လါအီကူာ်(၁၄)သီ,၂၀၂၅နံၣ်, အၣ်ထူခ့ၣ်တၢ်ကစီၣ်
၀့ၫ်တကူၣ်ပူၤ ပၢပြးခိၣ်လၢဘျးစဲဒီးပၣ်တံၣ်ထံရူၫ်ကီၫ်သဲးတဖၣ် တၫ်ကထုးကွံာ်ဒီးကပာ်လီၤက့ၤ၀ဲလၢအသီ တၫ်ကစီၣ် ဟးထီၣ်၀ံၤအလီၫ်ခံ ကမျၢၫ်တၫ်ဘၣ်ကဲသုးစ့န့ၣ် ပၢပြးခိၣ်တဖၣ် ထၢအါထီၣ်၀ဲအါန့ၫ်ဒံးအပူၤအဂ့ၫ် ပှၤ၀့ၫ်ဖိတဖၣ်တဲ၀ဲ လီၤ.
ကမျၢၫ်တၫ်ဘၣ်ကဲသုးတၫ်မၤလိ(၁၆)၀ီတ၀ီအဂီၫ် မ့ၣ်ကလၣ်ဒိၣ်ဒီးမီာ်ဘံၣ်ကီၫ်ဆၣ်ပူၤ သးနံၣ်(၁၈)နံၣ်တုၤ(၃၅)နံၣ်အတီၫ်ပူၤ ပှၤပိာ်ခွါအိၣ်ဟံၣ်တဖၣ် တလါန့ၣ်ဘၣ်ဟ့ၣ်၀ဲ (၁)ကလီၫ်တခီဒီးတအိၣ်ဟံၣ်တဖၣ်တခီ ဘၣ်ဟ့ၣ်၀ဲ တလါ ၃၀,၀၀၀ကၠးအဂ့ၫ် ပှၤ၀့ၫ်ဖိတဂၤတဲ၀ဲလီၤ.
“သုးဟီၣ်က၀ီၤလီၤဘၣ်ဆၣ် မ့ၫ်ဘၣ်ဘၣ်ထွဲဒီးကမျၢၫ်တၫ်ဘၣ်ကဲသုးစ့န့ၣ် မ့ၣ်ကလၣ်ဒိၣ်န့ၣ် ဃ့တၫ်အါမးလီၤ.မီာ်ဘံၣ် စ့ၫ်ကီး ဒ်သိးသိးလီၤ (၁)ကလီၫ်တခီအဂ့ၫ်”တဲ၀ဲလီၤ.
တိၣ်တ့,ကီးမူ,ကိခၠၣ်ကိဒီးဒလးအပူၤတခီ ကမျၢၫ်တၫ်ဘၣ်ကဲသုးစ့ဟံၣ်(၁)ဒူၣ် တၫ်ဘၣ်ဟ့ၣ်၀ဲတုၤလၢ ၃၀,၀၀၀, ၅၀,၀၀၀,၁၀၀,၀၀၀ကကၠးညါဒီးဒူသ၀ီတနီၤပာ်ဖှိၣ်လိာ်အသး၀ံၤ တလါဘၣ်ဟ့ၣ်၀ဲ အကလီၫ်(၆၀) တုၤအကလီၫ် (၁၀၀)အိၣ်၀ဲအဂ့ၫ် တိၣ်တ့၀့ၫ်ဖိတဂၤတဲ၀ဲလီၤ.
“တိၣ်တ့ကီၫ်ရ့ၣ်ပူၤ ခလရ-၇၀ တီခိၣ်ရိၣ်မဲ၀ဲဒီးဃ့၀ဲလီၤ.တၫ်မ့ၫ်လဲၤတၢၣ်စ့ၫ်ကီအိၣ်ဒၣ်အခီလီလီၤ.တၫ်မ့ၫ်လဲၤတၢၣ်န့ၣ် ပၢပြးခိၣ် လံာ်တၫ်ကမၣ်၀ံၤCopy၀ဲဒီးဆှၢ၀ဲဆူသုးအအိၣ်အဃိ ပှၤတနီၤလဲၤတၢၣ်၀ံၤ ဘၣ်ဃ့ၫ်အိၣ်ခူသူၣ်န့ၣ်လီၤ.”
ကလံၤထံးတကူၣ်,ကလံၤဆိးတကူၣ်,မုၫ်ထီၣ်တကူၣ်ဒီးတကူၣ်ကဘီသန့အပူၤ တၫ်လီၫ်လၢပှၤနုာ်လီၤအိၣ်န့ၫ်ဆူၣ်အ လီၫ်တဖၣ် ပၢပြးခိၣ်တဖၣ်ပညိၣ်ဃီၤ၀ဲဒီး ထၢ၀ဲ (၁)လါ တကလီၫ် တုၤတကလီၫ်တခီ၀ံၤ တၫ်ဟ့ၣ်မ့ၫ်တန့ၫ်ဘၣ်န့ၣ် မၤဟးဂီၤကွံာ်၀ဲအဟံၣ်ဒၣ်လဲၣ်အဂ့ၫ် တၫ်သ့ၣ်ညါဘၣ်လၢပှၤ၀့ၫ်ဖိတဖၣ်အိၣ်န့ၣ်လီၤ.
၀့ၫ်တကူၣ်ကီၫ်ခီပဒိၣ်န့ၣ် ဖဲလါအီကူာ်(၁၀)သီအနံၤန့ၣ် ပၢပြးခိၣ်လၢဘျးစဲဒီးပၣ်တံၣ်ထံရူၫ်ကီၫ်သဲးတဖၣ်န့ၣ် တၫ်က ထုးကွံာ်အီၤဒီးပာ်လီၤက့ၤအသီအဂီၫ် လံာ်တၫ်နဲၣ်လီၤဟးထီၣ်၀ံၤလီၫ်ခံ ပၢပြးခိၣ်တဖၣ်ဒူထီၣ်၀ဲအဂ့ၫ် ဂ့ၫ်ခီၣ်ထံးတၫ်က စီၣ်လၢအိၣ်ဘူးဒီးပၢပြးတဲ၀ဲန့ၣ်လီၤ.
“အီကူာ်(၂၄)သီအနံၤန့ၣ် တၫ်ကဆီတလဲ ပၢပြးခိၣ်တဖၣ်အဃိ ပၢပြးအိၣ်ဟဲလၢ ပၠံၣ်ခဲၣ်ဖၠိတဖၣ် တချူးအိၣ်ဘှံးဒံး အကတီၫ် ထၢ၀ဲကမျၢၫ်တၫ်ဘၣ်ကဲသုးစ့ဒီးတၫ်မ့ၫ်ထုးကွံာ်အီၤဘၣ်ဆၣ် လီၤဂာ်လၢဖဲန့ၫ်န့ၣ် ကဟံးန့ၫ်၀ဲလီၤ.”
၀့ၫ်တကူၣ်လၢ ကီၫ်ဆၣ်ခဲလၢာ်အိၣ်(၄၅)ကီၫ်ဆၣ်ဒီး၀့ၫ်အိၣ်(၂၁)၀့ၫ်အံၤ မ့တမ့ၫ်လၢ ကိၣ်ကိကၠိဘၣ်န့ၣ် ကီၫ်ဆၣ်လၢအိၣ်တ့ၫ်တဖၣ် ဘၣ်ဟ့ၣ်ကမျၢၫ်တၫ်ဘၣ်ကဲသုးစ့ ဟံၣ်(၁)ဒူၣ်ထၢ၀ဲ ၃၀,၀၀၀ကၠး တုၤ ၁၅၀,၀၀၀ဒီးအခဲအံၤ တုၤဃီၤလၢ (၁၆)၀ီတ၀ီလံန့ၣ်လီၤ.
တၫ်ဘၣ်ကဲသုးတၫ်ဂ့ၫ်အပူၤ တၫ်ဖၢနုာ်ခဲးန့ၫ်တၫ်လၢပှၤဂၤအလီၫ်,တၫ်ထၢကျိာ်ထၢစ့မ့ၫ်အိၣ်န့ၣ် လဲၤတၢၣ်၀ဲသ့ဒီးမ့ၫ် ဘၣ်န့ၣ် ကဟံးန့ၫ်၀ဲဂ့ၫ်၀ီအဂ့ၫ် သုးကီၣ်ကးတစုတီၤဖီလာ်ကိတိာ်န့ၣ် ဖဲလါယူၤလံ(၃)အနံၤန့ၣ် တဲ၀ဲဘၣ်ဆၣ် သုး တၫ်မၤလိ(၁)၀ီတ၀ီ တုၤ(၁၆)၀ီတ၀ီန့ၣ် ဟံးန့ၫ်၀ဲဂ့ၫ်၀ီန့ၫ်ဒၣ်ထဲ ၀့ၫ်တကူၣ်ပူၤ,ကိခၠၣ်ကိကီၫ်ဆၣ်,တဲးကၠံးသ၀ီ ပၢပြးခိၣ် အူကၠီၣ်ထိ တဂၤန့ၣ်လီၤ.
တၫ်ဘၣ်ကဲသုးတၫ်ဘျၢလၢပှၤကိးဂၤဒဲးကဘၣ်မၤ၀ဲအံၤ သုးကီၫ်ကးအခိၣ်န့ၣ် ဖဲ၂၀၂၄နံၣ်,လါဖ့ၤဘြူၤအါရံၤ(၁၀)သီ အနံၤန့ၣ် ဒုးအိၣ်ထီၣ်၀ဲအသးသမူဒီးဖဲလါမးရှး(၂၈)သီအနံၤန့ၣ် စးထီၣ်ဟ့ၣ်၀ဲတၫ်မၤလိဒီးအခဲအံၤ တုၤဃီၤလံလၢ(၁၇)၀ီတ၀ီလံန့ၣ်လီၤ.
