လါယူၤ(၁၀)သီ,၂၀၂၅နံၣ်
အမဲရကၤအတၫ်ထၢအါထီၣ်ခိသွဲန့ၣ် မလ့ရှါကိတိာ်ခိၣ်ကျၢၫ် အၣ်၀ၣ်အံၣ်ဘရၣ်ဟ့ၣ် ပာ်ဒ့ၣ်ပာ်ကမၣ်၀ဲလီၤ.အၣ်စံၣ်ယၣ်ဟီၣ်က၀ီၤပူၤ ထံကီၫ်တဖၣ်အထံဂုၤကီၫ်ဂၤကိတိာ်တဖၣ် လၢယံာ်(၃)သီ ဖဲမၤတၫ်အိၣ်ဖှိၣ်ဖဲကီၫ်မလ့ရှါ,ကွၣ်လၣ်လၣ်ပူၣ်အကတီၫ် အၣ်၀ၣ်အ့ၣ်ဘရၣ်ဟ့ၣ် ပာ်ဒ့ၣ်ပာ်ကမၣ်၀ဲလီၤ.
၅၈ ၀ီတ၀ီ အၣ်စံၣ်ယၣ်ထံဂုၤကီၫ်ဂၤကိတိာ်တဖၣ် တၫ်အိၣ်ဖှိၣ်န့ၣ် ဘၣ်တၫ်မၤ၀ဲ ဖဲလါယူၤလံ(၉)သီနံၤ တုၤလါယူၤလံ (၁၁)သီနံၤန့ၣ်လီၤ.
တၫ်အိၣ်ဖှိၣ်အံၤအပူၤ အမဲရကၤအတၫ်မၤအါထီၣ်ခိသွဲတၫ်ဂ့ၫ်,ကၣ်စၣ်တၫ်အိၣ်သး,ဟီၣ်က၀ီၤပူၤထံကီၫ်လၢအမ့ၫ် ကီၫ်ပယီၤတၫ်ဃံးတၫ်စ့ၤတၫ်ဂ့ၫ်တဖၣ် ဖဲလါယူၤလံ(၉)သီနံၤန့ၣ် တၫ်ကစးထီၣ်တၢၣ်ပီၣ်တဲသကိး၀ဲလီၤ.
တၫ်ထံၣ်လိာ်တၢၣ်ပီၣ်တဲသကိးအပူၤ တရူး,ရၢရှၢၣ် ကနုာ်လီၤတၢၣ်ပီၣ်တဲသကိးဃုာ်၀ဲသ့အသိး, အမဲရကၤထံဂုၤကီၫ်ဂၤကိတိာ် မၣ်ကိၣ်ရူၣ်ဘံၣ်အိၣ်စ့ၫ်ကီး ကဟဲထီၣ်၀ဲသ့န့ၣ်လီၤ.
မ့ၫ်ရူၣ်ဘံၣ်အိၣ်အတၫ်ဟဲလၢအ့ရှၢၣ်အဆိကတၢၫ်တဘျီဒီး တနံၤအံၤန့ၣ် ကထီၣ်၀ဲအၣ်စံၣ်ယၣ်တၫ်အိၣ်ဖှိၣ်(၂)သီ သ့န့ၣ်လီၤ.
“လၢဟီၣ်ခိၣ်ချၢ တဘျီတအခါ ကဂုၤထီၣ်ပသီထီၣ်အဂီၫ် ထံကီၫ်လၢသူတ့ၫ်၀ဲတဖၣ်န့ၣ် လၢကတီၫ်အံၤ ဟ့ၣ်၀ဲတၫ်ဆီၣ်သနံးလံန့ၣ်လီၤ.ကွၫ်ဆၢၣ်မဲာ်ဘၣ်တၫ်ထၢအါထီၣ်ခိသွဲ,တၫ်မၤဃံးထီၣ်တၫ်တီၣ်သွီပနံာ်ဒီးတၫ်ဘျၢလီၤ တၫ်မၤတံာ်တာ်တဖၣ်အဂ့ၫ်”အံၣ်ဘရၣ်ဟ့ၣ်န့ၣ် တထီထီၣ်တဲအမဲရကၤအမံၤဘၣ်ဆၣ် တဲ၀ဲအိၣ်န့ၣ်လီၤ.
အံၣ်ဘရၣ်ဟ့ၣ်အတၫ်ကတိၤအိးထီၣ်၀ံၤအလီၫ်ခံ အၣ်စံၣ်ယၣ်ကိတိာ်တဖၣ်န့ၣ် တပျဲနုာ် မံၣ်ဒံၣ်ယၣ်တဖၣ်ဘၣ်ဒီး ကးတံာ်တြဲၤမၤတၫ်အိၣ်ဖှိၣ်န့ၣ်လီၤ.
အမဲရကၤန့ၣ် မလ့ရှါပာ်ဃုာ် မုၫ်ထီၣ်ကလံၤထံးအ့ရှၢၣ်ထံကီၫ်တဖၣ် ကထၢ၀ဲခိသွဲ(၂၅)မျးကယၤ၀ံၤ ကီၫ်ပယီၤဒီးကီၫ် လၣ်အိၣ်န့ၣ် ကထၢ၀ဲ(၄၀)မျးကယၤန့ၣ်လီၤ.
ref: dvb
