လါမ့ၤ(၁၉)သီ,၂၀၂၅နံၣ်
သုးကရူၫ်လၢမၤအၢမၤသီတၫ်အံၤ ကီၫ်ဆၢတၫ်ကူၣ်လဲၫ်မၤကၤသးသမူသွံၣ်ကျိၤ ကျိာ်စ့လၢဒိးန့ၫ်၀ဲဖဲကၠီၣ်တဲၣ်-ပယီၤ ကီၫ်ဆၢဒီတကျိၤအသုးကလၢၤတဖၣ် KNUထီၣ်ဒုးမၤန့ၫ်၀ဲန့ၣ် အရ့ဒိၣ်န့ၣ်တၫ်ထီၣ်ဒုးမၤန့ၫ်၀့ၫ်ဖးဒိၣ်တဖၣ်အဂ့ၫ် KNUပှၤတဲတၫ်ပၢပဒိၣ်စီၤတီနံတဲ၀ဲလီၤ.
“လီၤဆီဒၣ်တၫ် တၫ်ကူၣ်လဲၫ်မၤကၤပနံာ် ဟီၣ်က၀ီၤဖးဒိၣ် ရၤမတံ-မဲဆီးတၫ်ကူၣ်လဲၫ်မၤကၤဒီးထံခံကီၫ်ဆၢ တၫ်ကူၣ်လဲၫ်မၤကၤဟီၣ်က၀ီၤတဖၣ် မ့ၫ်တၫ်လီၫ်တဖၣ်လၢအရ့ဒိၣ်မးန့ၣ်လီၤ.တလီၤဆီဒီးတၫ်ထီၣ်ဒုးမၤန့ၫ်၀့ၫ်ဖးဒိၣ်တဖျၢၣ် ဘၣ်.ကၠီၣ်တဲၣ်-ပယီၤကီၫ်ဆၢဒီတကျိၤ ကရ့ၣ်နံၣ်,ကညီကီၫ်စဲၣ်,တလၢၤကီၫ်စဲၣ်ဒီးတုၤတနီသရံၣ်ကီၫ်ခီအဆၢ, လဲၫ် (၃၀၀၀)ကံၣ်လိၣ်မံထၢၣ် တၫ်ကမၤပျီကွံာ် သုးကီၣ်ကးအသုးကလၢၤတဖၣ်အဂီၫ် ကပာ်ဖှိၣ်ဒုးဃီၤ၀ဲအဂ့ၫ် တဲ၀ဲလီၤ.
“ကီၫ်ဆၢဒီတကျိၤ,လၢဘျးစဲလိာ်ဃာ်အသးဒီးကရ့ၣ်နံၣ်ကီၫ်ဆၢ,သုးက့နီၫ်ဂံၫ်(၅)ဒီးတုၤလၢသုးက့နီၫ်ဂံၫ်(၄)အကတၢၫ်လီၤ.တၫ်လီၫ်လၢလဲၫ်ကံၣ်လိၣ်မံထၢၣ်လၢအကထိ ပဒိၣ်စိ၀ဲကန့ၫ်န့ၣ် မ့ၫ်ပတၫ်မၤနၢၤလီၤ.တၫ်အံၤန့ၣ်တဒ်သိးဒီးတၫ်နုာ် လီၤဒုးန့ၫ်တၫ်လၢကီၫ်မိၫ်ပှၫ်အဒွဲပူၤဘၣ်.ပမ့ၫ်ကွၫ်လၢသုးက့နီၫ်ဂံၫ်(၅)ကီၫ်ဆၢဒီတကျိၤန့ၣ် သုးကီၣ်ကးအသုးကလၢၤ တအိၣ်လၢၤဘၣ်.အခဲအံၤသုးက့နီၫ်ဂံၫ်(၇)အပူၤစ့ၫ်ကီးဘူးထီၣ်ကလၢာ်လံ.သုးက့နီၫ်ဂံၫ်(၆)အပူၤစ့ၫ်ကီး သုးကီၣ်ကး တၫ်တိာ်ကူၣ်ကျဲၤသုးကလၢၤ အိၣ်တ့ၫ်ဒၣ်ထဲတဖျၢၣ်ဧိၤလီၤ.လၢသုးက့နီၫ်ဂံၫ်(၄)ကီၫ်ဆၢ သုးကီၣ်ကးထံခံသုးကလၢၤစ့ၫ် ကီးဟးဂီၤလီၤပှီၫ်ကွံာ်လၢာ်လံအဂ့ၫ်”ပဒိၣ်စီၤတီနံတဲ၀ဲလီၤ.
KNLAတီခိၣ်ရိၣ်မဲသုးပာ်ဖှိၣ်တဖၣ် မၤဆူၣ်ထီၣ်တၫ်ဒုးအဃိ အပူၤကွံာ် စီမီၣ်,သါရွှ့ၣ်အစိၤ မၤလၢာ်ဂီၤသုးရ့ၣ်အါမး၀ံၤ တၫ်လီၫ်လၢမၤန့ၫ်၀ဲတဖၣ် လၢစှၤသီအတီၫ်ပူၤ တၫ်ထီၣ်ဒုးမၤန့ၫ်က့ၤ၀ဲန့ၣ်လီၤ.
အခဲအံၤ KNUသုးက့နီၫ်ဂံၫ်(၇)တၫ်ကြဲၫ်ဟီၣ်က၀ီၤ မီၣ်ဖိက့ၣ်သုးကလၢၤစ့ၫ်ကီး ကညီဒီကလုာ်တၫ်ထူၣ်ဖျဲးသုးမုၫ်ဒိၣ် (KNLA)ဒီးသုးပာ်ဖှိၣ်တဖၣ် ထီၣ်ဒုးမၤပျီကွံာ်၀ဲ၀ံၤ နီၫ်တယၫ်သုးကလၢၤစ့ၫ်ကီး က၀ီၤကးတံာ်ဒုးဃီၤ၀ဲန့ၣ်လီၤ.
KNUသုးက့နီၫ်ဂံၫ်(၄),သုးက့နီၫ်ဂံၫ်(၅),သုးက့နီၫ်ဂံၫ်(၆)ဒီးသုးက့နီၫ်ဂံၫ်(၇)အပူၤ သုးမီၤစိရိၤတၫ်တိာ်ကူၣ်ကျဲၤသုးကလၢၤ တစှၤန့ၣ်(၁၀)ဖျၢၣ်ဘျဲၣ်KNLAထီၣ်ဒုးမၤန့ၫ်၀ဲတကးဘၣ် ကီၫ်ဆၢသုးကလၢၤလၢအိၣ်လၢတၫ်လီၫ်ထီၣ်ထီ(၂၀)ဖျၢၣ်ဘျဲၣ်ဒီးသုးကလၢၤဆံးတဖၣ်ပာ်ဃုာ် ခဲလၢာ်ပာ်ဖှိၣ်(၅၀)ဖျၢၣ်ဃၣ်ဃၣ် KNLA ၊ KNDO၊ PDFသုးပာ်ဖှိၣ်တဖၣ် ထီၣ်ဒုး မၤန့ၫ်ပၢဆှၢဃာ်၀ဲအဂ့ၫ် တၫ်သ့ၣ်ညါဘၣ်လီၤ.
Ref: khit thit
