လါယနူၤအါရံၤ(၁၄)သီ,၂၀၂၅နံၣ်
ကီၢ်ပယီၤပၥ်ဃုၥ် အ့ရှမုၢ်ထီၣ်ကလံၤထံးထံကီၢ်တဖၣ်အပူၤ ဟီၣ်ခီလီၢ်က၀ီၤဖိလၢ ဖံးမၤတၢ်လၢ တဖိးသဲစးတၢ်ဖံးတၢ်မၤတဖၣ်ပူၤ၀ံၤ တဟဲက့ၤတုၤဆူအိၣ်ဆိးလီၢ်ကျဲတဖၣ် တၢ်ကဃုက့ၤအဂီၢ် ဟီၣ်ခီဘံၣ်ဘၢပၠူၣ်ရိၣ် အပျဲလီၤဃၥ်၀ဲ အကရၢလီၤဆီတဖု ဆူကၠီၣ်တဲၣ်အဂ့ၢ် Bangkok Post တၢ်ကစီၣ်ပၥ်ဖျါဃၥ်၀ဲန့ၣ်လီၤ.
တၢ်မၤပူၤဖျဲးထီၣ် တရူးခွါဂဲၤဒိ Wang Xingလၢ အိၣ်လဲတၢ်လံၣ်တၢ်လီကျိၥ်စ့ကဲ၀ံၤအလီၢ်ခံ တၢ်ကမၤပူၤဖျဲးထီၣ် ဟီၣ်ခီလီၢ်က၀ီၤဖိတဖၣ်အဂီၢ် ကရၢလီၤဆီအံၤ ဟဲတုၤဆူကၠီၣ်တဲၣ်လၢ အိၣ်ဘှံးနံၤအနံၤန့ၣ်လီၤ.
ဟီၣ်ခီလီၢ်က၀ီၤဖိတဖၣ်အံၤ ဟဲဖံးမၤတၢ်လၢ အ့ရှၢမုၢ်ထီၣ်ကလံၤထံးထံကီၢ်တဖၣ်ပူၤ တဖိးသဲစးတၢ်ဖံးတၢ်မၤတဖၣ်အပူၤ၀ံၤ ဖဲလၢ၂၀၂၄နံၣ် ခံ၀ီတ၀ီ သၢလါအကတီၢ်ပူၤ တၢ်တပျဲဟးအီၤလၢၤဘၣ်အဂ့ၢ် ပှၤလၢဃ့တၢ်မၤစၢၤအိၣ်ထီၣ်၀ဲ(၂၈)ဂၤ၀ံၤ ဟဲက့ၤတုၤဒၣ်(၁၆)ဂၤလီၤအဂ့ၢ် ဟီၣ်ခီဘံၣ်ဘၢပၠူၣ်ရိၣ် စံး၀ဲန့ၣ်လီၤ.
လါဖ့ၤဘြူၤအါရံၤအတီၢ်ပူၤ ဟီၣ်ခီမံၤဟူသၣ်ဖျါ Cantopopပှၤသး၀ံၣ်တၢ်ဖိ Eason Chan Yik-shun ကဟဲမၤမူသဖှံးအမူးလၢ ကီၢ်ကၠီၣ်တဲၣ်စ့ၢ်ကီး ခီဖျိတၢ်ဘံၣ်တၢ်ဘၢအဖီခိၣ် ထုးသံကွံၥ်တၢ်ရဲၣ်တၢ်ကျဲၤအံၤန့ၣ်လီၤ.
တၢ်ကစီၣ်တဖၣ်ဟးထီၣ်လၢ တရူးထံဖိကီၢ်ဖိတဖၣ် ဘၣ်တၢ်မၢန့ၢ်ဆူၣ်အီၤလၢ ကီၢ်ဆၢအိၣ်လဲကၠါဖၠးတၢ်ဖံးတၢ်မၤပူၤအဃိ တၢ်ဘံၣ်တၢ်ဘၢအဖီခိၣ် ထုးသံကွံၥ်မူးတၢ်ရဲၣ်တၢ်ကျဲၤအံၤအဂ့ၢ် Bangkok Post တၢ်ကစီၣ် ကွဲးဖျါဃၥ်၀ဲန့ၣ်လီၤ.
