ်အၣ်လွဲၣ် နုာ်လီၤအူတၫ်အဃိ ပှၤဘၣ်သံ(၈)ဂၤဒီးလီၤမၫ်၀ဲ(၁၇)ဂၤအဂ့ၫ် တၫ်သ့ၣ်ညါဘၣ်လီၤ.
ဘူၣ်အၣ်လွဲၣ်န့ၣ် အခီၣ်ထံးန့ၣ် လၢကီၫ်ဖံလံးပံးအပူၤစ့ၫ်ကီး ဒုးအိၣ်ထီၣ်တၫ်သံတၫ်ပှၫ်တၫ်ဘၣ်ဒိဘၣ်ထံး၀ံၤအလီၫ်ခံ ဖဲလါစဲးပထ့ဘၢၣ်(၂၉)သီအနံၤန့ၣ် ဟဲနုာ်လီၤဆူကီၫ်ဘံၣ်ယဲးနၣ်တၫ်ခၢၣ်သး လၢမုၫ်ထီၣ် ပီၣ်လဲၣ်နံၤတဆီန့ၣ်လီၤ.လၢကတီၫ်အံၤတခီ ကလံၤမုၫ်န့ၣ် လဲၤတလၢကွံာ် ဘံၣ်ယဲးနၣ်တၫ်ပၢဒီးနုာ်လီၤဆူ ကီၫ်လၣ်အိၣ်တၫ်ပၢအပူၤန့ၣ်လီၤ.
ဘူၣ်အၣ်လွဲၣ်န့ၣ် မ့ၫ်တၫ်ကိၫ်ကလံၤမုၫ်အပတီၫ်ဒီးအဂံၫ်ဆူၣ်ထီၣ်ဒ် တဲၣ်ဖိကလံၤမုၫ်၀ံၤ ခီဂာ်၀ဲ ကီၫ်ဘံၣ်ယဲးနၣ်န့ၣ်လီၤ. ကလံၤမုၫ်အဃိ ကီၫ်ဘံၣ်ယဲးနၣ်အပူၤ တၫ်စူၤဒိၣ်,ကလံၤဟဲအသိး,လၢပီၣ်လဲၣ်နံၤန့ၣ် (၈)မံထၢၣ်ဃၣ်ဃၣ် အထီအိၣ်လပီဖျၢၣ်တဖၣ် ကဲထီၣ်အသးန့ၣ်လီၤ.
ကလံၤမုၫ်အဃိ တၫ်သံတၫ်ပှၫ် အိၣ်ထီၣ်(၈)ဂၤဒီးကွၣ်ထရံၣ်ကီၫ်စဲၣ်ပူၤတခီ ပှၤမၤညၣ်ဖိ(၁၇)ဂၤလီၤမၫ်၀ဲအဂ့ၫ် ပှၤဘၣ်မူဘၣ်ဒါတဖၣ်တဲ၀ဲလီၤ.
တၫ်သံတၫ်ပှၫ်ကဲထီၣ်တၫ်ဂ့ၫ်ခီၣ်ထံးန့ၣ် ခီဖျိလၢ လီၤအုးထံ,တၫ်လီၤပှီၫ်ဘၣ်သံအီၤဒီးသ့ၣ်လီၤတကူာ်သံတဖၣ်န့ၣ်လီၤ.
ဘူၣ်အၣ်လွဲၣ်န့ၣ် ဖဲစးထီၣ်နုာ်လီၤအူ ကီၫ်ဘံၣ်ယဲးနၣ်ပီၣ်လဲၣ်နံၤအကတီၫ် (၁)နၣ်ရံၣ်န့ၣ် အူတၫ်အဂံၫ်အိၣ် ၁၁၇ ကံၣ် လိၣ်မံထၢၣ်ဘၣ်ဆၣ် လၢကတီၫ်အံၤ (၁)နၣ်ရံၣ်န့ၣ် အူတၫ်အဂံၫ်စၫ်လီၤတုၤလၢ ၇၄ ကံၣ်လိၣ်မံထၢၣ်လံန့ၣ်လီၤ.ကလံၤ မုၫ်လဲၤခီဂာ်ကျဲဒီတကျိၤအပူၤ ဟံၣ်ဃီဘၣ်ဟးဂီၤ၀ဲ(၃၀၀)ဖျၢၣ်ဃၣ်ဃၣ်ဘၣ်ဆၣ် တကွၫ်ဆၢၣ်မဲာ်ဘၣ် တၫ်ဘၣ်ဒိဘၣ် ထံးတၫ်ဟးဂုၤဟးဂီၤအၢအၢသီသီဘၣ်.လၢတချုးကလံၤမုၫ်နုာ်လီၤလံၤလံၤန့ၣ် ပှၤလၢအိၣ်လၢတၫ်ဘၣ်ယိၣ်အပူၤ (၃) ကလးဃၣ်ဃၣ် တၫ်သုးန့ၫ်ဆိအလီၫ်အကျဲအသိး ကလံၤကျါတၫ်လဲၤထီၣ်က့ၤလီၤအါတက့ၫ်န့ၣ် ဘၣ်တၫ်သုးဃာ်၀ဲ လီၤ.
ကလံၤမုၫ်အဃိ ဖဲလါစဲးပထ့ဘၢၣ်(၂၈)သီအနံၤ မုၫ်နၤအကတီၫ်န့ၣ် ကီၫ်ဘံၣ်ယဲးနၣ် တၫ်လီၫ်တနီၤအပူၤ တၫ်စူၤလၢ မူခိၣ်ထံအတယၢၫ် အိၣ်၀ဲဒၣ် ၅၀၀ မံၣ်လံၣ်မံၣ်ထၢၣ်ညါန့ၣ်လီၤ.
ဘူၣ်အၣ်လွဲၣ်န့ၣ် လၢအခီၣ်ထံး နုာ်လီၤခီဂာ်အူ၀ဲ ကီၫ်ဖံလံးပံးအဃိ ပှၤဘၣ်သံတစှၤန့ၣ်(၁၀)ဂၤညါအဂ့ၫ် တၫ်သ့ၣ်ညါ ဘၣ်လီၤ.
ဘံၣ်ယဲးနၣ်န့ၣ် ဘျးစဲလိာ်သးဒီး ကလံၤထံးတရူးပီၣ်လဲၣ်နံၤလၢအိၣ်ဖးထီအံၤ ကိးမုၫ်နံၣ် ညီနုၫ်တူၫ်ဘၣ် တဲၣ်ဖိကလံၤ မုၫ်အတၫ်နုာ်လီၤမၤဘၣ်ဒိဘၣ်ထံးန့ၣ်လီၤ.တနံၣ်အံၤ စးထီၣ်လၢလါယနူၤအါရံၤ တုၤ လါအီကူာ်အတီၫ်ပူၤ ဘံၣ်ယဲးနၣ် အပူၤ န့ဆၢၣ်တၫ်မၤဘၣ်ဒိဘၣ်ထံးအဃိ တၫ်သံတၫ်ပှၫ်ဒီးပှၤလီၤမၫ်အနီၫ်ဂံၫ်နီၫ်ဒွးစ့ၫ်ကီး အိၣ်ထီၣ်၀ဲတစှၤန့ၣ် ၁၇၅ဂၤ လံအဂ့ၫ် တၫ်သ့ၣ်ညါဘၣ်လီၤ.
