လါစဲးပထ့ဘၢၣ်(၂၅)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
ကီၫ်ကၠီၣ်တဲၣ်ပူၤ တၫ်စူၤဖးဒိၣ်အဃိ လၢကၠီးဖယါတမၢၣ် တၫ်တြီဃာ်ထံတန့ၫ်လၢၤဘၣ်ဒီး ဖဲလါစဲးပထ့ဘၢၣ်(၂၄)သီအနံၤန့ၣ် တၫ်ဘၣ်ပျၫ်လီၤ၀ဲထံ တစဲးကးအတီၫ်ပူၤ ထံကူးဘးမံထၢၣ် ၂၂၀၀အဃိ ကၠီးဖယါထံကျိ,မဲၣ်နၣ်နွဲၣ်ထံကျိ ထံတဖၣ်န့ၣ် ဒိၣ်ထီၣ်၀ဲ၀ံၤ အယူးဒယးကီၫ်ရ့ၣ်ဒီတဘ့ၣ် ထံလုၫ်ဘၢ၀ဲအၢအၢသီသီန့ၣ်လီၤ.
ဖဲအပူၤကွံာ်ခံသီန့ၣ် ဆံၣ်နၣ်ကီၫ်ရ့ၣ်ပူၤ ပှၤသးပှၫ်(၂)ဂၤ လီၤအုးသံဒီးဖဲမဟါနံၤ လၢဟၣ်၀ံၣ်ယၣ်ကီၫ်ရ့ၣ်ပူၤ ဘၣ်သံက ဒီး(၁)ဂၤအဂ့ၫ် လီၫ်က၀ီၤပှၤဘၣ်မူဘၣ်ဒါတဖၣ် ထုးထီၣ်ပာ်ဖျါ၀ဲအဃိ ပှၤဘၣ်သံ(၃)ဂၤလံန့ၣ်လီၤ.
စူၣ်ပၣ်တဲၣ်ဖိကလံၤမုၫ်န့ၣ် ယၣ်ကၣ်ဆၣ်န့ၣ် တနုာ်လီၤအူ၀ဲ ကီၫ်ကၠီၣ်တဲၣ်လိၤလိၤဘၣ်ဆၣ် မူခိၣ်စူၤဖးဒိၣ်တပယူာ်ဃီ အဃိ ခၠၣ်သၣ်ဘူၣ်ရံၣ်ကီၫ်ရ့ၣ်ပူၤစ့ၫ်ကီး ကစၢၫ်ထံလၢအိၣ်ဟဲလီၤ၀ဲ ဖဲဆူၣ်ရၣ်ဘးကစၢၫ်ခိၣ်တဖၣ်,ဖံၣ်လူၣ်ထံလီၤဆှူ ကရၢဒီတခါတကးဘၣ် ကီၫ်ရ့ၣ်တၫ်လီၫ်အါတက့ၫ်အပူၤ ထံလုၫ်ဘၢတၫ်အၢအၢသီသီအဃိ တၫ်ဘၣ်ကးတံာ်ဃာ် ကၠိဒီးတၫ်မၤတဖၣ်န့ၣ်လီၤ.
ကီၫ်ကၠီၣ်တဲၣ်ပူၤ လၢကတီၫ်အံၤ ကီၫ်ရ့ၣ်(၁၆)ခါ,ကီၫ်ရ့ၣ်၀့ၫ်(၆၃)ခါအပူၤ ထံဒိၣ်ဒီးကီၫ်ရ့ၣ်အဒ့(၃၇၂)ခါ,သ၀ီ(၂၀၇၇) ဖျၢၣ်,ဟံၣ်ဒူၣ်ခဲလၢာ် ၇၄၉၇၂ဒူၣ်,ပှၤနီၫ်ဂံၫ် ၂၅၁၃၈၂ဂၤ တူၫ်ဘၣ်ထံတၫ်မၤဘၣ်ဒိအဂ့ၫ် ကၠီၣ်တဲၣ်တၫ်ဒီသဒၢဒီးတၫ်မၤစှၤ လီၤတၫ်လီၤဘၣ်ယိၣ်၀ဲကျိၤ(DDPM)ထုးထီၣ်ဘိးဘၣ်ရၤလီၤ၀ဲလီၤ.
