လါမ့ၤ(၈)သီ,၂၀၂၅နံၣ်
အ့ၣ်ယၣ်၀တံၣ်ကီၫ်ခီ,သၣ်ပီကီၫ်ဆၣ်အပူၤ ဖဲလါမ့ၤထီၣ်သီန့ၣ် သုးကီၣ်ကးဒီးပၢြပးကရၢတဖၣ် သမံသမိးဖီၣ်၀ဲ ကဟၣ်သိဒီးကသံၣ်ကသီတဖၣ်အဂ့ၫ် တၫ်သ့ၣ်ညါဘၣ်လၢပှၤလီၫ်က၀ီၤဖိတဖၣ်အိၣ်န့ၣ်လီၤ.
သၣ်ပီ-မကၠံစ့ၣ် သိလ့ၣ်ကျဲမုၫ်ကပၤ ဒူသ၀ီတဖၣ် ရၢၫ်ခၢၫ်သုးမုၫ်ဒိၣ်(AA)ဒီးသုးကီၣ်ကးအဘၢၣ်စၢၤ တၫ်ဒုးတဖၣ် ကဲထီၣ်၀ံၤအလီၫ်ခံ တဲ၀ဲလၢတၫ်ဆှၢ ကဟၣ်သိဒီးကသံၣ်ကသီတဖၣ်အဃိ ဖီၣ်သမံသမိး၀ဲဒ်သိးအံၤအဂ့ၫ် တၫ် သ့ၣ်ညါဘၣ်လီၤ.
“လီၤဆီဒၣ်တၫ် သမံသမိး၀ဲ ဒံၣ်စဲၣ်,ကဟၣ်သိဒီးကသံၣ်ကသီတဖၣ်လီၤ.တၫ်မ့ၫ်တီၣ်၀ဲကဟၣ်သိတဖၣ်န့ၣ် ကီၫ်ဆၣ် လံာ်တၫ်အုၣ်ကီၤမ့ၫ်ပာ်ဃုာ်မးန့ၫ်လီၤ.အပူၤကွံာ်စှၤသီန့ၣ် သမံသမိး၀ဲလၢထံကျဲ,ခိကျဲဒီးဟံးန့ၫ်ဃာ်၀ဲခဲလၢာ်အဂ့ၫ်” ပှၤ လီၫ်က၀ီၤဖိတဂၤတဲ၀ဲလီၤ.
သၣ်ပီကီၫ်ဆၣ်,ကၠဲးသိၣ်ကွ့တၫ်သမံသမိးတြဲၤဒီးတၫ်ထုးထီၣ်သ့ၣ်တၫ်မၤလီၫ်တဖၣ်အပူၤ သုးကီၣ်ကးဒီးပၢၤကီၫ်တဖၣ် သမံသမိး၀ဲ သိလ့ၣ်ဒီးမီၣ်တီၣ်တုးတဖၣ် ဃံးဃံးအဂ့ၫ် တၫ်သ့ၣ်ညါဘၣ်လီၤ.
အ့ၣ်ယၣ်၀တံၣ်ကီၫ်ခီပူၤ ငသဲခၠီ,လ့မၠးနၣ်ကီၫ်ဆၣ်တဖၣ်အပူၤစ့ၫ်ကီး ရၢၫ်ခၢၫ်သုးမုၫ်ဒိၣ်(AA)သုးပာ်ဖှိၣ်တဖၣ်ဒီး သုး ကီၣ်ကးအသုးအဘၢၣ်စၢၤ တၫ်ဒုးဆူၣ်ထီၣ်၀ံၤ သုးကီၣ်ကးတြီဃာ်တၫ်၀ံစိာ်တီဆှၢပနံာ်,တဲ၀ဲလၢတၫ်မၤကစၫ်တဖၣ် မၤစၢၤဆီၣ်ထွဲတၫ်ဒီးဖီၣ်၀ဲတပယူာ်ဃီန့ၣ်လီၤ.
Ref: Ayeyarwaddy Times
