လါမ့ၤ(၁၅)သီ,၂၀၂၅နံၣ်
သုးကီၣ်ကးအတၫ်ဒုးခးလီၤကမျၢၫ်,တၫ်မၤကမၣ်သုးကွီၫ်မ့ၣ်တဖၣ်အဂီၫ် ကဘၣ်တူၫ်မူတူၫ်ဒါအဂ့ၫ် ယၣ်မညးဖဲၣ်ဒရၢၣ်ဂံၫ်ဘါသီ(NRFF) ထုးထီၣ်ဘိးဘၣ်ရၤလီၤ၀ဲလီၤ.
ဖဲလါမ့ၤ(၁၂)သီအနံၤ,ဂီၤခီ သုးကီၣ်ကးအတၫ်မၤ၀ဲကလံၤကျါတၫ်ဒုးခးလီၤတၫ်အဃိ ဒံၣ်ပဲယ့ကီၫ်ဆၣ် ,အိထ့သ၀ီ, တၫ်သိၣ်လိကၠိအပူၤ သရၣ်မုၣ်(၂)ဂၤဒီးကၠိဖိ(၂၀)ဂၤဘျဲၣ် ဘၣ်သံ၀ဲန့ၣ်လီၤ.
ဒ်န့ၣ်အသိး အပူၤကွံာ်လါအ့ဖြ့ၣ်အပူၤစ့ၫ်ကီး သုးကီၣ်ကးန့ၣ် တၫ်ဒုးတအိၣ်ဘၣ်အမဲာ်ညါ ဒုးခးလီၤတၫ် ဖဲတလၢၤကီၫ် စဲၣ်လၢကလံကျါ(၁)ဘျီ,ခးလီၤကျိဖးဒိၣ်တစှၤန့ၣ်(၆)ဘျီအဃိ အစှၤကတၢၫ်ကမျၢၫ်ဘၣ်သံ(၃)ဂၤ၀ံၤ ဘၣ်ဒိဘၣ်ထံး (၁၃)ဂၤအဂ့ၫ် NRFFတၫ်မၤနီၣ်ထၢဖှိၣ်စရီအဖီခိၣ် တၫ်သ့ၣ်ညါဘၣ်လီၤ.
သုးကီၣ်ကးန့ၣ် ဟီၣ်ခိၣ်ဟူးအဃိ ဖဲထံဖိကီၫ်ဖိကမျၢၫ်ဘၣ်ကီဘၣ်ခဲအကတီၫ် မၤအိၣ်အမဲာ်လၢထံဂုၤကီၫ်ဂၤ၀ံၤ ဘိးဘၣ်ရၤလီၤ၀ဲတၫ်ပတုာ်တၫ်ခးဘၣ်ဆၣ် အနီၫ်ကစၫ်ဒၣ်၀ဲ လုၫ်သ့ၣ်ခီပတာ်မၤကမၣ် တၫ်ပတုာ်တၫ်ခးအဂ့ၫ် NRFFတဲဃာ်၀ဲလီၤ.
လၢသုးဟံးန့ၫ်ထံကီၫ်တၫ်စိတၫ်ကမီၤလံၤလံၤ သုးကရူၫ်လၢမၤကမၣ် သုးကွီၫ်မ့ၣ်တၫ်မၤကမၣ်တပယူာ်ဃီအံၤ ဒုးခး လီၤတၫ်လၢကၠိဖိခိၣ်လၢကလံၤကျါဒ်သိးအံၤ သုတပူၤဖျဲးလၢတၫ်မၤကမၣ်တဖၣ်အံၤအဂီၫ် ကဘၣ်တူၫ်မူတူၫ်ဒါခဲလၢာ် အဂ့ၫ် တဲဃာ်၀ဲလီၤ.
ဒ်န့ၣ်အသိး ထံဂုၤကီၫ်ဂၤတကပၤစ့ၫ်ကီး ကြၢးပတုာ်ကွံာ်တၫ်ဆါန့ၫ်သုးကီၣ်ကးကဘီယူၤသိဒီး သုးတၫ်စုက၀ဲၤပီးလီ တဖၣ် တဘျီဃီ၀ံၤ ကြၢးပာ်လီၤတၫ်ဟံးန့ၫ်ဂ့ၫ်၀ီလၢတုၤထီၣ်ထီၣ်ဘးတဘျီဃီအဂီၫ် NRFFဃ့ထီၣ်ဃာ်၀ဲန့ၣ်လီၤ.
