လါမ့ၤ(၁၉)သီ,၂၀၂၅နံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ထံရူၢ်ကီၢ်သဲးဒီးသုးဂ့ၢ်၀ီပှၤဟ့ၣ်ကူၣ်ဟ့ၣ်ဖးတၢ်ဖိတဂၤလၢအမ့ၢ် သုးခိၣ်ဒိၣ်စိ စီၤထူထူလ့အံၤ ဖဲလါမ့ၤ(၁၇)သီအနံၤ, ဟါ(၁၀း၂၀)နၣ်ရံၣ်အဆၢကတီၢ်န့ၣ် စူၥ်ကွံၥ်သးလၢခဲစၢၣ်တၢ်ဆါအဂ့ၢ်န့ၣ် တၢ်သ့ၣ်ညါဘၣ်န့ၣ်လီၤ.
သုးခိၣ်ဒိၣ်စိ စီၤထူထူလ့ လၢအသးနံၣ်အိၣ်၀ဲ(၇၈)နံၣ်အံၤ ဖဲလါမ့ၤ ၁၇ သီ, ဟါ(၁၀း၂၀) နၣ်ရံၣ်အဆၢကတီၢ်န့ၣ်စူးကွံၥ်အသးလၢပှံၥ်ဖးဒိၣ်ခဲစၢၣ်တၢ်ဆါလၢအကစၢ်ဟံၣ်အဂ့ၢ်တၢ်သ့ၣ်ညါဘၣ်န့ၣ်လီၤ. သုးခိၣ်ဒိၣ်စိစီၤထူထူလ့အံၤလၢခ့ၣ်အဲၣ်ယူၣ်အပူၤအ၀ဲဟံးမူဒါဒ်ပှၤဟ့ၣ်ကူၣ်ဟ့ၣ်ဖးတၢ်လၢထံရူၢ်ကီၢ်သဲးဒီးသုးဂ့ၢ်၀ီတကပၤလၢ တုၤလၢအသးသမူဟးထီၣ်တစုန့ၣ်လီၤ.
သုးခိၣ်ဒိၣ်စိ စီၤထူထူလ့ အံၤစးထီၣ်ဖဲ(၂၀၀၀)နံၣ် KNU ခီကရဲးတၢ်အိၣ်ဖှိၣ်အခါန့ၣ် အ၀ဲစးထီၣ်ဟံထီၣ်ဖီၣ်၀ဲမူဒါဒ် နဲၣ်ရွဲၣ်ခိၣ်ကျၢၢ် သဃဲၤ-၁, (၂၀၀၄)နံၣ်, လါနိၣ်၀့ဘၢၣ်အခါန့ၣ် တၢ်က့ၤဃုထၢထီၣ်ကဒီးအီၤလၢ နဲၣ်ရွဲၣ်ခိၣ်ကျၢၢ်သဃဲၤ-၁အသိးန့ၣ်လီၤ.
လၢန့ၣ်အမဲၥ်ညါ ဖဲ (၂၀၁၂) ၁၄ ၀ီတ၀ီ ခီကရဲးတၢ်အိၣ်ဖှိၣ်ပူၤ သုးခိၣ်ကျၢၢ်ဒိၣ်စိ စီၤမူၤထူစ့ဖိကဲထီၣ်ကရၢခိၣ်အခါတၢ်ဃုထၢထီၣ်အီၤဒ်ပှၤဟ့ၣ်ကူၣ်ဟ့ၣ်ဖးထံရူၢ်ကီၢ်သဲးဒီးသုးဂ့ၢ်၀ီတဂၤအသိးဒီး တုၤလၢအသးအသးသမူဟးထီၣ်တစုန့ၣ်လီၤ.
သုးခိၣ်ဒိၣ်စိ စီၤထူထူလ့ အံၤအိၣ်ဖျဲၣ်ထီၣ်၀ဲဒၣ် ဖဲ၁၉၄၇နံၣ်, လါမ့ၤ(၂၆)သီအနံၤ လၢ၀့ၢ်တကူၣ်န့ၣ်လီၤ. အပၢ်အမံၤမ့ၢ်၀ဲ စကီမီလ့(ကိး)မီၣ်မီၣ်သါဒီးအမိၢ်အမံၤမ့ၢ်၀ဲနီၢ်စီရံၣ်တဖၣ်န့ၣ်လီၤ.အဒီပုၢ်၀ဲၢ်အိၣ်(၃)ဂၤအကျါ မ့ၢ်ဖိ၀ဲၢ်ကိပှၤအဒိၣ်ကတၢၢ်တဂၤန့ၣ်လီၤ.
