လါစဲးပထ့ဘၢၣ် ၂၅သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, သုးက့(၆), လ့က့ၣ်ကိၥ်ဟီၣ်က၀ီၤအကပၤတၢ်ဒုးဆူၣ်၀ဲ၀ံၤ ကျိဖးဒိၣ်တဖျၢၣ် လဲၤလီၤတဲၥ်၀ဲဆူ ကီၢ်ကၠီၣ်တဲၣ်တပၤအဂ့ၢ် တၢ်သ့ၣ်ညါဘၣ်လၢ ကီၢ်ဆၢဂံၢ်ခီၣ်ထံးတၢ်ကစီၣ်တဖၣ် အအိၣ်န့ၣ်လီၤ.
ကျိဖးဒိၣ်တဖျၢၣ်လၢ ဟဲလီၤတဲၥ်အံၤ ဖဲလါစဲးပထ့ဘၢၣ် ၂၄သီအနံၤန့ၣ် ဟဲလီၤတဲၥ်၀ဲဒၣ်လၢ ၀့ၢ်မဲးဆီး, မဲၢ်တီၣ်က၀ီၤဒ့အကပၤအိၣ် သ့ၣ်ပှၢ်တ၀ၢပူၤ၀ံၤ ပှၤကညီတၢ်ဘၣ်ဒိဘၣ်ထံးဒီး တၢ်သူၣ်ထီၣ်တၢ်ဟးဂူၥ်ဟးဂီၤတဖၣ်တခီ တအိၣ်ဘၣ်အဂ့ၢ် ကၠီၣ်တဲၣ်ပှၤဘၣ်မူဘၣ်ဒါတဖၣ် ပၥ်ဂၢၢ်ပၥ်ကျၢၢ်ဃၥ်၀ဲန့ၣ်လီၤ.
ခီဖျိတၢ်ဂ့ၢ်ကဲထီၣ်သးအဃိ ကၠီၣ်တဲၣ်ပှၤဘၣ်မူဘၣ်ဒါတဖၣ် ဟ့ၣ်ပလီၢ်ဒုးသ့ၣ်ညါဃၥ်၀ဲ အထံဖိကီၢ်ဖိကမျၢၢ်လၢအိၣ်ဖဲ ကီၢ်ဆၢဒီတကျိၤလၢ တၢ်ကအိၣ်ခိးကွၢ်တၢ်အိၣ်သးတဖၣ်ဒီး တၢ်ကလ့ၤလိၤဟးထီၣ်ဘၣ်လၢ တၢ်ပလီၢ်ပဒီအပူၤအဂီၢ်၀ံၤ ပၥ်လီၤဃၥ်၀ဲစ့ၢ်ကီး တၢ်ဘံၣ်တၢ်ဘၢတဖၣ် ဖဲကီၢ်ဆၢဒီတကျိၤအပူၤအဂ့ၢ် တၢ်သ့ၣ်ညါဘၣ်န့ၣ်လီၤ.
