Radio တၢ်ကစီၣ် တၢ်ကစီၣ် တၢ်သဘံၣ်သဘုၣ်

လၢဖါကး သုးကီၣ်ကးသုး ခးလီၤကျိဖးဒိၣ်အဃိ လီၫ်က၀ီၤကမျၢၫ်ဘၣ်သံ(၃)ဂၤဒီးဘၣ်ဒိဘၣ်ထံး(၁၀)ဂၤ

လါအီကူာ်(၅)သီ,၂၀၂၅နံၣ်, အၣ်ထူခ့ၣ်တၢ်ကစီၣ်

ကခၠ့ၣ်ကီၫ်စဲၣ်,ဖါကးကီၫ်ဆၣ်ပူၤ သုးကီၣ်ကးသုးခးလီၤကျိဖးဒိၣ်လၢ(၂)သီအတီၫ်ပူၤအဃိ ဖိသၣ်(၁)ဂၤပာ်ဃုာ် ဘၣ်သံ(၃)ဂၤဒီးဘၣ်ဒိဘၣ်ထံး(၁၀)ဂၤအဂ့ၫ် တၫ်သ့ၣ်ညါဘၣ်လီၤ.

ဖဲမဟါနံၤ လါအီကူာ်(၄)သီ,ဂီၤ(၅)နၣ်ရံၣ်ဃၣ်ဃၣ်အကတီၫ် အိၣ်လၢဖါကးဒုးယၤသုးကလၢၤဒီးခးစိဃီၤတၫ်ဆူ မၠီးဖၠူၣ်သ၀ီလၢကျိဖးဒိၣ်အဃိ ဖိသၣ်ပိာ်ခွါ(၅)နံၣ်ဖိတဂၤဒီး၃၅နံၣ် ပိာ်ခွါတဂၤဘၣ်သံ၀ံၤလီၫ်က၀ီၤကမျၢၫ်(၅)ဂၤ ဘၣ်ဒိဘၣ်ထံး၀ဲအဂ့ၫ် Tarlin Mg တဲ၀ဲလီၤ.

“ကတီၫ်အံၤလၢညီၣ်ပ့ၣ်ကိန့ၣ် တၫ်ပၢၫ်ဆၢသုးဖိတဖၣ် ထီၣ်ဒုးဃီၤကဒါက့ၤ သုးကီၣ်ကးလံအဃိ တၫ်အိၣ်သးအိၣ်လၢ ကဘၣ်ပလီၫ်သးလၢကဘီယူၤန့ၣ်လီၤ.လၢခံတခါ သုးကီၣ်ကးအသုးတဖၣ် အိၣ်လၢဖါကးဒုးယၤသုးကလၢၤဒီးကျိချံ လၢခးလီၤ၀ဲတတဖၣ် တလၢကွံာ်တၫ်ဒုးကဲထီၣ်အလီၫ်ဒီးလီၤတဲာ်၀ဲလၢဒူသ၀ီပူၤအဃိ ကမျၢၫ်တၫ်သံတၫ်ပှၫ်ဒီးတၫ်ဘၣ် ဒိဘၣ်ထံးဘၣ်အိၣ်ထီၣ်၀ဲန့ၣ်လီၤ.”

ဒ်န့ၣ်အသိး အပူၤကွံာ် လါအီကူာ်(၂)သီအနံၤစ့ၫ်ကီး သုးကီၣ်ကးအဖါကးဒုးယၤဒုးကလၢၤ ခးလီၤကျိဖးဒိၣ်အဃိ ရှးရီၣ်ခးသ၀ီ သးနံၣ်(၂၁)နံၣ်အိၣ် ပိာ်ခွါတဂၤဘၣ်သံဒီးရှးရီၣ်ခးသ၀ီဖိ(၁)ဂၤဒီးဆါကၠဲၣ်သ၀ီဖိ(၄)ဂၤ ဘၣ်ဒိဘၣ်ထံး ၀ဲလီၤ.

အခဲအံၤလၢဖါကးကီၫ်ဆၣ်ပူၤ သုးကီၣ်ကးအသုးဒီးKIAသုးပာ်ဖှိၣ်တဖၣ်အဘၢၣ်စၢၤ တၫ်ဒုးဆူၣ်ထီၣ်ကဒီး၀ဲန့ၣ်လီၤ.

Ref: SPM

    X