လါဒံၣ်စ့ဘၢၣ်(၁၆)သီ,၂၀၂၄နံၣ်
ပလီၢ်၀့ၢ်ပူၤ သုးကီၣ်ကးအသုး ဖီၣ်န့ၢ်ဆူၣ်ကမျၢၢ်သးစၢ်အါအါဂီၢ်ဂီၢ်အကျါ ပၥ်ဃုၥ်၀ဲစ့ၢ်ကီး တီၤထီကၠိဖိတဖၣ်အဂ့ၢ် တၢ်သ့ၣ်ညါဘၣ်လၢ ပှၤအိၣ်လၢ၀့ၢ်ပူၤဒီးလီၢ်က၀ီၤဖိတဖၣ်အအိၣ်န့ၣ်လီၤ.
လါဒံၣ်စ့ဘၢၣ်(၁၂)သီအနံၤန့ၣ် သုးကီၣ်ကးအသုးဖီၣ်န့ၢ်ဆူၣ် ပှၤသးစၢ်အါအါဂီၢ်ဂီၢ်လၢ ပလီၢ်၀့ၢ်က၀ီၤဒ့ဒီးရှဲးပိၣ်သ၀ီပူၤအဂ့ၢ် ပှၤလီၢ်က၀ီၤဖိတဖၣ် စံး၀ဲန့ၣ်လီၤ.
ဖဲမဟါဂီၤအဆၢကတီၢ်န့ၣ် သုးကီၣ်ကးအသုး ဖီၣ်န့ၢ်ဆူၣ်ပှၤသးစၢ်တဖၣ် ဖဲ ပလီၢ်တိၤခိၣ်ထီးအသိး ဖီၣ်၀ဲစ့ၢ်ကီးလၢ ပလီၢ်၀့ၢ်က၀ီၤဒ့တဖၣ်အပူၤအဂ့ၢ် ပလီၢ်၀့ၢ် ပိၥ်မုၣ်တဂၤ စံး၀ဲန့ၣ်လီၤ.
တကးဘၣ် ဟါလီၤခီအဆၢကတီၢ် ဖီၣ်န့ၢ်ဆူၣ်၀ဲအကျါ ပၥ်ဃုၥ်၀ဲစ့ၢ်ကီး Grade 12 တီၤထီကၠိဖိ (၂)ဂၤအဂ့ၢ် အ၀ဲစံး၀ဲန့ၣ်လီၤ.
“တနံၤအတီၢ်ပူၤ ဖီၣ်၀ဲန့ၣ် ကအိၣ်၀ဲ(၆၀)ဂၤဃၥ်ဃၥ်ညါလီၤ. ပၥ်ဃုၥ်၀ဲစ့ၢ်ကီး ကၠိဖိ(၂)ဂၤန့ၣ်လီၤ. ကၠိဖိ(၂)ဂၤန့ၣ် လဲၤထီၣ်ကၠူၣ်ရှ့ၣ်လၢ ကမျၢၢ်ကူးသိးအသိးလီၤ. ကၠိဖိစ့ၢ်ကီး ဖီၣ်ဃုၥ်၀ဲလီၤအဂ့ၢ်” စံး၀ဲန့ၣ်လီၤ.
ပှၤလၢတၢ်ဖီၣ်န့ၢ်ဆူၣ်အီၤအကျါ ပၥ်ဃုၥ်၀ဲ ပှၤလၢသးနံၣ်အိၣ်(၁၃)နံၣ်တုၤ(၃၅)နံၣ်အဂ့ၢ် ပလီၢ်၀့ၢ်ဖိတဖၣ် စံး၀ဲန့ၣ်လီၤ.
ကမျၢၢ်လၢ သုးကီၣ်ကးဖီၣ်န့ၢ်ဆူၣ်အီၤတဖၣ် တၢ်ဆှၢအီၤဆူ ဘျံး၀့ၢ်တပၤ လၢရှဲးပိၣ်သ၀ီချံသန့ၤတဆီလၢ မုၢ်နၤခီအဆၢကတီၢ်အဂ့ၢ် ပှၤ၀့ၢ်ဖိအဂၤတဂၤ စံး၀ဲန့ၣ်လီၤ.
“ဆှၢထီၣ်ဆူ ဘျံး၀့ၢ်လၢ ချံ(၃)ဘ့ၣ်န့ၣ်လီၤ. ဖီၣ်၀ဲလၢ တၢ်သိၣ်လိအဂီၢ်အဂ့ၢ်”န့ၣ်လီၤ.
ကမျၢၢ်သးစၢ်တဖၣ် တၢ်ဖီၣ်အီၤန့ၣ် ခီဖျိဟးလၢတၢ်ချၢတုၤ (၈)နၣ်ရံၣ်ဘျဲၣ်အဃိအဂ့ၢ် ပှၤလၢအိၣ်ဘူးဒီးသုးကီၣ်ကးတဲ၀ဲအဂ့ၢ် ပှၤလီၢ်က၀ီၤဖိတနီၤ တဲ၀ဲန့ၣ်လီၤ.
Ref: Dawei Watch
