လါအီကူၥ်(၂၇)သီ, ၂၀၂၅နံၣ်, အၣ်ထူခ့ၣ်တၢ်ကစီၣ်
ကၠီၣ်တဲၣ်သုးခိးကီၢ်ဆၢဟးဆှၣ်ကွၢ်၀ဲ ဖဲကၠီၣ်တဲၣ်-ပယီၤကီၢ်ဆၢဒီတကျိၤအပူၤအဆၢကတီၢ် စံကရဲးဒီးမီၥ်ထူလၢအလုၢ်အပှ့ၤအိၣ် ခဲလၢၥ်ပၥ်ဖှိၣ်စ့ယိၤ (၆၃)ကကွဲၢ်လၢတၢ်တီၣ်သွီနုၥ်ခူသူၣ်လၢကီၢ်ပယီၤအံၤ တၢ်ဖိၣ်န့ၢ်အီၤဖဲ၀့ၢ်မဲဆီးအဂ့ၢ် ကၠီၣ်တဲၣ်တၢ်ကစီၣ်တဖၣ်ပၥ်ဖျါဃၥ်၀ဲန့ၣ်လီၤ.
ဘၣ်ထွဲဒီးတၢ်ဖီၣ်န့ၢ် ပနံၥ်သူတၢ်ဖိတၢ်လံၤတဖၣ်အဖီခိၣ် ကၠီၣ်တဲၣ်သုးမုၢ်ဒိၣ်, ပၢၤကီၢ်သုး, ခိသွဲတၢ်နဲၣ်လီၤ၀ဲၤကျိၤ အပှၤဘၣ်မူဘၣ်ဒါတဖၣ် မၤ၀ဲတၢ်မၤနၢ်ပၢၢ်ပှၤကွဲးပရၢအမူးတခါ ဖဲတနံၤအံၤန့ၣ်လီၤ.
တၢ်တြီ တၢ်လ့ၤလိၤဟးထီၣ်လၢတဖိးသဲစးဂ့ၢ်၀ီ, တၢ်ဖီၣ်န့ၢ် ပနံၥ်သူတၢ်ဖိတၢ်လံၤတဖၣ်အဖီခိၣ် စံးကရဲးအဖျၢၣ် ၁၅,၇၁၃,၀၈၀လၢ အလုၢ်အပှ့ၤအိၣ် စ့ယိၤ(၆၃)ကကွဲၢ်ဘျဲၣ် တၢ်မၤန့ၢ်၀ဲအဂ့ၢ် ဒီး ခိသွဲတၢ်ဘျၢသဲစးအသိး တၢ်ကဟံးန့ၢ်ဂ့ၢ်၀ီအဂ့ၢ် တၢ်သ့ၣ်ညါဘၣ်န့ၣ်လီၤ.
