လါစဲးပထ့ဘၢၣ်(၈)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
တဟံးန့ၢ်တၢ်ဆီၣ်ထွဲမၤစၢၤနီတမံၤလၢထံကီၢ်တဖၣ်အအိၣ်ဘၣ်ဒီးတြီဆၢန့ၢ်၀ဲသုးဟံးန့ၢ်ဆူၣ်ထံကီၢ်တၢ်စိတၢ်ကမီၤသုးကီၣ်မံးရှၢၣ်အထံကီၢ်ပတီၢ်အီၣ်စ့ၣ်ယးဒုးယၤရဲၣ်ကျဲၤလၢအသီ(၅၀၀)ဘျဲၣ်အတီၢ်ပူၤအဃိပှၤလၢပၣ်ဃုၥ်လၢအ့ရှၢကျဲမုၢ်ဖးဒိၣ်တၢ်ဒုးပူၤတဖၣ်ပၥ်ကဖၢလၢပၥ်လၤပၥ်ကပီၤဘၣ်၀ဲအဂ့ၢ်န့ၣ်ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်(KNLA)လီၢ်ခၢၣ်သးသုး၀ဲၤလီၢ်ခိၣ်သ့ၣ် ထုးထီၣ်ပၥ်ဖျါဃၥ်၀ဲဖဲ မဟါအနံၤန့ၣ်လီၤ.
KNU/KNLA၊ PDFသိၣ်မှံသုးပၥ်ဖှိၣ်တဖၣ် ထီၣ်ဒုးမၤန့ၢ် သုးကီၣ်မံးရှၢၣ် သ့ၣ်ဃါညံၣ်နီၣ်အိၣ်သူၣ်လီၤ သုးရ့ၣ်သုး၀ဲၤလီၢ်ခိၣ်သ့ၣ်တဖၣ်၀ံၤအလီၢ်ခံ ဖဲ၂၀၂၄နံၣ် လါအ့ဖြ့ၣ်န့ၣ် စးထီၣ်မၤ၀ဲအီၣ်စ့ၣ်ယၣ်ဒုးယၤရဲၣ်ကျဲၤန့ၣ်လီၤ.
ခီဖျိဒုးယၤရဲၣ်ကျဲၤအဃိ တၢ်ဒုးတဖၣ်ကဲထီၣ်၀ဲဒၣ်လၢ ကီးတရံး၀့ၢ်ဒီးအခိၣ်အဃၢၤ၀ံၤ ဖဲလါအ့ဖြ့ၣ်၂၀သီအနံၤန့ၣ် ဟဲထီၣ်တုၤ၀ဲလၢတီနီၢ်ထံလီၤဆူ၀ံၤသုးကီၣ်မံးရှၢၣ်သုးသိလ့ၣ်ထးတဖၣ်ကလဲၤထီၣ်၀ဲဆူရၤမတံလၢစှၤနၣ်ရံၣ်အတီၢ်ပူၤဘၣ်ဆၣ် ခီဖျိ KNLAတီခိၣ်ရိၣ်မဲသုးပၥ်ဖှိၣ်တဖၣ် ခီၣ်ဆၢဒုး၀ဲအဃိ တြီဆၢန့ၢ်၀ဲအီၣ်စ့ၣ်ယးဒုးယၤရဲၣ်ကျဲၤအံၤ တုၤ ၂၀၂၅နံၣ်, လါစဲးပထ့ဘၢၣ် (၅)သီအနံၤ အသီ(၅၀၃)သီအတီၢ်ပူၤန့ၣ်လီၤ.
“တၢ်ပၢၢ်ဆၢဒီတကတီၢ်KNU/KNLAစူးကါတ့ၢ်၀ဲစဲးပြဲးသုးတၢ်တိၥ်ကူၣ်ကျဲၤန့ၣ်လီၤ.ဘၣ်ဆၣ်ဒီး၂၀၂၄နံၣ်စးထီၣ်သီတုၤ၂၀၂၅နံၣ်အတီၢ်ပူၤထီၣ်ဒုးမၤန့ၢ်၀ဲတၢ်နဲၣ်လီၤသုးတၢ်တိၥ်ကူၣ်ကျဲၤသုးကလၢၤ(၃)ဖျၢၣ်,သုးတၢ်တိၥ်ကူၣ်ကျဲၤသုးကလၢၤ (၁)ဖျၢၣ်,သုးရ့ၣ်သုး၀ဲၤလီၢ်ခိၣ်သ့ၣ်တဖၣ်န့ၣ်လီၤ.တကးဘၣ်တြီဆၢန့ၢ်၀ဲအီၣ်စ့ၣ်ယးသုးကျိၤအံၤတုၤလၢအသီ(၅၀၃)အတီၢ်ပူၤ၀ံၤ(KNLA)တီခိၣ်ရိၣ်မဲသုးပၥ်ဖှိၣ်တဖၣ်က၀ီၤကးတံၥ်ဒုး၀ဲထံကီၢ်ပတီၢ်အီၣ်စ့ၣ်ယးသုးကျိၤဒီးကီးတရံးအိၣ်သူၣ်လီၤ စကခ၁၂ဒီးသုးရ့ၣ်သုး၀ဲၤလီၢ်ခိၣ်သ့ၣ်တနီၤအဂ့ၢ်” KNLA လီၢ်ခၢၣ်သးသုး၀ဲၤလီၢ်ခိၣ်သ့ၣ် အလံၥ်ပၥ်ဖျါအပူၤ ပၥ်ဖျါဃန့ၣ်၀ဲန့ၣ်လီၤ.
ဖဲလၢတၢ်တြီဆၢဒုး၀ဲအဆၢကတီၢ် ထီၣ်ဒုးမၤန့ၢ်၀ဲစ့ၢ်ကီး သုးကီၣ်မံးရှၢၣ်သုးကလၢၤ(၁၈)ဖျၢၣ်ဃၣ်ဃၣ်လၢ အိၣ်ဆီလီၤဃၥ်အသးဖဲ သုးက့(၆)ဒီးသုးက့(၇)ဟီၣ်က၀ီၤအပူၤတဖၣ်အဂ့ၢ် ဒုးသ့ၣ်ညါဃၥ်၀ဲန့ၣ်လီၤ.
သုးကီၣ်မံးရှၢၣ်န့ၣ် ဒ်သိးအထံရူၢ်ကီၢ်သဲးအသုးသ့ၣ်လၤကပီၤကဂ့ၤထီၣ်လၢ ထံကီၢ်ဘီမုၢ်တဖၣ်အမဲၥ်ညါအဂီၢ် ဘၣ်ထဲးဂံၢ်ထဲးဘါ၀ဲ အ့ရှၢကျဲမုၢ်အံၤဒီး ခီဖျိသုးတလၢတလီၣ်ဘၣ်အဃိ ဘၣ်ထၢနုၥ်စူးကါ၀ဲ (ပစ)လၢအပၣ်ဃုၥ်လၢ ကမျၢၢ်တၢ်ဘၣ်ကဲသုးတၢ်ဘျၢသဲစးတဖၣ်အဂ့ၢ် ပၥ်ဖျါဃၥ်၀ဲန့ၣ်လီၤ.
“ဟ့ၣ်ဒုးအီၣ်သုးဖိလၢကသံၣ်မူၤဘှီးဒီးစူးကါ၀ဲဒ်ပှၤကညီတၢ်ဒီသဒၢအသိး၀ံၤ မၢထီၣ်န့ၢ်ဆူၣ်၀ဲလီၤ. စကမ မၤဒုးယၤရဲၣ်ကျဲၤအဆၢကတီၢ် အပှၤသုးဖိခဲလၢၥ်ဃၣ်ဃၣ်လၢဟဲဟ့ၣ်လီၤအသးတဖၣ်န့ၣ် တၢ်ထံၣ်ဘၣ်လၢအီၣ်ဃၥ်ကသံၣ်မူၤဘှီးအဃိ ဘၣ်အိၣ်ခိးကွၢ်၀ဲတုၤဒီတနွံမးက့ၤဘၣ်လီၢ်ဒ်သိးညီနုၥ်န့ၣ်လီၤ. ဟ့ၣ်ဒုးအီၣ်ကသံၣ်မူၤဘှီးမၢဟဲထီၣ်န့ၢ်ဆူတၢ်မဲၥ်ညါဒီး ခးစၢၤကျိဖးဒိၣ်, မ့းစဲ, မျိၥ်, ဒြိဒီးကလံၤကျါတၢ်ဟဲခးလီၤစၢၤတဖၣ်အဂ့ၢ်” KNLA လီၢ်ခၢၣ်သးသုး၀ဲၤလီၢ်ခိၣ်သ့ၣ် ပၥ်ဖျါဃၥ်၀ဲန့ၣ်လီၤ.
သုးကီၣ်မံးရှၢၣ်အသုးလၢ စူးကါ၀ဲထံကီၢ်ဒီတဘ့ၣ်အပူၤအိၣ် ဟီၣ်လၥ်ထူးတီၤတဖၣ်လၢ အနံၣ်(၇၀)အတီၢ်ပူၤလၢအတၢ်လိၣ်ဘၣ်အတၢ်ဘၣ်သးအသိးအံၤ KNUအစုတီၤဖီလၥ် KNLAန့ၣ် တြီဆၢကးတံၥ်ဒုး၀ဲ ထံကီၢ်ပတီၢ်ဒုးယၤရဲၣ်ကျဲၤအံၤလၢ အသီ(၅၀၀)ဘျဲၣ်န့ၢ်၀ဲန့ၣ် မ့ၢ်၀ဲအပတီၢ်တလၢကွံၥ် စဲးပြဲးဒုးယၤရဲၣ်ကျဲၤ၀ံၤ သးသဟီၣ်တပၤ အလီၤဆီလိၥ်သးဒ် ထံဒီးသိအသိး၀ံၤ မ့ၢ်တၢ်မၤနၢၤတၢ်ပနီၣ်တခါအဂ့ၢ် ပၥ်ဖျါဃၥ်၀ဲန့ၣ်လီၤ.
လၢတၢ်န့ၣ်အဃိ (KNLA /KNDO/PDF/ MLA)အပှၤသုးဖိသိၣ်ဒုတဖၣ်လၢ ပၣ်ဃုၥ်ပၣ်ဂီၤလၢ အ့ရှၢကျဲမုၢ်ဖးဒိၣ်ဒုးယၤရဲၣ်ကျဲၤပူၤတဖၣ် တၢ်ပၥ်ကဖၢလၢပၥ်လၤပၥ်ကပီၤဘၣ်၀ဲအဂ့ၢ် ထုးထီၣ်ပၥ်ဖျါဃၥ်၀ဲန့ၣ်လီၤ.
သုးဟံးန့ၢ်ဆူၣ်ထံကီၢ်တၢ်စိတၢ်ကမီၤ သုးကီၣ်မံးရှၢၣ်အသုး ပၢဆှၢန့ၢ်က့ၤ အ့ရှၢကျမုၢ်ဖးဒိၣ်အံၤအဂ့ၢ်န့ၣ် အစုတီဖီလၥ်တၢ်ကစီၣ်သန့တဖၣ် ပၥ်ဖျါဃၥ်၀ဲ၀ံၤ မၤဟးဂီၤကွံၥ်၀ဲန့ၢ်စ့ၢ်ကီး KNU/KNLAသုးဂ့ၢ်၀ီတၢ်မံမီၣ်လၢအမ့ၢ် ကဒုးမၤန့ၢ် ၀့ၢ်ရၤမတံ, ကီးတရံးဒီးဖၣ်အၣ်တဖၣ်၀ံၤ ကသူၣ်ထီၣ်၀ဲ ကီၢ်သူလ့ၤကီၢ်စဲၣ်ဒီးကီၢ်သူလ့ၤပဒိၣ်ဒ် နီၢ်ကစၢ်တၢ်စံၣ်ညီၣ်ပၢလီၤသးခွဲးယၥ်အံၤအဂ့ၢ် ပၥ်ဖျါဃၥ်၀ဲန့ၣ်လီၤ.
ဒ်သိးကပၢဆှၢက့ၤ ကီးတရံး-သ့ၣ်ကါညံၣ်နီၣ် ရၤမတံအ့ရှၢကျဲမုၢ်ဒီး ၀့ၢ်သ့ၣ်ကါညံၣ်နီၣ်အဂီၢ် အမၤ၀ဲဒုးယၤရဲၣ်ကျဲၤအဆၢကတီၢ် (၁)နံၣ်ဘျဲၣ်အတီၢ်ပူၤ တၢ်ဒုးအဒိၣ်/အဆံးကဲထီၣ်တ့ၢ်၀ဲ (၃၈၂)ဘျီ၀ံၤ တၢ်ထၢန့ၢ်၀ဲ တၢ်ပၢၢ်ဆၢသိၣ်ဒုဖိ အစိၣ်(၆၃)စိၣ်ဒီး စုက၀ဲၤ(၅၇)ခိၣ်အဂ့ၢ်စ့ၢ်ကီး သုးကီၣ်မံးရှၢၣ်တပၤ ပၥ်ဖျါဃၥ်၀ဲန့ၣ်လီၤ.
