လါယူၤလံ(၄)သီ,၂၀၂၅နံၣ်
သုးကီၣ်ကးအကဘီယူၤဒုးသုးလၢလီၤမၫ်အံၤ လီၤတဲာ်ဟးဂီၤဖဲ၀့ၫ်ဖါစီအကပၤ၀ံၤ တၫ်ထံၣ်န့ၫ်၀ဲကဘီယူၤဟးဂီၤ အက့အခီတဖၣ်ဒီးပှၤနီကဘီယူၤဖိအစိၣ်(၂)ဂၤအဂ့ၫ် ကရ့ၣ်နံၣ်ဒီကလုာ်စၢဖှိၣ်ကရၢတၫ်ဒီသဒၢသုး(KNDF) တဲပာ် ဂၢၫ်ပာ်ကျၢၤ၀ဲလီၤ.
ကဘီယူၤလၢလီၤတဲာ်ဟးဂီၤအံၤန့ၣ် မ့ၫ်တရူးထုးထီၣ် FTC2000gကဘီယူၤဒုးသုးအဂ့ၫ် ပှၤနၫ်ပၢၫ်တၫ်စုက၀ဲၤတဂၤ တဲ၀ဲလီၤ.
သုးကီၣ်ကးအကဘီယူၤဒီးပှၤအစိၣ်(၂)စိၣ်အံၤ တၫ်ထံၣ်န့ၫ်၀ဲ ဖဲလါယူၤ(၃)သီအနံၤ,မုၫ်ဆါခီအကတီၫ် လၢဖါစီကီၫ်ဆၣ်, ခဲမဖၠူၣ်သ၀ီအကပၤန့ၣ်လီၤ.
“မ့ၫ်ကဘီယူၤလၢဟဲတ့ၫ်လီၤမ့ၣ်ပိၫ်ဖဲဖါစီတၫ်ဒုးန့ၣ်လီၤ.ကဘီယူၤအကဟၣ်ဟးဂီၤဒီးလီၤတဲာ်ဟးဂီၤ၀ဲလီၤ.
သုးကီၣ်ကး သုးကဘီယူၤဒုးသုးတခိၣ်န့ၣ် ဖဲနီလိ၀ဲအကတီၫ် ကဟၣ်ဟးဂီၤ(မ့တမ့ၫ်)မူခိၣ်ကလံၤသီၣ်ဂီၤ တဘၣ်လိာ် ဘၣ်ဆးအဃိ ဖဲလါယူၤလံ(၁)သီနံၤ ဟါအကတီၫ်န့ၣ် လီၤမၫ်သတူာ်ကလာ် ဖဲန့ၣ်ပၠံၣ်တီၣ်အကပၤ၀ံၤ တၫ်ဆဲးကျိးတ န့ၫ်လၢၤဘၣ်အဂ့ၫ် သုးကီၣ်ကးထုးထီၣ်ဘိးဘၣ်ရၤလီၤ၀ဲလီၤ.
အပူၤကွံာ်လါယူၤ(၁၀)သီအနံၤစ့ၫ်ကီး သုးကီၣ်ကးအကဘီယူၤ F-7အကလုာ် ကဘီယူၤဒုးသုး(၁)ခိၣ်စ့ၫ်ကီး လီၤတဲာ် ဟးဂီၤတ့ၫ်ဖဲစကဲကီၫ်ခီ,ပလဲကီၫ်ဆၣ်အပူၤဒံးန့ၣ်လီၤ.
သုးဟံးန့ၫ်ထံကီၫ်တၫ်စိတၫ်ကမီၤအတီၫ်ပူၤ သုးကီၣ်ကးအကဘီယူၤ Mi35p၊ MI-17၊ Eurocopter 365၊ K8၊ FTC200 G ဒီးကဘီယူၤဒုးသုး(၁၂)ခိၣ် ဘၣ်ဟးဂီၤ၀ံၤ အခဲအံၤန့ၣ် မ့ၫ်ကဘီယူၤဒုးသုး(၁၃)ခိၣ်တခိၣ်လၢလီၤတဲာ်ဟးဂီၤန့ၣ်လီၤ.
ကဘီယူၤလၢတၫ်သ့ၣ်ညါအီၤဒ် Guizhou JL-9အံၤ မ့ၫ်ပတီၫ်ထီကဘီယူၤလၢတၫ်ဂဲၤလိနီ၀ဲအသိး, တၫ်သူအီၤဒ်ကဘီ ယူၤဒုးသုးလၢအဖှံအသိးအဂ့ၫ်တၫ်သ့ၣ်ညါဘၣ်လီၤ.
FTC2000gကဘီယူၤဒုးသုးလၢတရူးထုးထီၣ်အံၤ လၢတၫ်ဆါတၫ်ပှ့ၤအပူၤ လီၤလၢလၢအမဲရကၤဒီလၣ် ၈,၅၀၀,၀၀၀ အဂ့ၫ် ဘံၣ်ဘံၣ်စံၣ်တၫ်ကစီၣ်တတီၤအပူၤ ပာ်ဖျါ၀ဲန့ၣ်လီၤ.
ref:mizzima
