လါဖ့ၤဘြူၤအါရံၤ(၅)သီ,၂၀၂၅နံၣ်
အမဲရကၤန့ၣ် မ့ၫ်ပတုာ်ကွံာ် တၫ်ဆီၣ်ထွဲမၤစၢၤကူၣ်သ့ဒီးဆူၣ်ချ့န့ၣ် သုတပတုာ်ကွံာ်၀ဲတဘျီဃီတဂ့ၤဒီး မ့ၫ်ဟ့ၣ်ဒုးသ့ၣ်ညါဆိ၀ဲန့ၣ်ပှၤလၢဘၣ်တၫ်ဒီၣ်တဲာ်ကွံာ်တၫ်မၤစၢၤတဖၣ်အဂီၫ်အိၣ်ကတီၤသးတၫ်ဆၢကတီၫ်ကန့ၫ်၀ဲအဂ့ၫ် တၫ်ကူၣ်ဘၣ်ကူၣ်သ့ဒီးတၫ်ဂုၤထီၣ်ပသီထီၣ် ဖီၣ်ဒ့ရှ့ FEDပှၤနဲၣ်တၫ်အူခၠံးထူတဲ၀ဲလီၤ.
FEDကရၢလၢအူခၠံးထူးသူၣ်ထီၣ်၀ဲစ့ၫ်ကီး တၫ်ပတုာ်ကွံာ်တၫ်မၤစၢၤအဃိ ဘၣ်ဒိဘၣ်ထံးအဂ့ၫ် တဲ၀ဲဒ်သိးအံၤလီၤ.
“ဘၣ်ထွဲဒီးတၫ်ကရၢကရိဒီတဖုအဃိ ပတဲသ့လၢ ဘၣ်ဒိ၀ဲ(၁၀)မျးကယၤလီၤ.စံးတၫ်န့ၣ် ပှၤမၤတၫ်ဖိ မ့ၫ်အိၣ် (၁၀၀(ဂၤဘျဲၣ်ဘျဲၣ်န့ၣ် ဘၣ်ဒိ၀ဲ(၁၀)ဂၤလီၤ.လီၤဆီဒၣ်တၫ် ကရၢလၢဆီၣ်ထွဲမၤစၢၤ ကူၣ်သ့ဒီးဆူၣ်ချ့တဖၣ် တၫ်တဟ့ၣ် ဒုးသ့ၣ်ညါဆိအီၤဘၣ်အမဲာ်ညါ,တၫ်ပတုာ်ကွံာ်သတုာ်ကလာ်ဒ်သိးအံၤအဃိ လၢတၫ်ဖီလာ် တၫ် ဘၣ်မၤတၫ်တဖၣ်န့ၣ် တၫ်ကီတၫ်ခဲအိၣ်၀ဲလီၤ.အနီၫ်ကီၫ်,မ့ၫ်ဟ့ၣ်ဒုးသ့ၣ်ညါဆိ၀ဲ၀ံၤ မၤလီၤစှၤ၀ဲကယီကယီန့ၣ် ဖံးတၫ်မၤတၫ်ကကိညၣ်၀ဲတစဲးလီၤ.
ဘၣ်ဆၣ်နာ်သက့ပတၫ်ကရၢကရိန့ၣ်လၢအပူၤကွံာ်လံၤလံၤပတဲသ့လၢတမ့ၫ်လၢပဒိးသန့ၤထီၣ်ပသးလၢထံကီၫ်ထဲတဘ့ၣ်ဧိၤ၀ံၤအိၣ်မူဘၣ်.ပအိၣ်ဒီးပှၤမၤစၢၤဆီၣ်ထွဲတၫ်လၢအဂၤတဖၣ်ဒ်သိးကီၫ်ယပၣ်,ယူၤရပၤထံကီၫ်တဖၣ်,ဒီးအီးစထြ့လယါလီၤ.အခဲအံၤတၫ်လၢပမၤသ့န့ၣ်ဒ်သိးတၫ်ကရၢကရိဆူမဲာ်ညါကအိၣ်ဂၢၫ်ဆိးကျၢၤအဂီၫ်တၫ်ဖံးတၫ်မၤလၢစ့ပာ်ကီၤကဟဲနုာ်လီၤတဖၣ်န့ၣ် ရဲၣ်ကျဲၤဃာ်၀ဲ အသိး,ဒ်သိးဃုစ့ပာ်ကီၤကန့ၫ်အဂီၫ် ကဂဲၤလိာ်ဃု၀ဲလၢ ကီၫ်ယူရပၤထံကီၫ်တဖၣ်အဂ့ၫ်”တဲ၀ဲန့ၣ်လီၤ.
Ref: VOA
