ပှၤလၢဘၣ်ပာ်တ့ၫ်တၫ်အိၣ်ဆိးလီၫ်ဒီးဃ့ၫ်ပူၤဖျဲးသးတဖၣ် တၫ်ကမၤစၢၤအီၤအဂီၫ် တၫ်တြီဃာ်တဖၣ် အိၣ်အဖၢဒံးလီၤအဂ့ၫ် UNOCHAထုထီၣ်ဘိးဘၣ်ရၤလီၤ၀ဲ

လါစဲးပထ့ဘၢၣ်(၂၅)သီ,၂၀၂၅နံၣ်, အၣ်ထူခ့ၣ်တၢ်ကစီၣ်

ကီၫ်ပယီၤပူၤ သုးဟံးန့ၫ်ဆူၣ်ထံကီၫ်တၫ်စိတၫ်ကမီၤ၀ံၤအလီၫ်ခံ လၢထံကီၫ်ဒီတဘ့ၣ်အပူၤ စုက၀ဲၤတၫ်သဘံၣ်သဘုၣ်ကဲ ထီၣ်တဖၣ်အဃိ ပှၤနီၫ်ဂံၫ်(၃)ကကွဲၫ်ဘျဲၣ်န့ၣ် ဘၣ်ပာ်တ့ၫ်ဟံၣ်ဃီဃ့ၫ်ပူၤဖျဲးသးဒီးလိၣ်ဘၣ်ပှၤတ၀ၢတၫ်မၤစၢၤတဖၣ် အ ဂ့ၫ် ဘီမုၫ်စၢဖှိၣ်ကရၢဟီၣ်ခိၣ်ဖိတၫ်ဒိသူၣ်ဒိသးတၫ်တၢၣ်ပီၣ်တဲသကိး၀ဲၤဒၢး(UNOCHA)ဘိးဘၣ်ရၤလီၤ၀ဲ ဖဲလါစဲးပထ့ ဘၢၣ်(၂၄)သီအနံၤန့ၣ်လီၤ.

တကးဘၣ် လၢထံကီၫ်ဒီတဘ့ၣ်အပူၤတၫ်ဒုးတဖၣ်အဃိ ကမျၢၫ်တၫ်သံတၫ်ပှၫ်ဘၣ်အိၣ်ထီၣ်၀ဲအသိး ဘၣ်ထွဲတၫ်ဒီသ ဒၢန့ၫ်တၫ်လၢကမျၢၫ်အဂီၫ်တၫ်ဂ့ၫ်တဖၣ်စ့ၫ်ကီး အၢထီၣ်နးထီၣ်ဒီးတၫ်မၤတပျုၫ်တပျီၫ် မၤအၢမၤသီ ထံဖိကီၫ်ဖိကမျၢၫ် အါထီၣ်၀ဲအဂ့ၫ် တဲဃာ်၀ဲလီၤ.

UNOCHAတကပၤ ၂၀၂၅နံၣ် နံၣ်တ၀ာ်အတီၫ်ပူၤ ကီၫ်ပယီၤ ပှၤနီၫ်ဂံၫ်အစှၤကတၢၫ်(၃.၅)ကကွၫ် ဟ့ၣ်မၤစၢၤဂ့ၫ် ဂီၫ်အူတၫ်မၤစၢၤန့ၫ်၀ဲအဂ့ၫ် တၫ်ဘိးဘၣ်ရၤလီၤအပူၤ ပာ်ဖျါဃာ်၀ဲလီၤ.

ဘၣ်ဆၣ်သနာ်က့ UNOCHAတကပၤ  ကွၫ်ဆၢၣ်မဲာ်ဘၣ်ဒီးစ့ပာ်ကီၤတလၢတလီၫ်အဃိ ကဟ့ၣ်၀ဲ ပှၤလီၫ်အိၣ်ကမှံဖိ  တဖၣ် နံၣ်ယံာ်ပှၤတ၀ၢတၫ်မၤစၢၤအဂီၫ် ကီခဲ၀ဲအဂ့ၫ် တဲဃာ်၀ဲလီၤ.

ကီၫ်ပယီၤဘၣ်ထွဲပှၤတ၀ၢတၫ်မၤစၢၤတဖၣ် တၫ်လဲၤဟ့ၣ်မၤစၢၤကန့ၫ်အဂီၫ် တၫ်ကီတၫ်ခဲအိၣ်ဒံးအဖၢမုၫ်ဒီးလီၤဆီဒၣ် တၫ် လၢကီၫ်ပယီၤမုၫ်နုၫ်ကလံၤစိးဒီးမုၫ်ထီၣ်ကလံၤထံးဟီၣ်က၀ီၤတဖၣ်အပူၤ တၫ်ကဟ့ၣ်တၫ်မၤစၢၤအဂီၫ် တၫ်တြီဃာ် တဖၣ်အိၣ်၀ဲအဂ့ၫ် တဲ၀ဲလီၤ.

တၫ်တြီဃာ်တဖၣ်အဃိ ပှၤလၢလိၣ်ဘၣ်ပှၤတ၀ၢတၫ်မၤစၢၤတဖၣ် တၫ်ကလဲၤမၤစၢၤဘၣ်အီၤလၢတၫ်ဘံၣ်တၫ်ဘၢအိၣ် အပူၤအဂီၫ် ကီခဲ၀ဲစ့ၫ်ကီးအဂ့ၫ် UNOCHAတၫ်ဘိးဘၣ်ရၤလီၤအပူၤ ပာ်ဖျါ၀ဲလီၤ.